పొలిటికల్‌ యాక్షన్‌ డ్రామాగా ‘లెగసీ’
Vishwak Sen's Legacy
మదనపల్లె పరిసర ప్రాంతాల్లో నెలరోజుల పాటు చిత్రీకరణ
మాస్‌కా దాస్‌ విశ్వక్‌ సేన్‌ కథానాయకుడిగా, దర్శకుడు సాయి కిరణ్‌ దైదా దర్శకత్వంలో కలాహీ మీడియా పతాకంపై తెరకెక్కుతున్న పొలిటికల్‌ యాక్షన్‌ డ్రామా ‘లెగసీ’. యశ్వంత్‌ దగ్గుమాటి, సాయి కిరణ్‌ రెడ్డి దైదా నిర్మిస్తున్న ఈ చిత్రానికి సంజయ్‌ సాంబ్రాణి, వి.వి.ఎన్‌. ప్రసాద్‌ సహ నిర్మాతలుగా వ్యవహరిస్తున్నారు. ఈ ఏడాది ప్రారంభంలో విడుదలైన ‘లెగసి’ అనౌన్స్మెంట్‌ టీజర్‌ సినిమాపై ప్రేక్షకుల్లో భారీ ఆసక్తిని కలిగించింది. విమర్శకుల ప్రశంసలు అందుకున్న ‘పిండం’ చిత్రాన్ని నిర్మించిన కలాహీ మీడియా నుంచి వస్తున్న రెండో చిత్రం కావడంతో లెగసిపై అంచనాలు మరింత పెరిగాయి. పవర్‌, ఫ్యామిలీ, ప్రేమ , ద్రోహం నేపథ్యంలో లెగసి సినిమా సాగుతుంది. పొలిటికల్‌ యాక్షన్‌ డ్రామా. అధికారం, కుటుంబం, ప్రేమ, ద్రోహం చుట్టూ సాగే ఈ కథలో ఒక వారసుడు తాను కోరుకోని ప్రమాదకరమైన ప్రపంచంలోకి అడుగుపెడతాడు. తన తండ్రి గతానికి సంబంధించిన దాగి ఉన్న నిజాలను ఎదుర్కొంటూ, శక్తివంతమైన ప్రత్యర్థులతో పోరాడుతూ తనపై పడిన వారసత్వపు భారాన్ని మోసే పరిస్థితిని ఎదుర్కొంటాడు.ఈ చిత్రంలో విశ్వక్‌ సేన్‌ ఇప్పటివరకు చూడని విభిన్నమైన, శక్తివంతమైన అవతార్లో కనిపించనున్నారు. ప్రముఖ నటుడు కె కె మేనన్‌ అత్యంత శక్తివంతమైన ప్రతినాయకుడి పాత్రలో నటిస్తున్నారు. ఈ చిత్రంలో ఏక్తా రాథోడ్‌ కథానాయికగా నటిస్తుండగా, మురళీ మోహన్‌ , కె కె మీనన్‌ , రావు రమేష్‌, సచిన్‌ ఖేడేకర్‌, ఖుషీ రవి, కల్యాణి నటరాజన్‌, రాజీవ్‌ కనకాల, అనీష్‌ కురువిల్లా, కలెక్టర్‌ శ్రీనివాస్‌, రవి కాలే, అమిత్‌ తివారీ తదితరులు కీలక పాత్రల్లో నటిస్తున్నారు. జిజు సన్నీ ఛాయాగ్రహణం, గోవింద్‌ వసంత్‌ సంగీతం, సిరీష్‌ ప్రసాద్‌ ఎడిటింగ్‌, రాజీవ్‌ నాయర్‌ ప్రొడక్షన్‌ డిజైన్‌, జషువా యాక్షన్‌ కొరియోగ్రఫీ సినిమాకు ప్రత్యేక ఆకర్షణగా నిలవనున్నాయి.
- US Midterm Elections: అమెరికా మిడ్‌టర్మ్ ఎన్నికలు.. డెమోక్రాట్ల వైపు మొగ్గు చూపుతున్న 25% మంది ట్రంప్ మద్దతుదారులు, సర్వేలో ఆసక్తికర విషయాలు..
- Saudi Arabia-Houthi Tensions: దాడులు ఆపితే ఒక బిలియ‌న్ డాల‌ర్‌లు ఇస్తాం.. యెమెన్‌లోని హూతీలకు ఆఫర్ ఇచ్చిన సౌదీ అరేబియా..
- New ₹1,000 Note With Temple Image? భారత్‌లో కొత్త రూ.1,000 నోటు విడుదల కానుందా.. కేంద్ర ప్రభుత్వ వివరణ ఇదే..
- Emergency Preparedness: అత్యవసర పరిస్థితులకు సిద్ధంగా ఉండండి.. మూడు రోజులకు సరిపడా సరుకులు నిల్వ ఉంచుకోవాలని ప్రజలకు యూకే, జపాన్ కీలక సూచన..
- Telangana Drought Alert: వర్షాభావంతో తెలంగాణలో తీవ్ర కరువు ముప్పు.. కరువు మండలాలను వెంటనే ప్రకటించి నష్టపరిహారం అందించాలని సీపీఐ డిమాండ్..
