AP Flood Alert: వీడియో ఇదిగో.. భారీ వర్షాలకు అల్లూరి జిల్లాలో కొట్టుకుపోయిన బ్రిడ్జి.. 75 గ్రామాలకు రాకపోకలు బంద్..

jagan 12 Sep 2026 1 నిమిషాల పఠనం ఆంధ్రప్రదేశ్

AP Flood Alert

AP Flood Alert: ఆంధ్రప్రదేశ్‌లో అల్పపీడన ప్రభావంతో కురుస్తున్న వర్షాలు గిరిజన ప్రాంతాల్లో తీవ్ర ఇబ్బందులు సృష్టిస్తున్నాయి. అల్లూరి సీతారామరాజు జిల్లాలో గత రెండు రోజులుగా ఎడతెరిపి లేకుండా కురుస్తున్న భారీ వర్షాలకు కొండవాగులు, వంకలు ఉగ్రరూపం దాల్చి పొంగిపొర్లుతున్నాయి. వర్షాల తీవ్రతకు జీకే వీధి మండలం దారకొండ పంచాయతీ పరిధిలోని చిన్న గంగవరం వద్ద నిర్మించిన తాత్కాలిక వంతెన నీటి ఉధృతికి కొట్టుకుపోయింది. ఈ ప్రమాదంతో ఆంధ్రప్రదేశ్ – ఒడిశా సరిహద్దు ప్రాంతంలోని దాదాపు 15 గిరిజన గ్రామాలకు బాహ్య ప్రపంచంతో సంబంధాలు పూర్తిగా తెగిపోయాయి.

ఈ మారుమూల గ్రామాల గిరిజనులు నిత్యావసర సరుకుల రవాణాతో పాటు అత్యవసర వైద్య సేవల కోసం మండల కేంద్రానికి చేరుకోవడానికి ఈ ఒక్క వంతెనపైనే ప్రధానంగా ఆధారపడి రాకపోకలు సాగిస్తుంటారు. 2024లో సంభవించిన తీవ్ర వర్షాలకు ఇక్కడ ఉన్న ప్రధాన వంతెన ధ్వంసం కాగా, అధికారులు తాత్కాలిక ప్రత్యామ్నాయంగా ఈ చిన్న వంతెనను ఏర్పాటు చేశారు. అయితే ప్రస్తుతం కురుస్తున్న కొండవాగుల వరద తాకిడికి ఆ తాత్కాలిక నిర్మాణం కూడా పూర్తిగా కొట్టుకుపోవడంతో స్థానిక గిరిజనులు తీవ్ర ఇబ్బందులు ఎదుర్కొంటున్నారు.

అల్లూరి జిల్లాలో భారీ వర్షాలకు కొట్టుకుపోయిన బ్రిడ్జి!

–> జీకే వీధి మండలం దారకొండ పంచాయతీ చిన్న గంగవరం గ్రామం వద్ద ఘటన.

–> బ్రిడ్జి కొట్టుకుపోవడంతో 75 గ్రామాలకు రాకపోకలు నిలిచిపోయాయి.

–> నిత్యావసర సరుకులు, రవాణా, వైద్య సేవలకు గిరిజనులు తీవ్ర ఇబ్బందులు ఎదుర్కొంటున్నారు.

–>… pic.twitter.com/RSh07t3m0O
— RTV (@RTVnewsnetwork) September 12, 2026

వంతెన కొట్టుకుపోవడంతో అత్యవసర పరిస్థితుల్లో ఆసుపత్రులకు వెళ్లేందుకు కూడా మార్గం లేక గిరిజన గ్రామాలు అంధకారంలో పడిపోయాయి. అధికారులు ఇకనైనా తాత్కాలిక పునరుద్ధరణ చర్యలతో సరిపెట్టకుండా, శాశ్వత ప్రాతిపదికన పటిష్టమైన వంతెనను వెంటనే నిర్మించి తమ రాకపోకల కష్టాలను శాశ్వతంగా తీర్చాలని స్థానిక గిరిజన ప్రజలు, ప్రజాసంఘాలు డిమాండ్ చేస్తున్నాయి.