NTR Meals Ends: లక్షలాది మందికి ఆకలి తీర్చిన ‘ఎన్టీఆర్ మీల్స్’ సేవలు శాశ్వతంగా నిలిపివేత.. కారణం ఏంటంటే..

Prajapaksham 15 Aug 2026 1 నిమిషాల పఠనం వినోదం

Ntr Meals

NTR Meals Ends: యంగ్ టైగర్ జూనియర్ ఎన్టీఆర్ అభిమానులు ఎంతో నిబద్ధతతో, ప్రతిష్ఠాత్మకంగా చేపట్టిన ఎన్టీఆర్ మీల్ సేవా కార్యక్రమం ముగిసింది. పేదలు, నిరుపేదల ఆకలి తీర్చడమే పరమావధిగా ప్రారంభమైన ఈ మహత్తర యజ్ఞాన్ని.. శాశ్వతంగా నిలిపివేస్తున్నట్లు నిర్వాహకులు శనివారం అధికారిక ప్రకటన ద్వారా వెల్లడించారు.

ఆంధ్రప్రదేశ్ వ్యాప్తంగా దాదాపు 150కి పైగా ప్రత్యేక కేంద్రాల ద్వారా నిరంతరాయంగా ఎన్టీఆర్ మీల్ కిట్ల పంపిణీ జరిగింది. కేవలం నగరాలు, పట్టణాలకే పరిమితం కాకుండా రవాణా సౌకర్యాలు లేని మారుమూల గ్రామాలకు సైతం కొరియర్ ద్వారా 2 వేలకు పైగా కిట్లను చేరవేసి నిర్వాహకులు తమ సేవా నిరతిని చాటుకున్నారు. ఎందరో నిరుపేదలకు, బాటసారులకు ఈ కార్యక్రమం ఆకలి తీర్చే కొండంత అండగా నిలిచింది.

150+ Centres
Lakhs+ of hunger savers
2000+ Meal Kits distributed
Volunteers & a strong team across all territories

If this service had been done for any other hero in Tollywood, it would have received widespread appreciation and recognition by now.

The impact of #NTRMeal speaks… https://t.co/Fwi1TMDGKZ pic.twitter.com/Cs6vdVK3GQ
— ANANTAPUR CINEMA (@AnantapurCinema) August 14, 2026

సేవా కార్యక్రమాలను నిలిపివేస్తున్న నేపథ్యంలో నిర్వాహకులు ఒక ముఖ్యమైన ప్రకటన విడుదల చేశారు. గతంలో తమ వద్ద నుంచి ఎన్టీఆర్ మీల్ కిట్లను పొందిన లబ్ధిదారులు, వివిధ ప్రాంతాల ప్రతినిధులు వాటిని వీలైనంత త్వరగా తమ ప్రధాన కార్యాలయానికి తిరిగి అప్పగించాలని కోరారు.

కిట్లు పంపాల్సిన చిరునామా:
TVH Ouranya Bay, OMR, Chennai, Tamil Nadu – 603103.
ఆంధ్రప్రదేశ్‌లోని వివిధ ప్రాంతాల్లో ఉన్న కిట్లను స్వయంగాగానీ లేదా కొరియర్ ద్వారా గానీ పైన పేర్కొన్న చెన్నై చిరునామాకు పంపాలని విజ్ఞప్తి చేశారు.

సాధారణంగానే జూనియర్ ఎన్టీఆర్ అభిమానులు రక్తదాన శిబిరాలు, వరదలు-విపత్తుల వేళ సహాయక చర్యల్లో ముందుంటారు. అదే బాటలో ఎన్టీఆర్ మీల్ కోసం స్వచ్ఛందంగా ముందుకు వచ్చి అహరహం శ్రమించిన వాలంటీర్లకు, ఈ ప్రయాణంలో సహకరించిన అభిమానులకు మరియు దాతలకు నిర్వాహక బృందం హృదయపూర్వక ధన్యవాదాలు తెలిపింది.