USA: బర్త్ టూరిజం అంటే ఏమిటి? అమెరికాలో ట్రంప్ తీసుకొచ్చిన కొత్త ఆంక్షలు ఇవే..NRI లకు షాక్

జన్మహక్కులపై ఆంక్షలు విధించేందుకు అమెరికా అధ్యక్షుడు ట్రంప్ మళ్లీ మరో ప్రయత్నం చేశారు. నూటయాభై ఏళ్లుగా అమెరికాలో అమలులో ఉన్న “పుట్టుకతో వచ్చే పౌరసత్వ హక్కులు”ను వేలాదిమంది దుర్వినియోగం చేస్తున్నారని, ఈ “బర్త్ టూరిజం”ను అడ్డుకునేందుకు కొత్త కార్యనిర్వాహక ఉత్తర్వు జారీ చేసినట్లు ప్రకటించారు. జన్మహక్కులను రద్దు చేసేందుకు ఇంతకుముందు ట్రంప్ ప్రయత్నం చేశారు. కానీ అమెరికా అత్యున్నత న్యాయస్థానం జూన్ 30న ఆయనకు వ్యతిరేకంగా తీర్పు ఇచ్చి ఆ ప్రయత్నాలను వమ్ము చేసింది. ఆ తర్వాత కొద్ది వారాల తర్వాత ట్రంప్ ఈ రెండు కార్యనిర్వాహక ఉత్తర్వులపై సంతకాలు చేశారు.

ఈ ఉత్తర్వుల ప్రకారం కొంతమంది దౌత్యాధికారుల కుటుంబాల్లో పుట్టిన పిల్లలకు కూడా అమెరికాలో పౌరసత్వ హక్కులు లభించే అవకాశం లేదు. వేలాదిమంది గర్భవతులు అమెరికా గడ్డమీద బిడ్డలను ప్రసవించడానికే అమెరికాకు తరలివస్తున్నారని ఈ ఉత్తర్వులో ట్రంప్ వాదిస్తున్నారు.

ఆయన జారీ చేసిన మొదటి ఉత్తర్వు పౌరసత్వం పొందడానికి అర్హతలేని కుటుంబాల్లో పుట్టే బిడ్డల జన్మహక్కుల నిర్వచనాన్ని విస్తరించేందుకు ఉద్దేశించినదికాగా, రెండో ఉత్తర్వు ‘బర్త్ టూరిజం’కు సంబంధించినది.

150 ఏళ్ల క్రితం నాటి ఈ విధానాన్ని మార్చడానికి ఏనాడో చర్యలు తీసుకోవాల్సిందని, కానీ ఆ తప్పును తమ ప్రభుత్వం ఇప్పుడు సరిదిద్దుతోందని ట్రంప్ వ్యాఖ్యానించారు. అమెరికా సుప్రీంకోర్టు ఇచ్చిన ఉత్తర్వుపై తీవ్రస్థాయిలో ఆయన విమర్శలు చేశారు. స్వల్ప తేడాతో కోర్టు మెజార్టీ తీర్పు ఇచ్చినప్పటికీ, అది చాలా దురదృష్టకరమైనదని విమర్శించారు.

1868 జులై 9వ తేదీన అమెరికా రాజ్యాంగానికి చేసిన 14వ సవరణ అంతర్యుద్ధం తర్వాత సహజసిద్ధంగా పౌరసత్వం పొందినవారికి, బానిసల పిల్లల కోసం ఉద్దేశించారని, కానీ ఈనాడు దానిని తీవ్రంగా దుర్వినియోగం చేస్తున్నారని విమర్శించారు.

“అమెరికా దేశ ఔదార్యాన్ని అడ్డుగా పెట్టుకుని మన దేశాన్ని మోసం చేసేందుకు ప్రయత్నం చేస్తున్నారు. ఈ విధంగా మోసం చేసే విదేశీ శక్తుల నుంచి అమెరికన్లకు తమ ప్రభుత్వం రక్షణ చర్యలు తీసుకుంది” అని పేర్కొన్నారు.

అమెరికా పౌరసత్వంలేని తల్లిదండ్రులకు పుట్టే బిడ్డలకు ఇక మీదట ఎంతమాత్రం గ్రీన్ కార్డు దానంతట అదే స్వేచ్ఛగా లభించదు. ఇక మీదట పౌరసత్వంలేని తల్లిదండ్రుల్లో ఎవరైనా విదేశీ ఉద్యోగం చేస్తున్నా, ఉగ్రవాద సంస్థతో సంబంధాలు ఉన్నా, లేదా ఇతరత్రా తప్పుడు ఆరోపణలు వారిపై ఉన్నా గానీ, వారి బిడ్డలకు గ్రీన్ కార్డు లభించదు.

ముఖ్యంగా రిపబ్లికన్ పార్టీ ఎంపీలు ట్రంప్ వాదనలు ప్రచారం చేస్తున్నారు. శత్రుదేశాలైన చైనా, రష్యాలు ఈ ఉత్తర్వులను దుర్వినియోగం చేసి తమ దేశాన్ని మోసం చేస్తున్నాయని వారు వాదిస్తున్నారు.

ట్రంప్ వలస వ్యతిరేక విధాన రూపకర్త మిల్లర్ మాట్లాడుతూ, బిడ్డలను కనడం కోసమే చాలామంది అమెరికా వస్తున్నారని, దీనివల్ల నిజమైన అమెరికన్ల హక్కులు నాశనమవుతున్నాయని, వారికి సంక్షేమ పథకాలు లభించడంలేదని విమర్శించారు.

ప్రతి సంవత్సరం బర్త్ టూరిజం ద్వారా అమెరికాలో 26,000 మంది శిశు జననాలు జరుగుతున్నాయని మైగ్రేషన్ పాలసీ ఇనిస్టిట్యూట్ తన నివేదికలో వెల్లడించింది. వీరిలో 10,000 మంది తల్లులకు విదేశీ చిరునామాలున్నాయి.