Danam Nagender: వీడియో ఇదిగో.. అలిగి వెళ్లిపోయిన దానం నాగేందర్.. ఖైరతాబాద్ ఇళ్ల లక్కీ డ్రాలో ప్రోటోకాల్ ఉల్లంఘనపై సీరియస్..
Danam Nagender
Danam Nagender: హైదరాబాద్‌లోని బంజారాహిల్స్ కొమరం భీమ్ ఆదివాసీ భవన్‌లో నిర్వహించిన ఖైరతాబాద్ నియోజకవర్గ డబుల్ బెడ్‌రూమ్ (గృహలక్ష్మి/ఇందిరమ్మ) ఇళ్ల లబ్ధిదారుల లక్కీ డ్రా కార్యక్రమంలో తీవ్ర ప్రోటోకాల్ రగడ చోటుచేసుకుంది. అధికారుల తీరుపై స్థానిక ఎమ్మెల్యే దానం నాగేందర్ తీవ్ర స్థాయిలో ఆగ్రహం వ్యక్తం చేసి, కార్యక్రమాన్ని మధ్యలోనే బహిష్కరించి అలిగి వెళ్లిపోయారు.
స్థానిక ఎమ్మెల్యేగా ఉన్న దానం నాగేందర్ సమక్షంలో ఈ లక్కీ డ్రా నిర్వహించాల్సి ఉంది. అయితే, ఆయన వేదిక వద్దకు రాకముందే అధికారులు ప్రక్రియను ప్రారంభించేశారు. తాను వచ్చే వరకు వ్యవధి ఇవ్వకుండా లక్కీ డ్రా ఎలా ప్రారంభిస్తారని ఎమ్మెల్యే అధికారులపై తీవ్రస్థాయిలో విరుచుకుపడ్డారు. ప్రోటోకాల్ నిబంధనలను ఉల్లంఘించిన అధికారులపై కఠిన చర్యలు తీసుకుంటామని హెచ్చరించారు.అధికారుల వ్యవహార శైలిపై తీవ్ర అసంతృప్తి వ్యక్తం చేసిన ఎమ్మెల్యే దానం నాగేందర్, లక్కీ డ్రాను మధ్యలోనే వదిలేసి వెళ్లిపోయారు.
తెలంగాణ ప్రభుత్వం ప్రతిష్ఠాత్మకంగా చేపట్టిన పేదల ఇళ్ల కేటాయింపు ప్రక్రియ హైదరాబాద్ కోర్ అర్బన్ పరిధిలోని నాలుగు అసెంబ్లీ నియోజకవర్గాలలో పారదర్శకంగా కొనసాగుతోంది. తొలి విడత కేటాయింపుల్లో భాగంగా ఈ లక్కీ డ్రా కార్యక్రమాన్ని మొత్తం నాలుగు రోజుల పాటు నిర్వహించేందుకు అధికారులు ఏర్పాట్లు చేశారు.
- Modi Graph is Coming Down: పడిపోతున్న మోదీ గ్రాఫ్.. 2029కు ముందే లెక్క మారుతుందా?
- నియోజకవర్గ నిధులు విడుదల చేయకపోతే నిరవధిక నిరాహార దీక్ష చేస్తా: కాంగ్రెస్ ఎమ్మెల్యే అనిరుధ్ రెడ్డి
- Cyclone Arnab Alert: అర్నాబ్ తుపాను నేపథ్యంలో ప్రజలు అప్రమత్తంగా ఉండాలి : కృష్ణా జిల్లా కలెక్టర్ డీకే బాలాజి
- Cyclone Arnab Alert: నేడు అర్థరాత్రి తీవ్ర తుపానుగా మారనున్న అర్నబ్.. అక్టోబర్ 28న యానాం సమీపంలో తీరం దాటే అవకాశం..
- TVK Political Row: రాజీనామా చేసి వేరే పార్టీలో చేరడం రాజకీయాల్లో భాగమే.. అన్నాడీఎంకే ఎమ్మెల్యేల రాజీనామాలపై సుప్రీంకోర్టు కీలక తీర్పు.. పిటిషన్ కొట్టివేత..
సంబంధిత వార్తలు
