Danam Nagender: మళ్లీ ఖైరతాబాద్ నుంచే పోటీ చేస్తా..ఏ పార్టీ నుంచి అనేది ఎన్నికల షెడ్యూల్ విడుదలైన తర్వాతే వెల్లడిస్తా.. దానం నాగేందర్ సంచలన వ్యాఖ్యలు..
Danam Nagender
Danam Nagender: ఎమ్మెల్యేల అనర్హత పిటిషన్లపై అత్యున్నత న్యాయస్థానం సుప్రీంకోర్టు ఇచ్చిన తీర్పుపై ఖైరతాబాద్ ఎమ్మెల్యే దానం నాగేందర్ కీలక వ్యాఖ్యలు చేశారు. కోర్టు తీర్పును తాను పూర్తిస్థాయిలో స్వాగతిస్తున్నానని.. ప్రజాక్షేత్రంలోనే తన బలాన్ని తేల్చుకునేందుకు మళ్లీ ఎన్నికల్లో పోటీ చేస్తానని స్పష్టం చేశారు. మీడియాతో మాట్లాడిన ఆయన, ఉప ఎన్నికలకు తాను పూర్తి సిద్ధంగా ఉన్నానని ప్రకటించారు.
పార్టీ ఫిరాయింపుల చట్టం, రాజ్యాంగంలోని పదో షెడ్యూల్ ప్రకారం తనకు న్యాయస్థానంలో ఊరట లభిస్తుందని భావించానని, అయితే సుప్రీం తీర్పును గౌరవిస్తూ ప్రజా తీర్పుకే మొగ్గు చూపుతున్నానని దానం పేర్కొన్నారు. సికింద్రాబాద్ లోక్సభ స్థానం నుండి ఎంపీగా పోటీ చేసినప్పుడే ఇలాంటి రాజకీయ పరిస్థితులు ఎదురవుతాయని ఊహించానని వ్యాఖ్యానించారు. నగర సమగ్ర అభివృద్ధి లక్ష్యంతోనే తాను ఎంపీగా పోటీ చేశానని, ఖైరతాబాద్ నియోజకవర్గ ప్రజలకు నిరంతరం అందుబాటులో ఉంటూ సేవ చేస్తున్నందున ప్రజల మద్దతు ఎల్లప్పుడూ తనకే ఉంటుందని ధీమా వ్యక్తం చేశారు.
ఉప ఎన్నికల షెడ్యూల్ ఎప్పుడు వచ్చినా ఎదుర్కొనేందుకు తాను, తన అనుచరులు సిద్ధంగా ఉన్నామని ఆయన తెలిపారు. అయితే ఏ పార్టీ తరఫున పోటీ చేయబోయేది మాత్రం ఎన్నికల షెడ్యూల్ విడుదలైన తర్వాతే వెల్లడిస్తానని చెప్పారు. కాంగ్రెస్ ప్రభుత్వం ప్రవేశపెట్టిన సంక్షేమ పథకాలు ప్రజాదరణ పొందుతున్నాయని, ముఖ్యమంత్రి రోజుకు 18 గంటలు కష్టపడుతున్నారని ప్రశంసించారు. నియోజకవర్గానికి ఉప ఎన్నిక రావడం వల్ల అదనపు నిధులు వచ్చి ఖైరతాబాద్ మరింత అభివృద్ధి చెందుతుందని, విమర్శకులకు రాబోయే ఎన్నికల ఫలితాల ద్వారానే సమాధానం చెప్తానని దానం నాగేందర్ స్పష్టం చేశారు.
- నిష్కామ కర్మయోగి… చుక్కా రామయ్య..
- బిజెపి, ఆర్ఎస్ఎస్ సంస్థలకు భారీగా విదేశీ నిధులు
- అగ్రనాయక త్రైపాక్షిక సమ్మిట్ ఏమి సాధించింది ?
- CEC, EC నియామక చట్టంపై సుప్రీంకోర్టులో కీలక పరిణామం.. రీకాల్ పిటిషన్పై విడిగా విచారణకు నో.. అసలు వివాదం ఏమిటి?
- AI in Banking: ఏఐ తప్పిదాలతో ఆర్థిక సంస్థలకు భారీ ముప్పు.. అప్రమత్తత అవసరమని బ్యాంకులకు ఎస్బీఐ చీఫ్ హెచ్చరిక..