వీడియో ఇదిగో.. పెద్ది సుదర్శన్ రెడ్డి అంతిమయాత్ర.. మిత్రుడిని తలుచుకుని కన్నీళ్లు పెట్టుకున్న హరీశ్‌ రావు..

మాజీ ఎమ్మెల్యే పెద్ది సుదర్శన్ రెడ్డి అంతిమయాత్రలో బీఆర్ఎస్ నేత హరీష్ రావు కన్నీళ్లు పెట్టుకున్నారు. తన ఆప్త మిత్రుడికి తుది వీడ్కోలు పలికేందుకు వచ్చిన మాజీ మంత్రి హరీశ్ రావు స్నేహితుడిని తలుచుకుని ఒక్కసారిగా భావోద్వేగానికి లోనై కన్నీళ్లు పెట్టుకున్నారు. బీఆర్‌ఎస్ నాయకులతో కలిసి అంతిమయాత్రలో పాల్గొన్న ఆయన.. సుదర్శన్ రెడ్డితో ఉన్న సుదీర్ఘ అనుబంధాన్ని గుర్తు చేసుకుంటూ తీవ్ర ఆవేదనలో మునిగిపోయారు.

పెద్ది సుదర్శన్ రెడ్డికి చివరి వీడ్కోలు పలికేందుకు వేలాదిగా ప్రజలు నర్సంపేటకు తరలివచ్చారు. అభిమాన నాయకుడిని చివరిసారిగా చూసేందుకు చిన్నా, పెద్దా తేడా లేకుండా అన్ని వర్గాల ప్రజలు భారీగా తరలిరావడంతో పట్టణమంతా జనసంద్రంగా మారింది. ఆయన పార్థివదేహం నర్సంపేటకు చేరుకున్నప్పటి నుంచి ప్రజలు బారులు తీరుతూ అశ్రునివాళి అర్పించారు.

అభిమానుల భారీ రద్దీ కారణంగా నర్సంపేట ప్రధాన రహదారులపై సుమారు రెండు కిలోమీటర్ల మేర ట్రాఫిక్ స్తంభించింది. వాహనాలు నెమ్మదిగా కదలడంతో పోలీసులు ప్రత్యేక ట్రాఫిక్ ఏర్పాట్లు చేసి పరిస్థితిని నియంత్రించారు. అంతిమయాత్రలో బీఆర్‌ఎస్ నాయకులు, కార్యకర్తలు, స్థానిక ప్రజలు పెద్ద సంఖ్యలో పాల్గొని పెద్ది సుదర్శన్ రెడ్డికి కన్నీటి వీడ్కోలు పలికారు.

• Godavari Floods: భద్రాచలం వద్ద గోదావరి ఉగ్రరూపం.. 48 అడుగులుకు చేరిన నీటి మట్టం..రెండో ప్రమాద హెచ్చరికతో హై అలర్ట్..
• వీడియో ఇదిగో.. పెద్ది సుదర్శన్ రెడ్డి అంతిమయాత్ర.. మిత్రుడిని తలుచుకుని కన్నీళ్లు పెట్టుకున్న హరీశ్‌ రావు..
• ప్రపంచ వ్యాప్తంగా చమురు సంక్షోభం..ఇరాన్ తాజా దాడులతో హార్ముజ్‌జలసంధి వద్ద ఉద్రిక్త పరిస్థితులు..
• రైతులకు గుడ్‌న్యూస్.. పీఎం-కిసాన్ పథకాన్ని మరో ఐదేళ్లు పొడిగించిన కేంద్రం
• భ్రమలు గొలుపుతున్న కోచింగ్‌ సెంటర్లు