వైవిధ్యమైన ప్రేమకథ చిత్రం ‘ఆకాశంలో ఒక తార’

దుల్కర్ సల్మాన్ హీరోగా నటిస్తున్న తాజా చిత్రం ‘ఆకాశంలో ఒక తార’ విడుదలకు సిద్ధమవుతోంది. ఇటీవల జివి ప్రకాష్ కుమార్ స్వరపరిచిన ‘చిట్టి చిట్టి చీమ’ పాట హృదయాన్ని హత్తుకునే మెలోడి.. భావోద్వేగంగా సినిమాలో ఏం చెప్పాల‌నుకున్నారో ఆ పాయింట్‌ను అద్భుతంగా ప్రతిబింబిస్తుంది. హీరోయిన్ కోణంలో పాడిన ఈ పాట, నక్షత్రాలను చేరాలనే ఒక మహిళ కలను, ఆమె పక్కన నిలబడి నిశ్శబ్దంగా అండగా నిలిచే వ్యక్తి ప్రేమను చూపిస్తుంది. శ్రీమణి రాసిన‌ ఈ పాటను రమ్య బెహరా ఎంతో చ‌క్క‌గా ఆలపించారు. చిట్టి చీమ చక్కెర మోసుకెళ్లడం, కొండపల్లి బొమ్మ కొండలు దాటడం, గాలికి ఎదురుగా మాత్రమే ఎగిరే గాలిపటం వంటి ఆకర్షణీయమైన ఉపమానాల ద్వారా ఈ పాట పట్టుదల, ఆశ, ప్రతి కల వెనుక ఉన్న నిశ్శబ్ద బలాన్ని అద్భుతంగా ఆవిష్క‌రించింది. ఈ చిత్రంలో దుల్కర్ సల్మాన్, సాత్విక వీరవల్లి, శ్రుతి హాసన్ ప్రధాన పాత్రల్లో నటిస్తున్నారు. పావన్ సాదినేని దర్శకత్వంలో తెరకెక్కుతున్న ఈ చిత్రాన్ని లైట్‌బాక్స్ మీడియా బ్యానర్‌పై సందీప్ గున్నం, రమ్య గున్నం నిర్మిస్తున్నారు. స్వప్న సినిమా, గీతా ఆర్ట్స్ ఈ చిత్రాన్ని సమర్పిస్తున్నారు.

• మందు బాబులకు బిగ్ అలర్ట్.. రాయల్ ఛాలెంజ్, ఓల్డ్ మాంక్‌, యాంటిక్విటీ బ్లూ, బాగ్‌పైపర్ మద్యం బ్యాన్
• UP Politics: యూపీ రాజకీయాల్లో భూకంపం.. వచ్చే ఎన్నికల్లో కాషాయాన్ని గద్దె దించేందుకు కాంగ్రెస్ బిగ్ స్కెచ్
• IMD Weather Alert: ఏపీలో వచ్చే మూడుగంటల్లో పిడుగులతో కూడిన వర్షాలు.. దేశవ్యాప్తంగా వారం పాటు భారీ నుంచి అతి భారీ వర్షాలు..
• ఒంగోలు కూటమిలో తీవ్ర విభేదాలు.. బాలినేని – దామచర్ల మధ్య భగ్గుమన్న మంటలు
• Gold Price Outlook: 1970ల నాటి ద్రవ్యోల్బణ పరిస్థితులు మళ్లీ తెరపైకి.. బంగారం ధరల పెరుగుదలపై WGC వార్నింగ్ బెల్..