Telangana Assembly Session: బీఆర్‌ఎస్‌ ఎమ్మెల్సీలు తాతా మధు, నవీన్ రెడ్డిలకు ఊరట.. రిమాండ్‌ను తిరస్కరించిన నాంపల్లి కోర్టు!
BRS MLCs Tata Madhu, Naveen Reddy
Telangana Assembly Session: తెలంగాణ శాసనసభ స్పీకర్ గడ్డం ప్రసాద్‌పై అనుచిత వ్యాఖ్యలు చేశారనే ఆరోపణలతో అరెస్ట్ అయిన భారత రాష్ట్ర సమితి (BRS) ఎమ్మెల్సీలు తాతా మధు, నవీన్ కుమార్ రెడ్డిలకు నాంపల్లి కోర్టులో ఊరట లభించింది. పోలీసులు దాఖలు చేసిన రిమాండ్ పిటిషన్‌ను నాంపల్లి కోర్టు తిరస్కరించింది. ఇద్దరు నేతలకు రూ. 10 వేల సొంత పూచీకత్తుతో పాటు ఇద్దరు వ్యక్తుల షూరిటీలను సమర్పించాలని ఆదేశించింది. పూచీకత్తులు సమర్పించిన అనంతరం వారిని వెంటనే విడుదల చేయాలని న్యాయస్థానం స్పష్టం చేసింది.
అసెంబ్లీ వర్షాకాల సమావేశాల ప్రారంభం సందర్భంగా స్పీకర్ గడ్డం ప్రసాద్‌ను ఉద్దేశించి తాతా మధు చేసిన వ్యాఖ్యలు తీవ్ర దుమారం రేపిన విషయం తెలిసిందే. స్పీకర్‌పై అనుచిత వ్యాఖ్యలు చేశారంటూ కాంగ్రెస్ నాయకుల ఫిర్యాదుతో పాటు, వారిద్దరిపై ఎస్సీ, ఎస్టీ అట్రాసిటీ చట్టం కింద కేసులు నమోదయ్యాయి. ఈ పరిణామాలు సభలోనూ, వెలుపలా తీవ్ర రాజకీయ ఉద్రిక్తతలకు దారితీశాయి.
మంగళవారం ఉదయం న్యూ ఎమ్మెల్యే క్వార్టర్స్ వద్ద BRS ఎమ్మెల్సీల అరెస్ట్ సందర్భంగా తీవ్ర హైడ్రామా చోటుచేసుకుంది. పోలీసులు తాతా మధు నివాసానికి చేరుకుని బయటకు రావాలని కోరగా ఆయన నిరాకరించారు. సమాచారం అందుకున్న బిఆర్ఎస్ శ్రేణులు అక్కడికి భారీగా చేరుకుని అరెస్టును అడ్డుకునేందుకు యత్నించడంతో ఉద్రిక్తత నెలకొంది. చివరకు పోలీసులు వారితో మాట్లాడి తాతా మధును, అలాగే బలవంతంగా నవీన్ కుమార్ రెడ్డిని తమ వాహనాల్లో తరలించారు. అయితే తాను స్పీకర్‌ను ఎలాంటి దుర్భాషలాడలేదని, కావాలనే తమపై అక్రమ కేసులు బనాయించారని తాతా మధు ముందే వివరణ ఇచ్చారు. పోలీసుల రిమాండ్ పిటిషన్‌ను కోర్టు తోసిపుచ్చడంతో BRS శ్రేణులు ఊపిరి పీల్చుకున్నాయి.
- Bathukamma 2026 Wishes in Telugu: బతుకమ్మ మొదటి రోజు ఎంగిలి పూల బతుకమ్మ శుభాకాంక్షల Wishes తెలియజేయాలని ఉందా..ఈ HD Images మీ కోసం..
- CJP Protest: జంతర్‌ మంతర్‌ 2.0పై ఢిల్లీ దిగ్బంధనం.. 38 రైళ్లు రద్దు, 57 మెట్రో స్టేషన్లపై ఆంక్షలు!
- President Droupadi Murmu: ఎన్నికల అక్రమాలకు సంబంధించిన ఆధారాలను సమర్పించాలని రాష్ట్రపతి కోరారు – రాహుల్ గాంధీ..
- CJP Protest: ఢిల్లీ దిగ్బంధనంపై సుప్రీంకోర్టు అసంతృప్తి.. ఈగను చంపేందుకు పెద్ద సుత్తి వాడొద్దని హితవు…
- CJP Protest: ఢిల్లీలో ఇంటర్నెట్ బంద్‌.. రేపటి నిరసనల వేళ భారీ భద్రత..రాజధాని అష్ట దిగ్బంధం
సంబంధిత వార్తలు
