Indiramma Indlu List: ఇందిరమ్మ ఇల్లు కోసం దరఖాస్తు చేశారా.. అయితే మీ పేరు ఆన్‌లైన్‌లో ఉందో లేదో ఇలా చెక్ చేసుకోండి..

jagan 21 Aug 2026 1 నిమిషాల పఠనం తెలంగాణ

Indiramma Housing Towers

Indiramma Indlu List: మీ పేరు లిస్టులో ఉందో లేదో తెలుసుకోవడం ఎలా? పూర్తి వివరాలు తెలుసుకోండి

Indiramma Indlu List: తెలంగాణ ప్రభుత్వం ‘క్యూర్’ (CURE) ఏరియా పరిధిలోని ఇందిరమ్మ ఇళ్లకు సంబంధించిన ప్రాథమిక అర్హుల జాబితాను అధికారికంగా విడుదల చేసింది. ఈ పథకం కింద ప్రభుత్వం మొత్తం 7,340 ఇళ్లను కేటాయించాల్సి ఉండగా.. లబ్ధిదారుల నుండి ఏకంగా 60,720 దరఖాస్తులు వచ్చాయి. దరఖాస్తుదారుల ఆస్తులు, వాహనాలు, సొంత ఇల్లు ఉందో లేదో వంటి వివరాలను సమగ్రంగా పరిశీలించిన అధికారులు, ప్రాథమికంగా సుమారు 40 వేల మందిని అర్హులుగా నిర్ధారించారు.

అప్లికేషన్ స్టేటస్ చెక్ చేసుకునే విధానం:

దరఖాస్తుదారులు తమ పేరు అర్హుల జాబితాలో ఉందో లేదో సులభంగా ఆన్‌లైన్‌లో తనిఖీ చేసుకోవచ్చు:

ముందుగా అధికారిక వెబ్‌సైట్ tghb.telangana.gov.in](https://tghb.telangana.gov.in ను సందర్శించాలి.
హోమ్‌పేజీలో అప్లికేషన్ నంబర్, మొబైల్ నంబర్ లేదా ఆధార్ నంబర్ ఆప్షన్‌లలో ఏదో ఒకదాన్ని ఎంచుకోవాలి.
మీ వివరాలను నమోదు చేసి సెర్చ్ (Search) పై క్లిక్ చేయాలి.
స్క్రీన్‌పై మీ అప్లికేషన్ నంబర్, పేరు, ప్రాజెక్ట్ లొకాలిటీ, ‘అర్హులు / అనర్హులు’ అనే స్టేటస్ వివరాలు కనిపిస్తాయి. అభ్యంతరాలు & క్లెయిమ్‌ల సమర్పణ:

ఒకవేళ మీ స్టేటస్ ‘అనర్హులు’ అని వస్తే.. దాని పక్కనే ఉండే ‘Raise Claim’ ఆప్షన్‌పై క్లిక్ చేయాలి.
అనర్హతకు గల కారణాన్ని అక్కడ తనిఖీ చేసి, ఆ కారణం సరైంది కాదని భావిస్తే మీ అభ్యంతరాన్ని తెలిపి, దానికి సంబంధించిన ఆధారాలను (పత్రాలను) అప్‌లోడ్ చేయవచ్చు.
అభ్యంతరాలు, క్లెయిమ్‌లను నమోదు చేయడానికి ఆగస్టు 23వ తేదీ సాయంత్రం వరకు మాత్రమే అవకాశం ఉంది.

కీలక తేదీలు & సహాయక వివరాలు:

అభ్యంతరాల సమర్పణ గడువు: ఆగస్టు 23 (సాయంత్రం లోపు)
తుది అర్హుల జాబితా విడుదల: ఆగస్టు 25
లాటరీ ద్వారా ఇళ్ల కేటాయింపు: ఆగస్టు 27 నుండి 30 వరకు
హెల్ప్‌లైన్ నంబర్: ఏవైనా సందేహాలు లేదా సమస్యలు ఉంటే 040-24603572 నంబర్‌కు ఫోన్ చేసి అధికారులను సంప్రదించవచ్చు.