Lift Horror in Ongole: వీడియో ఇదిగో.. లిఫ్ట్ వాడే సమయంలో చాలా జాగ్రత్తగా ఉండండి.. తలుపులు తెరిచి ఉండగానే కదిలిన లిఫ్ట్.. తీవ్ర గాయాలతో మహిళ మృతి..

Lift Horror in Ongole:: ఏపీలోని ప్రకాశం జిల్లాలోని ఒక నివాస సముదాయంలో ఘోర ప్రమాదం చోటుచేసుకుంది. తలుపులు తెరుచుకుని ఉన్న సమయంలోనే లిఫ్ట్ అకస్మాత్తుగా కిందకు కదలడంతో 50 ఏళ్ల వనిత అనే మహిళ తీవ్రంగా గాయపడి, ఆస్పత్రిలో చికిత్స పొందుతూ కన్నుమూశారు. బాధితురాలు వనిత తన కుమార్తె, మనవడితో కలిసి అపార్ట్‌మెంట్ లిఫ్టులోకి వెళ్లారు. వారిద్దరూ లిఫ్ట్ నుండి బయటకు రాగా.. వనిత బయటకు అడుగు వేస్తున్న సమయంలోనే లిఫ్ట్ తలుపులు తెరిచి ఉన్నప్పటికీ హఠాత్తుగా కిందకు కదిలింది. ప్రమాదాన్ని గ్రహించి తప్పించుకోవడానికి ఆమె ప్రయత్నించినప్పటికీ.. కదులుతున్న ఎలివేటర్‌లో చిక్కుకుపోయి తీవ్రంగా గాయపడ్డారు.

వెంటనే స్పందించిన అపార్ట్‌మెంట్ నివాసితులు ఆమెను రక్షించి.. అత్యవసర చికిత్స నిమిత్తం సమీప ఆసుపత్రికి తరలించారు. అయితే ఆమె పరిస్థితి క్షీణించడంతో.. చికిత్స ఫలించక మరణించినట్లు వైద్యులు తెలిపారు. ఈ ఘటన స్థానిక నివాస భవనాల్లో ఉన్న లిఫ్టుల నిర్వహణ, భద్రతా ప్రమాణాల తీరుపై తీవ్ర ఆందోళనలను రేకెత్తిస్తోంది. లిఫ్ట్ అకస్మాత్తుగా కదలడానికి గల సాంకేతిక కారణాలు ఇంకా తెలియనప్పటికీ.. నిర్వహణ లోపం ఉందా అనే కోణంలో పోలీసులు కేసు నమోదు చేసి దర్యాప్తు ప్రారంభించారు.

• India Bloc March: ఉద్రిక్తంగా మారిన ఇండియా బ్లాక్ పాదయాత్ర… ‘Gyanesh, it’s done bro’ ప్లకార్డుతో బారికేడ్ పైకి ఎక్కి నిలబడ్డ రాహుల్ గాంధీ…
• ఇండియా బ్లాక్ మార్చ్: రాహుల్ గాంధీ, ప్రియాంక గాంధీ సహా పలువురు నేతలు అదుపులోకి
• Hyderabad Water Crisis: రిజర్వాయర్లు అడుగంటుతున్నాయ్.. హైదరాబాద్‌కు తాగునీటి సంక్షోభం ముంచుకొస్తుందా..?
• Andhra Pradesh: బస్సులో పరిచయం.. ప్రేమ పేరుతో మోసం చేసిన కండక్టర్
• Land Pooling Policy: తెలంగాణలో కొత్త ల్యాండ్ పూలింగ్ పాలసీ.. భూయజమానులకు నగదు బదులు డెవలప్‌డ్ ప్లాట్లు..?