Andhra Pradesh Rains: తీవ్ర వాయుగుండంగా బలపడుతున్న అల్పపీడనం: ఏపీలో సెప్టెంబర్ 24 వరకు భారీ నుంచి అతి భారీ వర్షాలు.. ఐఎమ్డీ రెడ్ అలర్ట్..
Cyclone Arnab: అర్ణబ్ తుపానుపై ఏపీ సర్కార్ అలర్ట్.. ఐదు రోజుల పాటు అధికారులకు కీలక ఆదేశాలు
Andhra Pradesh Rains: బంగాళాఖాతంలో ఏర్పడిన అల్పపీడనం వేగంగా విస్తరిస్తూ తీవ్రరూపం దాల్చుతోంది. ప్రస్తుతం తూర్పు మధ్య బంగాళాఖాతంలో కేంద్రీకృతమై ఉన్న ఈ వ్యవస్థ పశ్చిమ వాయవ్య దిశగా కదులుతూ మరింత బలపడుతోందని భారత వాతావరణ శాఖ ప్రకటించింది. సెప్టెంబర్ 21న వాయుగుండంగా మారిన ఈ వాతావరణ వ్యవస్థ, సెప్టెంబర్ 22 నాటికి తీవ్ర వాయుగుండంగా రూపాంతరం చెంది, సెప్టెంబర్ 23 ఉదయానికి దక్షిణ ఒడిశా మరియు ఉత్తర ఆంధ్రప్రదేశ్ తీరాలకు అత్యంత సమీపంలోకి చేరుకోనుంది. దీని ప్రభావంతో ఆంధ్రప్రదేశ్ వ్యాప్తంగా సెప్టెంబర్ 24 వరకు విస్తారంగా భారీ నుంచి అత్యంత భారీ వర్షాలు కురిసే అవకాశం ఉందని అధికారులు స్పష్టం చేశారు.
వాతావరణ వ్యవస్థ తీరానికి చేరువయ్యే కొద్దీ కోస్తాంధ్ర వ్యాప్తంగా వర్షాల తీవ్రతతో పాటు బలమైన ఈదురుగాలులు వీచనున్నాయి. సోమవారం రోజున అల్లూరి సీతారామరాజు, ఏలూరు, నంద్యాల, వైఎస్సార్ కడప జిల్లాల్లో ఉరుములు, పిడుగులతో కూడిన మోస్తరు నుంచి భారీ వర్షాలు కురవనున్నాయి. అనంతరం సెప్టెంబర్ 22న భారీ నుంచి అతి భారీ వర్షాలు నమోదు కానుండగా, సెప్టెంబర్ 23, 24 తేదీల్లో ఉత్తర కోస్తాంధ్రలోని పలు ప్రాంతాల్లో అత్యంత భారీ వర్షాలు కురిసే సూచనలు ఉన్నాయని వాతావరణ నిపుణులు తెలిపారు.
తీరం వెంబడి గంటకు 50 నుంచి 60 కిలోమీటర్ల వేగంతో ఈదురుగాలులు వీచే అవకాశం ఉండటంతో పాటు సముద్రం తీవ్ర అలజడిగా మారనున్నందున మత్స్యకారులు వేటకు వెళ్లకూడదని ఆదేశించారు. లోతట్టు ప్రాంతాలు జలమయం అయ్యే ప్రమాదం ఉన్నందున స్థానిక యంత్రాంగాలు అప్రమత్తమయ్యాయి. పిడుగులు, వర్షాల సమయంలో ప్రజలు చెట్లు, విద్యుత్ స్తంభాల కింద నిలబడకుండా సురక్షిత ప్రాంతాల్లో ఉండాలని విపత్తుల నిర్వహణ సంస్థ హెచ్చరించింది.
- నిష్కామ కర్మయోగి… చుక్కా రామయ్య..
- బిజెపి, ఆర్ఎస్ఎస్ సంస్థలకు భారీగా విదేశీ నిధులు
- అగ్రనాయక త్రైపాక్షిక సమ్మిట్ ఏమి సాధించింది ?
- CEC, EC నియామక చట్టంపై సుప్రీంకోర్టులో కీలక పరిణామం.. రీకాల్ పిటిషన్పై విడిగా విచారణకు నో.. అసలు వివాదం ఏమిటి?
- AI in Banking: ఏఐ తప్పిదాలతో ఆర్థిక సంస్థలకు భారీ ముప్పు.. అప్రమత్తత అవసరమని బ్యాంకులకు ఎస్బీఐ చీఫ్ హెచ్చరిక..