Bangladesh Measles Crisis: బంగ్లాదేశ్‌లో మీజిల్స్ కల్లోలం.. దాదాపు 1,000 మంది మృతి.. 1.66 లక్షలకుపైగా అనుమానిత కేసులు

Bangladesh Measles Crisis: బంగ్లాదేశ్‌లో మీజిల్స్ (తట్టు) వ్యాధి తీవ్ర రూపం దాల్చింది. గత కొన్ని దశాబ్దాల్లో ఎన్నడూ లేని రీతిలో ఈ వైరల్ వ్యాధి విస్తరిస్తుండటంతో దేశం పెద్ద ఆరోగ్య సంక్షోభాన్ని ఎదుర్కొంటోంది. ఈ ఏడాది ప్రారంభం నుండి ఇప్పటివరకు సుమారు 1.66 లక్షలకు పైగా అనుమానిత కేసులు నమోదైనట్లు ఆరోగ్య సేవల డైరెక్టరేట్ జనరల్ (DGHS) గణాంకాలు వెల్లడిస్తున్నాయి. ఈ వ్యాధి కారణంగా మరణించిన వారి సంఖ్య 1,000కి చేరువలో ఉండటంతో ప్రపంచ ఆరోగ్య సంస్థ (WHO) ఈ పరిస్థితిని జాతీయ స్థాయి తీవ్ర ముప్పుగా ప్రకటించింది.

దేశంలోని మొత్తం 64 జిల్లాల్లోనూ వ్యాధి తీవ్రత కనిపిస్తోంది. ముఖ్యంగా జనసాంద్రత ఎక్కువగా ఉండే రాజధాని ఢాకాలోని మురికివాడలు, పట్టణ ప్రాంతాలు ఈ వ్యాప్తికి ప్రధాన కేంద్రాలుగా మారాయి. నమోదు కాబడుతున్న మొత్తం కేసుల్లో దాదాపు 80 శాతం ఐదేళ్లలోపు చిన్నారులే కావడం గమనార్హం. అందులోనూ తొమ్మిది నెలల్లోపు పసికందుల్లోనే మూడో వంతు ఇన్ఫెక్షన్లు నమోదవుతున్నాయి. సరిపడా పోషకాహారం లేకపోవడం వల్ల చిన్నారుల్లో రోగనిరోధక శక్తి తగ్గి న్యూమోనియా, మెదడువాపు వంటి ప్రాణాంతక సమస్యలు తలెత్తుతున్నాయి.

జనాభాలో వ్యాధి నిరోధక శక్తి తగ్గడమే ఈ సంక్షోభానికి మూల కారణమని వైద్య నిపుణులు భావిస్తున్నారు. గతంలో టీకాల కొరత ఏర్పడటంతో పాటు, వ్యాప్తిని అరికట్టేందుకు అవసరమైన 95 శాతం టీకా కవరేజ్ లక్ష్యాన్ని బంగ్లాదేశ్ చేరుకోలేకపోయింది. దీంతో భారీ సంఖ్యలో పిల్లలు ఈ వ్యాధి బారిన పడాల్సి వచ్చింది.

ఈ అత్యవసర పరిస్థితిని అదుపు చేసేందుకు బంగ్లాదేశ్ ప్రభుత్వం యునిసెఫ్ (UNICEF), డబ్ల్యూహెచ్‌ఓ మరియు గావి (Gavi) వ్యాక్సిన్ అలయన్స్‌లతో చేతులు కలిపి భారీ స్థాయిలో జాతీయ టీకా డ్రైవ్‌ను ప్రారంభించింది. సుమారు 1.8 కోట్ల మంది పిల్లలకు టీకాలు అందించే లక్ష్యంతో ఆరోగ్య సిబ్బంది కమ్యూనిటీ కేంద్రాలు, పాఠశాలలు మరియు ఇంటింటికీ తిరిగి వ్యాక్సిన్లు వేస్తున్నారు. పిల్లలందరికీ సకాలంలో టీకాలు వేయించడమే తట్టు నుండి రక్షణ పొందే ఏకైక మార్గమని అధికారులు స్పష్టం చేస్తున్నారు.

• Vijayawada Mayor Election Results: విజయవాడలో వంగవీటి రాధాకృష్ణకు భారీ ఆధిక్యం.. స్వతంత్ర అభ్యర్థి ABVకి చుక్కెదురు…
• AP Municipal Election Results: కుప్పంలో టీడీపీ క్లీన్ స్వీప్.. 32 వార్డులూ కైవసం.. వైసీపీ తప్పని పరాభవం..
• AP Municipal Election Results: నెల్లూరులో టీడీపీ జోరు..ఆత్మకూరు, వెంకటగిరి, సూళ్లూరుపేటలో వరుస విజయాలు.. వైసీపీకి ఎదురుదెబ్బ..
• AP Municipal Election Results: పులివెందులలో టీడీపీ ప్రభంజనం.. 13,875 ఓట్ల భారీ మెజార్టీతో గీతాకుమారి విజయం
• AP Municipal Election Results: విశాఖ కార్పొరేషన్‌లో టీడీపీ తిరుగులేని విజయం.. మేయర్‌గా ముక్కా శ్రావణి గెలుపు…