తెలంగాణలో ప్లాట్లు, ఇళ్ల రిజిస్ట్రేషన్ గైడ్ : రూల్స్, చార్జీలు కావలసిన డాక్యుమెంట్స్ పూర్తి వివరాలు..మీ కోసం
తెలంగాణలో ప్లాట్లు, ఇళ్ల రిజిస్ట్రేషన్ గైడ్ : రూల్స్, చార్జీలు కావలసిన డాక్యుమెంట్స్ పూర్తి వివరాలు..మీ కోసం
ప్రతి ఒక్కరికి జీవితకాలంలో సొంత ఇల్లు నిర్మాణం లేదా ప్లాటు కొనుగోలు చేయడం అనేది ఒక కల అని చెప్పవచ్చు. ముఖ్యంగా సొంత ఇంటి కోసం తమ జీవితకాలం సంపాదించుకున్న డబ్బులు ఖర్చు చేసి మరి ఇల్లు నిర్మాణం చేస్తారు. అంతేకాదు అప్పు చేసి మరి ఇంటి నిర్మాణం చేసేందుకు మధ్యతరగతి సామాన్య ప్రజలు వెనుకాడరు. ఇందుకోసం తమ జీవితంలో పెద్ద మొత్తం ప్రతినెల ఈఎంఐల రూపంలో కూడా కడుతూ ఉంటారు. మరి ఇన్ని జాగ్రత్తలు తీసుకోవాల్సిన సొంత ఇంటి నిర్మాణం విషయంలో తప్పనిసరి అయినటువంటి రిజిస్ట్రేషన్ గురించి అన్ని విషయాలను తెలుసుకోవడం ద్వారా భవిష్యత్తులో ఎలాంటి ఇబ్బందులు తలెత్తకుండా మీరు సొంత ఇంట్లో హాయిగా జీవితం గడపవచ్చు. దీని ప్రకారం తెలంగాణలో ప్లాట్ రిజిస్ట్రేషన్ గురించి A to Z తెలుసుకుందాం.
ప్లాట్ లేదా ఇల్లు రిజిస్ట్రేషన్ కోసం కావలసిన ముఖ్యమైన పత్రాలు (Required Documents)
లింక్ డాక్యుమెంట్లు (Link Documents): గత 30 ఏళ్ల భూమి చరిత్రను తెలిపే పత్రాలు.
సేల్ డీడ్ డ్రాఫ్ట్ (Sale Deed): కొనుగోలుదారు, అమ్మకందారుల మధ్య జరిగే ఒప్పంద పత్రం.
ఈసీ (Encumbrance Certificate): భూమిపై ఎలాంటి అప్పులు, కోర్టు కేసులు లేవని నిరూపించే విక్రయ పత్రం.
ఇరు పక్షాల పాన్ కార్డ్ (PAN Card), ఆధార్ కార్డ్ సాక్ష్యాల కోసం.
తెలంగాణలో రిజిస్ట్రేషన్ ఖర్చులు (Stamp Duty) ఎంత ఉంటాయి?
మార్కెట్ వాల్యూ: అంటే ప్రభుత్వం నిర్ణయించిన భూమి ధర. రిజిస్ట్రేషన్ ఖర్చులు దీనిపైనే ఆధారపడి ఉంటాయి.
స్టాంప్ డ్యూటీ (Stamp Duty): ప్రస్తుత నిబంధనల ప్రకారం శాతాల వివరాలు (ఉదాహరణకు మొత్తం 7.5% వరకు చార్జీలు ఉంటాయి).
రిజిస్ట్రేషన్ ఫీజు: 1%
ట్రాన్స్ఫర్ డ్యూటీ: 1.5%
రిజిస్ట్రేషన్ కోసం ఆన్లైన్ స్లాట్ బుక్ చేయడం ఎలా ?
వ్యవసాయేతర (Non-Agriculture) ప్లాట్లు/ఇండ్లు అయితే IGRS Telangana పోర్టల్ ద్వారా స్లాట్ బుక్ చేసుకోవాలి. ఆన్లైన్లోనే చార్జీలు చెల్లించి, సబ్-రిజిస్ట్రార్ ఆఫీస్కు వెళ్లాల్సిన తేదీ, సమయాన్ని లాక్ చేసుకోవాలి.
మ్యుటేషన్ అంటే ఏంటి?
బుక్ చేసుకున్న సమయానికి ఇరు పక్షాలు ఇద్దరు సాక్షులతో (Witnesses) వెళ్లాలి. అక్కడ బయోమెట్రిక్ (వేలిముద్రలు), ఫోటోలు తీసుకుని రిజిస్ట్రేషన్ పూర్తి చేస్తారు. రిజిస్ట్రేషన్ అవ్వగానే సరిపోదు, ప్రభుత్వ రికార్డుల్లో పాత యజమాని పేరు తీసేసి, మీ పేరు నమోదు చేయడాన్నే ‘మ్యుటేషన్’ అంటారు. నాన్-అగ్రి ప్రాపర్టీస్ అయితే మున్సిపాలిటీ లేదా గ్రామ పంచాయతీ ద్వారా ఇది జరుగుతుంది.
సంబంధిత వార్తలు
