Khairatabad Ganesh Darshan: భక్తులకు అలర్ట్.. ఖైరతాబాద్ మహాగణపతి దర్శనం రేపు అర్ధరాత్రి వరకే.. 23 తర్వాత భక్తులకు నో ఎంట్రీ.. 25న నిమజ్జనం..
Khairatabad Ganesh Darshan
Khairatabad Ganesh Darshan: హైదరాబాద్లో ప్రసిద్ధి చెందిన ఖైరతాబాద్ శ్రీ పంచముఖ సంకటహర మహాగణపతి దర్శనాలకు సంబంధించి ఉత్సవ కమిటీ కీలక ప్రకటన చేసింది. సెప్టెంబర్ 23వ తేదీ అర్ధరాత్రి 12 గంటల వరకు మాత్రమే భక్తులకు మహాగణపతి దర్శనానికి అనుమతి ఉంటుందని కమిటీ సభ్యులు తెలిపారు. సెప్టెంబర్ 24 నుంచి నిమజ్జన ఏర్పాట్లు ప్రారంభం కానున్న నేపథ్యంలో భక్తుల దర్శనాలను నిలిపివేస్తామని వెల్లడించారు.
ఖైరతాబాద్ మహాగణపతి నిమజ్జన మహోత్సవం సెప్టెంబర్ 25వ తేదీ ఉదయం ప్రారంభమవుతుందని ఉత్సవ కమిటీ తెలిపింది. నిమజ్జనాన్ని సజావుగా నిర్వహించేందుకు పోలీసులు, జీహెచ్ఎంసీతో పాటు వివిధ ప్రభుత్వ శాఖల అధికారులు ముందస్తు ఏర్పాట్లపై దృష్టి సారించారు.
ఈ క్రమంలో సోమవారం ఖైరతాబాద్ మహాగణపతి నిమజ్జన మార్గాన్ని అధికారులు, పోలీసులు, వివిధ శాఖల సిబ్బంది, ఉత్సవ కమిటీ సభ్యులు కలిసి పరిశీలించారు. గణేశ్ శోభాయాత్ర సాగే ప్రధాన మార్గంలో ట్రాఫిక్, భద్రత, భక్తుల రాకపోకలు, వాహనాల కదలికలకు సంబంధించి ఏర్పాట్లను పరిశీలించారు.
సెప్టెంబర్ 25న జరిగే శోభాయాత్ర సందర్భంగా రాజ్దూత్ చౌరస్తా, ఎక్బాల్ మినార్, తెలుగు తల్లి చౌరస్తా, సచివాలయం ముందు నుంచి ఎన్టీఆర్ మార్గ్ వరకు అధికారులు ఏర్పాట్లను పర్యవేక్షించారు. నిమజ్జన కార్యక్రమం సందర్భంగా ఎలాంటి ఇబ్బందులు తలెత్తకుండా ఆయా ప్రాంతాల్లో భద్రత, ట్రాఫిక్ నియంత్రణకు సంబంధించిన చర్యలను సమీక్షించారు.
పంజాగుట్ట, సైఫాబాద్ ఏసీపీలు, ఖైరతాబాద్, సైఫాబాద్ ఇన్స్పెక్టర్లు, ఎస్ఐలు, ఇతర అధికారులు ఈ మార్గ పరిశీలనలో పాల్గొన్నారు. నిమజ్జన రోజున భారీగా భక్తులు తరలివచ్చే అవకాశం ఉన్న నేపథ్యంలో ముందస్తు చర్యలను పూర్తి చేయాలని అధికారులు భావిస్తున్నారు.
ఖైరతాబాద్ మహాగణపతి దర్శనానికి సెప్టెంబర్ 23 అర్ధరాత్రి 12 గంటల వరకు మాత్రమే అవకాశం ఉంటుంది. సెప్టెంబర్ 24 నుంచి నిమజ్జన ఏర్పాట్ల కారణంగా దర్శనాలను నిలిపివేస్తారు. సెప్టెంబర్ 25న ఉదయం నిమజ్జన మహోత్సవం ప్రారంభం కానుంది.
- EPF Monthly Withdrawal: ఇక రిటైర్మెంట్ తర్వాత PF డబ్బులు నెలనెలా పొందొచ్చు.. SWPకు EPFO బోర్డు గ్రీన్ సిగ్నల్
- సిద్దిపేట గడ్డపై కాంగ్రెస్ జెండా ఎగరేస్తాం.. 2029లోనూ ఇందిరమ్మ రాజ్యమే: సీఎం రేవంత్ రెడ్డి
- మేడిగడ్డను కాంగ్రెస్ నాయకులే బాంబులతో పేల్చేశారు…కేటీఆర్ సంచలన వ్యాఖ్యలు..
- Hyderabad Real Estate: దక్షిణ హైదరాబాద్లో రియల్ బూమ్..శంషాబాద్ భూములకు పెరుగుతున్న డిమాండ్..
- New Bulk Drug Rules: మందుల ముడిసరుకు విక్రయాలపై నియంత్రణ.. ప్రత్యేక లైసెన్సులు తీసుకురానున్న కేంద్రం..