Telangana Political Row: కేసీఆర్‌కు చెడు జరగాలని కాంగ్రెస్ ఎప్పటికీ కోరుకోదు.. టీపీసీసీ అధ్యక్షుడు మహేష్ కుమార్ గౌడ్
Mahesh Kumar Goud Says Congress Will Win 100 Seats in Next Elections
Telangana Political Row: భారత రాష్ట్ర సమితి (BRS) అధినేత, మాజీ ముఖ్యమంత్రి కేసీఆర్ ఆరోగ్యం, ఆయనకు జరిగే చెడుపై కాంగ్రెస్ పార్టీని ఉద్దేశించి వస్తున్న రాజకీయ విమర్శలను తెలంగాణ రాష్ట్ర కాంగ్రెస్ కమిటీ (టీపీసీసీ) అధ్యక్షుడు మహేష్ కుమార్ గౌడ్ ఖండించారు. కేసీఆర్‌కు ఏదైనా చెడు జరగాలని కాంగ్రెస్ పార్టీ ఎప్పుడూ కోరుకోలేదని.. ఇకపై కూడా కోరుకోదని ఆయన స్పష్టం చేశారు. ప్రతిపక్ష నాయకులను గౌరవించే సుదీర్ఘ సాంప్రదాయం కాంగ్రెస్ పార్టీకి ఉందని వివరించారు.
బీఆర్ఎస్ నాయకులు తమ సొంత కుటుంబ, పార్టీ అంతర్గత సమస్యలను కాంగ్రెస్ ఖాతాలో వేస్తూ నిందలు వేస్తున్నారని మహేష్ కుమార్ గౌడ్ మండిపడ్డారు. గతంలో కేసీఆర్ గాయపడిన సమయంలో ముఖ్యమంత్రి రేవంత్ రెడ్డి స్వయంగా ఆసుపత్రికి వెళ్ళి పరామర్శించి, మెరుగైన వైద్యం అందించాలని అధికారులను ఆదేశించిన విషయాన్ని ఈ సందర్భంగా గుర్తుచేశారు. ప్రతిపక్ష నాయకుడు నూరేళ్లు బతకాలనే తాము కోరుకుంటామని తేల్చిచెప్పారు.
షాద్‌నగర్ కాంగ్రెస్ ఎమ్మెల్యే.. సీఎం రేవంత్ రెడ్డిపై విపక్షాలు చేస్తున్న అనుచిత వ్యాఖ్యలను తట్టుకోలేక, తీవ్ర మనస్తాపంతో కేసీఆర్‌ను ఉద్దేశించి మాట్లాడారని వివరించారు. అదే సమయంలో అసెంబ్లీ స్పీకర్‌పై BRS ఎమ్మెల్సీ తాతా మధు చేసిన వ్యాఖ్యలు అత్యంత దారుణమైనవని ఖండించారు. మాజీ ప్రధాని అటల్ బిహారీ వాజ్‌పేయ్ ఆరోగ్యం క్షీణించినప్పుడు కాంగ్రెస్ ప్రభుత్వం స్వయంగా ఆయన్ను అమెరికాకు పంపి చికిత్స చేయించిందని, అలాగే జైపాల్ రెడ్డికి బైపాస్ సర్జరీ చేయించిన చరిత్ర కాంగ్రెస్‌దని గుర్తుచేశారు. చివరికి రాజీవ్ గాంధీ హత్య కేసు నిందితుల విషయంలోనూ కాంగ్రెస్ కుటుంబం గొప్ప మానవతా దృక్పథాన్ని చాటుకుందన్నారు. దళితులకు, బలహీన వర్గాలకు ఉన్నత పదవులు ఇచ్చి గౌరవించిన ఏకైక పార్టీ కాంగ్రెస్ అని, కేసీఆర్ ఆరోగ్యాన్ని చూసి లబ్ధి పొందాలని చూస్తున్నది ఎవరో ప్రజలందరికీ తెలుసని వ్యాఖ్యానించారు.
- Bathukamma 2026 Wishes in Telugu: బతుకమ్మ మొదటి రోజు ఎంగిలి పూల బతుకమ్మ శుభాకాంక్షల Wishes తెలియజేయాలని ఉందా..ఈ HD Images మీ కోసం..
- CJP Protest: జంతర్‌ మంతర్‌ 2.0పై ఢిల్లీ దిగ్బంధనం.. 38 రైళ్లు రద్దు, 57 మెట్రో స్టేషన్లపై ఆంక్షలు!
- President Droupadi Murmu: ఎన్నికల అక్రమాలకు సంబంధించిన ఆధారాలను సమర్పించాలని రాష్ట్రపతి కోరారు – రాహుల్ గాంధీ..
- CJP Protest: ఢిల్లీ దిగ్బంధనంపై సుప్రీంకోర్టు అసంతృప్తి.. ఈగను చంపేందుకు పెద్ద సుత్తి వాడొద్దని హితవు…
- CJP Protest: ఢిల్లీలో ఇంటర్నెట్ బంద్‌.. రేపటి నిరసనల వేళ భారీ భద్రత..రాజధాని అష్ట దిగ్బంధం
సంబంధిత వార్తలు
