Weather Update: ఏపీ, తెలంగాణలో మళ్లీ వర్షాలు.. పలు జిల్లాలకు వాతావరణ శాఖ అలర్ట్

jagan 29 Aug 2026 1 నిమిషాల పఠనం తెలంగాణ

Telangana Rain Alert:

Weather Update: బంగాళాఖాతంలో ఏర్పడనున్న మరో అల్పపీడన ప్రభావంతో ఆంధ్రప్రదేశ్, తెలంగాణ రాష్ట్రాల్లో రాబోయే కొద్దిరోజుల పాటు మోస్తరు నుంచి భారీ వర్షాలు కురిసే అవకాశం ఉందని భారత వాతావరణ శాఖ (IMD) అధికారులు వెల్లడించారు. సముద్రంలో చోటుచేసుకుంటున్న పవన మార్పుల వల్ల వాతావరణం వేగంగా మారుతోందని, ఈ నేపథ్యంలో ఇరు రాష్ట్రాల ప్రజలు, అధికారులు ముందస్తు అప్రమత్తతతో ఉండాలని సూచించారు.

ఆంధ్రప్రదేశ్‌ వ్యాప్తంగా వాతావరణంలో మార్పులు స్పష్టంగా కనిపిస్తున్నాయి. ముఖ్యంగా ఉత్తరాంధ్ర జిల్లాలైన శ్రీకాకుళం, విజయనగరం, పార్వతీపురం మన్యం ప్రాంతాల్లో ఉరుములు, మెరుపులతో కూడిన వర్షాలు కురిసే అవకాశాలు మెండుగా ఉన్నాయి. సెప్టెంబర్ 2వ తేదీ వరకు ఉత్తరాంధ్రతో పాటు రాయలసీమలోని పలు ప్రాంతాల్లో ఉరుముల ఉధృతి, వర్షాల ప్రభావం కొనసాగుతుందని అధికారులు పేర్కొన్నారు. బంగాళాఖాతంలో ఏర్పడే అల్పపీడనం మరింత బలపడితే వర్షాల తీవ్రత పెరిగే సూచనలు ఉన్నాయి.

తెలంగాణలోని పలు జిల్లాల్లో తేలికపాటి నుంచి మోస్తరు వర్షపాతం నమోదయ్యే అవకాశం ఉంది. రాజధాని హైదరాబాద్‌లో రానున్న 24 గంటల్లో ఆకాశం పూర్తిగా మేఘావృతమై ఉంటుందని, నగరంలోని పలు ప్రాంతాల్లో అప్పుడప్పుడు చినుకులు లేదా మోస్తరు వర్షం పడొచ్చని వాతావరణ కేంద్రం తెలిపింది.

నేపాల్ జలప్రళయం.. మళ్లీ విరుచుకుపడుతున్న వరద.. 547 దాటిన మృతుల సంఖ్య.. కొనసాగుతున్న రెస్క్యూ ఆపరేషన్..

వర్షాలు, ఈదురు గాలుల నేపధ్యంలో అధికారులు ప్రజలకు పలు కీలక సూచనలు చేశారు. ఉరుములు, మెరుపులు సంభవించే సమయంలో బహిరంగ ప్రదేశాల్లో ఉండకూడదు. చెట్లు, విద్యుత్ స్తంభాలు లేదా పాత భవనాల కింద నిలబడటం సురక్షితం కాదని అధికారులు స్పష్టం చేశారు. పొలాల్లో పనులు చేసుకునే రైతులు వాతావరణ హెచ్చరికలను ఎప్పటికప్పుడు గమనిస్తూ వ్యవసాయ పనులను ప్రణాళికాబద్ధంగా ప్లాన్ చేసుకోవాలి. నీటిస్రవంతులు లేదా మురుగుకాల్వలు ఉధృతంగా ప్రవహించే అవకాశం ఉన్నందున లోతట్టు ప్రాంతాల ప్రజలు జాగ్రత్తగా ఉండాలి. తడి రోడ్లపై ప్రయాణించే వాహనదారులు వేగాన్ని తగ్గించి, నెమ్మదిగా డ్రైవ్ చేయాలని విజ్ఞప్తి చేశారు. అల్పపీడన గమనాన్ని నిరంతరం పర్యవేక్షిస్తున్నామని, వాతావరణంలో ఏవైనా తీవ్ర మార్పులు ఉంటే తదుపరి బులిటెన్ ద్వారా వెల్లడిస్తామని వాతావరణ శాఖ అధికారులు తెలిపారు.