Aban Ahmed Accident: అతీక్ అహ్మద్ చిన్న కుమారుడి రోడ్డు ప్రమాద వీడియో ఇదిగో.. గాల్లోకి బంతిలా ఎగిరి పల్టీలు కొట్టిన కారు..

Aban Ahmed Accident: గ్యాంగ్‌స్టర్‌గా మారి హత్యకు గురైన అతీక్‌ అహ్మద్‌ చిన్న కుమారుడు అబాన్‌ అహ్మద్‌ రోడ్డు ప్రమాదానికి సంబంధించిన కొత్త వీడియో దృశ్యాలు వెలుగులోకి వచ్చాయి. ఆగస్టు 6న ఝాన్సీ-కాన్పూర్ జాతీయ రహదారిపై జరిగిన ఈ ఘోర ప్రమాదం దృశ్యాలు వేరొక వాహనానికి చెందిన డ్యాష్‌క్యామ్ కెమెరాలో రికార్డయ్యాయి.

21 ఏళ్ల అబాన్ అహ్మద్ తన నలుగురు స్నేహితులతో కలిసి తెల్లటి హ్యుందాయ్ క్రెటా కారులో ప్రయాణిస్తుండగా ఈ ప్రమాదం చోటుచేసుకుంది. జాతీయ రహదారిపై అధిక వేగంతో వెళుతున్న కారు ఒక్కసారిగా అదుపు తప్పి రోడ్డు పక్కన ఉన్న కాంక్రీట్ వారియర్‌ను వేగంగా ఢీకొట్టింది. ఢీకొట్టిన ధాటికి కారు గాల్లోకి ఎగిరిపడటం ఆ వీడియోలో స్పష్టంగా కనిపించింది. ప్రస్తుతం ఈ వీడియో సోషల్ మీడియాలో విపరీతంగా వైరల్ అవుతోంది.

ఈ ఘటనలో అబాన్ అహ్మద్‌తో పాటు ఆయన స్నేహితుడు సోను (25) అక్కడికక్కడే ప్రాణాలు కోల్పోయారు. కారులో ఉన్న మిగిలిన ముగ్గురు తీవ్రంగా గాయపడగా.. వారిని చికిత్స నిమిత్తం స్థానిక ఆసుపత్రికి తరలించారు. జైలులో ఉన్న తన సోదరుడు అలీ అహ్మద్‌ను పరామర్శించేందుకు ఝాన్సీ వెళుతుండగా ఈ దుర్ఘటన జరిగింది.

ప్రమాదం అనంతరం అబాన్ భౌతికకాయానికి ప్రయాగ్‌రాజ్‌లోని కసారీ-మసారీ శ్మశానవాటికలో కట్టుదిట్టమైన భద్రత నడుమ అంత్యక్రియలు నిర్వహించారు. తండ్రి అతీక్ అహ్మద్, సోదరుడు అసద్ అహ్మద్ సమాధుల పక్కనే ఆయనను ఖననం చేశారు. జైలులో ఉన్న సోదరులు అలీ, ఉమర్‌లు పెరోల్‌పై ఈ అంత్యక్రియలకు హాజరయ్యారు.

కాగా, 2023 ఏప్రిల్‌లో అతీక్ అహ్మద్, ఆయన సోదరుడు అష్రఫ్‌లు పోలీసుల సమక్షంలో వైద్య పరీక్షలకు వెళ్తుండగా దుండగుల కాల్పుల్లో హత్యకు గురయ్యారు. అంతకుముందే ఆయన మరొక కుమారుడు అసద్ పోలీస్ ఎన్‌కౌంటర్‌లో మరణించిన సంగతి తెలిసిందే.

• Ames Meteorite Crater: ఉల్క దాడి 10 కోట్ల ఏళ్లు ఆలస్యంగా జరిగిందా.. Ames క్రేటర్‌పై శాస్త్రవేత్తల కొత్త అంచనా.. ఓక్లహామా ఉల్కాబిలంపై సంచలన పరిశోధన
• Bathukamma Secret: బతుకమ్మ పండుగలో దాగి ఉన్న అసలు సీక్రెట్ ఇదే.. పూల పండుగ వెనుక ఇంత పెద్ద కథ ఉందా?
• Boddemma Festival: బతుకమ్మకు ముందు వచ్చే బొడ్డెమ్మ పండుగ ప్రత్యేకత ఏంటి.. 7 రోజుల పాటు ఎందుకు జరుపుకుంటారు..
• CEC Gyanesh Kumar Row: CEC జ్ఞానేశ్ కుమార్‌ను సస్పెండ్ చేయాలన్న పిటిషన్లపై విచారణ.. కేంద్రం, ఎన్నికల సంఘానికి సుప్రీంకోర్టు నోటీసులు..
• Russia-Ukraine War: ఉక్రెయిన్‌లో భారత ఫార్మా ప్లాంట్‌పై రష్యా డ్రోన్ దాడి.. ఒకరు మృతి, రూ.400 కోట్లకు పైగా నష్టం..