Sowcar Janaki Passes Away: షావుకారు జానకి గురించి ఎవరికి తెలియని ఆసక్తికర నిజాలు.. నింగికేగిన శంకరమంచి జానకి..

Sowcar Janaki Passes Away: భారతీయ చలనచిత్ర పరిశ్రమలో, ముఖ్యంగా దక్షిణ భారతదేశంలో తనదైన నటనతో చెరగని ముద్ర వేసిన సీనియర్ నటి ‘షావుకారు’ జానకి (94) కన్నుమూశారు. వయోభారంతో పాటు తీవ్ర అనారోగ్య సమస్యలతో చెన్నైలోని కావేరీ ఆసుపత్రిలో చేరిన ఆమె, శుక్రవారం మధ్యాహ్నం 1:59 గంటలకు తుదిశ్వాస విడిచారు. ఈ విషయాన్ని దక్షిణ భారత నటీనటుల సంఘం (నాదిగర్ సంగమ్) అధ్యక్షుడు నాజర్ అధికారికంగా ప్రకటించారు.

తెలుగు సినీ చరిత్రలో తనకంటూ ప్రత్యేక స్థానాన్ని సంపాదించుకున్న నటి షావుకారు జానకి సహజమైన నటన, స్పష్టమైన సంభాషణలు, విభిన్నమైన పాత్రలను అవలీలగా పోషించే సామర్థ్యంతో ఆమె ప్రేక్షకుల హృదయాల్లో నిలిచిపోయారు. అయితే ఆమె సినీ ప్రయాణం వెనుక చాలామందికి తెలియని ఆసక్తికర విషయాలు ఉన్నాయి.

జానకి అసలు పేరు శంకరమంచి జానకి. 1950లో విడుదలైన షావుకారు చిత్రంతో ఆమె కథానాయికగా సినీరంగ ప్రవేశం చేశారు. ఆ సినిమా విజయంతో ‘షావుకారు జానకి’ అనే పేరు ఆమెకు శాశ్వతంగా మారిపోయింది. అప్పటి నుంచి అసలు పేరుకంటే ఈ పేరుతోనే ఆమెను ప్రేక్షకులు ఎక్కువగా గుర్తించారు.

సినిమాల్లోకి రాకముందే జానకికి కళారంగంతో అనుబంధం ఉంది. ఆకాశవాణి కార్యక్రమాల్లో పాల్గొంటూ తన ప్రతిభను చాటుకున్నారు. రేడియోలో ఆమె చేసిన కార్యక్రమాలు, నాటకాలు ఆమెకు నటనలో అనుభవాన్ని అందించాయి. ఆ అనుభవమే తర్వాత సినిమాల్లో సహజమైన నటనకు ఉపయోగపడింది.

షావుకారు సినిమాలో ఆమెకు కథానాయికగా అవకాశం లభించడం అప్పటి పరిస్థితుల్లోనే పెద్ద విషయం. ఆ చిత్రం ద్వారా ఆమె తెలుగు ప్రేక్షకులకు పరిచయమయ్యారు. ఆ తర్వాత వరుసగా అనేక విజయవంతమైన చిత్రాల్లో నటించి అగ్రశ్రేణి నటిగా ఎదిగారు.

జానకి కెరీర్‌లో ప్రత్యేకత ఏమిటంటే ఆమె కేవలం కథానాయిక పాత్రలకే పరిమితం కాలేదు. వయసుకు తగ్గట్టుగా తల్లి, అత్త, అక్క, బామ్మ, గంభీరమైన కుటుంబ పెద్ద వంటి విభిన్న పాత్రలను కూడా అద్భుతంగా పోషించారు. దీంతో తరాల మారినా ఆమెకు అవకాశాలు కొనసాగాయి. తెలుగు సినిమాలతో పాటు తమిళ, కన్నడ, మలయాళ చిత్రాల్లోనూ జానకి నటించారు. దక్షిణ భారత సినీరంగంలో విస్తృతంగా పనిచేసిన నటీమణుల్లో ఆమె ఒకరు. తమిళ ప్రేక్షకుల్లోనూ ఆమెకు మంచి గుర్తింపు లభించింది.

చాలామంది నటీమణులు కథానాయిక పాత్రల తర్వాత సినిమాలకు దూరమవుతారు. కానీ జానకి మాత్రం వయసుకు తగ్గ పాత్రలను స్వీకరిస్తూ తన నటనా ప్రయాణాన్ని కొనసాగించారు. కొత్త తరం హీరోలు, హీరోయిన్లతో కలిసి కూడా నటించారు. దీంతో ఆమె పాత తరం నుంచి కొత్త తరానికి వారధిగా నిలిచిన నటిగా గుర్తింపు పొందారు.

జానకి నటనలో అతి తక్కువ హావభావాలతోనే పాత్ర భావాన్ని ప్రేక్షకులకు చేరవేయడం ప్రధాన బలం. ముఖ్యంగా కుటుంబ కథల్లో భావోద్వేగ సన్నివేశాలు, సహజమైన సంభాషణలు, గంభీరమైన పాత్రల్లో ఆమె చూపిన నటనా పటిమకు ప్రత్యేక గుర్తింపు ఉంది. ఒక హీరోయిన్‌గా మొదలై.. క్యారెక్టర్ ఆర్టిస్ట్‌గా తరతరాల ప్రేక్షకులను అలరించిన షావుకారు జానకి ప్రయాణం తెలుగు సినిమా చరిత్రలోనే ఒక ప్రత్యేక అధ్యాయం.షావుకారుతో వచ్చిన పేరు ఆమెకు కేవలం సినిమా టైటిల్‌గా మిగలలేదు.. అదే ఆమె సినీ గుర్తింపుగా మారిపోయింది.

• Ames Meteorite Crater: ఉల్క దాడి 10 కోట్ల ఏళ్లు ఆలస్యంగా జరిగిందా.. Ames క్రేటర్‌పై శాస్త్రవేత్తల కొత్త అంచనా.. ఓక్లహామా ఉల్కాబిలంపై సంచలన పరిశోధన
• Bathukamma Secret: బతుకమ్మ పండుగలో దాగి ఉన్న అసలు సీక్రెట్ ఇదే.. పూల పండుగ వెనుక ఇంత పెద్ద కథ ఉందా?
• Boddemma Festival: బతుకమ్మకు ముందు వచ్చే బొడ్డెమ్మ పండుగ ప్రత్యేకత ఏంటి.. 7 రోజుల పాటు ఎందుకు జరుపుకుంటారు..
• CEC Gyanesh Kumar Row: CEC జ్ఞానేశ్ కుమార్‌ను సస్పెండ్ చేయాలన్న పిటిషన్లపై విచారణ.. కేంద్రం, ఎన్నికల సంఘానికి సుప్రీంకోర్టు నోటీసులు..
• Russia-Ukraine War: ఉక్రెయిన్‌లో భారత ఫార్మా ప్లాంట్‌పై రష్యా డ్రోన్ దాడి.. ఒకరు మృతి, రూ.400 కోట్లకు పైగా నష్టం..