ముంబైలో భారీ వర్షాల బీభత్సం..రెడ్ అలర్ట్ జారీ, స్కూళ్లు, కాలేజీలకు సెలవు ప్రకటించిన బీఎంసీ..

మహారాష్ట్ర రాజధాని ముంబై నగరంలో గత కొన్ని రోజులుగా ఎడతెరిపి లేకుండా కురుస్తున్న భారీ వర్షాలు మహారాష్ట్ర రాజధాని ముంబై నగరంలో గత కొన్ని రోజులుగా ఎడతెరిపి లేకుండా కురుస్తున్న భారీ వర్షాలు (Mumbai Rains) శనివారం మరింత తీవ్రరూపం దాల్చాయి. ఈ రోజు కూడా నగరంలో అత్యంత భారీ నుండి అతి భారీ వర్షాలు కురిసే అవకాశం ఉందని హెచ్చరిస్తూ భారత వాతావరణ శాఖ (IMD) ముంబైకి ‘రెడ్ అలర్ట్’ జారీ చేసింది.

వాతావరణ శాఖ హెచ్చరికలు, తీవ్రమైన వర్ష సూచనల నేపథ్యంలో బృహన్‌ముంబై మున్సిపల్ కార్పొరేషన్ (BMC) కీలక నిర్ణయం తీసుకుంది. విద్యార్థుల భద్రతను దృష్టిలో ఉంచుకుని ముంబై నగర పరిధిలోని అన్ని ప్రభుత్వ, ప్రైవేట్ పాఠశాలలు (స్కూళ్లు), కళాశాలలకు (కాలేజీలు) తక్షణమే సెలవులు ప్రకటిస్తున్నట్లు బీఎంసీ అధికారికంగా వెల్లడించింది.

నగరవ్యాప్తంగా భారీ వర్షాల కారణంగా రోడ్లపైకి నీరు చేరే అవకాశం ఉన్నందున, ప్రజలు అత్యవసరమైతే తప్ప ఇళ్ల నుండి బయటకు రావద్దని మున్సిపల్ అధికారులు విజ్ఞప్తి చేశారు. ముంబై నగరానికి రెడ్ అలర్ట్ ఉండగా, దానికి సమీపంలో ఉన్న థానే, పాల్ఘర్, రాయ్‌గఢ్ వంటి పరిసర ప్రాంతాలలో కూడా అక్కడక్కడా భారీ వర్షాలు కురిసే అవకాశం ఉందని అధికారులు తెలిపారు.

గత వారం రోజులుగా ముంబైలో విస్తృతంగా వానలు పడుతుండగా, కొన్ని ప్రాంతాలలో 100 మిల్లీమీటర్లకు పైగా వర్షపాతం నమోదైంది. వర్షం తీవ్రత ఉన్నప్పటికీ, ప్రస్తుతానికి నగరంలో పబ్లిక్ ట్రాన్స్‌పోర్ట్ (బస్సు) సేవలు యథావిధిగా నడుస్తున్నాయి. ముంబై లైఫ్ లైన్ అయిన సబర్బన్ లోకల్ రైళ్లు కూడా ప్రస్తుతం షెడ్యూల్ ప్రకారమే నడుస్తున్నట్లు రైల్వే అధికారులు స్పష్టం చేశారు. అయితే, ప్రయాణికులు వాతావరణ అప్‌డేట్లను గమనిస్తూ అప్రమత్తంగా ప్రయాణించాలని సూచించారు.