Vijay-Trisha Breakup: సీఎం విజయ్ – త్రిష బ్రేకప్, ఇన్ స్టాగ్రాంలో విజయ్ ను అన్ ఫాలో చేసిన త్రిష, అసలు ఏం జరుగుతోంది ?
(AI Generated)
తమిళనాడు ముఖ్యమంత్రి విజయ్ పుట్టినరోజు సందర్భంగా ఆయన అభిమానులు రాష్ట్ర వ్యాప్తంగా ఘనంగా వేడుకలు నిర్వహించారు. విజయ్ 52వ పుట్టినరోజు సందర్భంగా తమిళనాడు అసెంబ్లీలో సైతం ఆయనకు అభినందనలు వెల్లువలా మంత్రుల మొదలు, ప్రతిపక్ష పార్టీల నుంచి కూడా లభించింది. అయితే, ఈ పుట్టినరోజు వేడుకల్లో ఒక ఆసక్తికరమైన పరిణామం చోటు చేసుకున్నట్లు గమనించవచ్చు. అదేమిటంటే, గత నాలుగు సంవత్సరాలుగా విజయ్ కు క్రమం తప్పకుండా శుభాకాంక్షలు చెబుతున్న నటి త్రిష, ఈసారి ఎలాంటి సోషల్ మీడియా వేదిక ద్వారా శుభాకాంక్షలు తెలపకపోవడం ఇప్పుడు ఒక సంచలన వార్తగా నిలిచిపోయింది. ఎందుకంటే ఆమె ప్రతి సంవత్సరం హీరో విజయ్ పుట్టినరోజు సందర్భంగా సోషల్ మీడియా వేదికగా ఆయనకు శుభాకాంక్షలు తెలిపేది. వారిద్దరూ కలిసి నటించిన సినిమా ఫోటోను షేర్ చేయడం గమనించవచ్చు. అయితే ఈసారి అలాంటి సందేశాలు ఏమీ లేకపోవడంతో, అటు అభిమానులతో పాటు సినీ వర్గాల్లో సైతం ఆశ్చర్యం వ్యక్తం అవుతోంది. దీనికి తోడు హీరో విజయ్ ఇన్ స్టాగ్రాం అకౌంటును త్రిష అన్ ఫాలో చేయడం కూడా అభిమానులను ఆశ్చర్యానికి గురి చేసింది.
దీంతో చాలామంది సోషల్ మీడియా వేదికగా విజయ్, త్రిష మధ్య ఉన్న బంధం ముగిసిపోయిందా అని ఊహాగానాలకు తెర లేపారు. వీరిద్దరి మధ్య ఇటీవల కొన్ని అభిప్రాయ భేదాలు వచ్చాయని, అందుకే త్రిష, విజయ్ బంధం తెరపడినట్లు సోషల్ మీడియా వేదికగా చర్చ నడుస్తోంది. నిజానికి 2026 తమిళనాడు అసెంబ్లీ ఎన్నికల్లో విజయ్ తొలి ప్రయత్నంలోనే భారీ విజయం సాధించిన అనంతరం త్రిష నేరుగా విజయ్ నివాసానికి వెళ్లి శుభాకాంక్షలు తెలపడం, ఎన్నికల ఫలితాల రోజు అన్ని జాతీయ టీవీ ఛానల్స్ లో పెద్ద విశేషమైన కవరేజ్ లభించింది. అంతేకాదు, మే 10వ తేదీన విజయ్ సీఎం బాధ్యతలు చేపట్టే ప్రమాణ స్వీకారం కార్యక్రమంలో త్రిష సెంటర్ ఆఫ్ అట్రాక్షన్ గా నిలిచారు. దీంతో వీరిద్దరూ త్వరలోనే వివాహ బంధంతో ఒకటవుతారని సోషల్ మీడియా వేదికగా ఫ్యాన్స్ చర్చ లేవదీశారు.
నిజానికి, విజయ్ భార్య సంగీత మూడు నెలల క్రితమే తమ వివాహ బంధానికి స్వస్తి పలుకుతూ విడాకులకు దరఖాస్తు చేసుకున్నారు. ఈ పరిణామం జరిగిన కొద్ది రోజులకే హీరో విజయ్, అలాగే త్రిష ఇద్దరు కలిసి మార్చి 5వ తేదీన ఒక వివాహ వేడుకలో కలిసి ఒకే కారులోంచి దిగి తమ బంధం పైన వస్తున్న రూమర్స్ కు బలాన్ని ఇచ్చారు. అయితే అకస్మాత్తుగా త్రిష కొన్ని రోజులుగా విజయ్ కు దూరం జరిగిందని వార్తలు వస్తున్నాయి, దీనికి ప్రధాన కారణం ముఖ్యమంత్రి విజయ్ మళ్లీ తన భార్య సంగీతతో తిరిగి కలిసేందుకు ప్రయత్నిస్తున్నారని సోషల్ మీడియా వేదికగా ఆయన అభిమానులు చర్చిస్తున్నారు. పిల్లల భవిష్యత్తు కోసమే విజయ్ తన భార్యతో ఉన్న విభేదాలను పక్కనపెట్టి మళ్ళీ ఒకటవ్వాలని భావిస్తున్నట్లు డెక్కన్ క్రానికల్ పత్రికలో ఒక వార్త ప్రచురితం అయింది. అయితే త్రిష ఇప్పటివరకు హీరో విజయ్ తో ఉన్న బంధం పైన ఎలాంటి అధికారిక ప్రకటనలు చేయలేదు. వీరిద్దరి వివాహ ప్రయత్నాల గురించి కూడా ఆమె ఎప్పుడూ మీడియా ముఖంగా ఎలాంటి వ్యాఖ్య చేయలేదు.
