Independence Day- Baji Rout: దేశం కోసం 12 ఏళ్ల పసివాడి వీరోచిత త్యాగం.. బ్రిటిష్ తుపాకులకు ఎదురొడ్డి ప్రాణాలర్పించిన బాజీ రౌత్ గురించి ఎవరికైనా తెలుసా..

Independence Day-Baji Rout: స్వాతంత్ర్య సమరంలో ఎందరో మహనీయులు ప్రాణాలర్పించారు. కానీ, కేవలం 12 ఏళ్ల చిన్న వయసులోనే బ్రిటిష్ సామ్రాజ్యపు తుపాకుల నిండా నిండిన భయాన్ని తృణప్రాయంగా తిరస్కరించి.. ప్రాణాలను పణంగా పెట్టిన ఒక చిరు వీరుడి కథ భారత స్వాతంత్ర్య చరిత్రలోనే అత్యంత భావోద్వేగభరితమైన ఘట్టంగా నిలిచింది. అతడే ఒడిశాకు చెందిన బాజీ రౌత్ (Baji Rout). భారత స్వాతంత్ర్య పోరాటంలో అత్యంత పిన్న వయస్కుడైన అమరవీరుడు .

1938 అక్టోబర్ 11 అర్ధరాత్రి వేళ.. ఒడిశాలోని ధెంకనాల్ జిల్లా నిలకంఠపూర్ గ్రామం వద్ద వాతావరణం అత్యంత ఉద్రిక్తంగా మారింది. ఆ ప్రాంతంలో విప్లవకారులను అరెస్టు చేసేందుకు వచ్చిన బ్రిటిష్ దళాలను ఊరి ప్రజలు సమర్థవంతంగా తిప్పికొట్టారు. దీంతో భయపడిన బ్రిటిష్ సైనికులు బ్రాహ్మణి (Brahmani) నది దాటి పారిపోవడానికి ఆతురతగా నదీ తీరానికి చేరుకున్నారు. ఆ సమయంలో నది ఒడ్డున తన చిన్న పడవతో పహారా కాస్తున్న 12 ఏళ్ల బాజీ రౌత్‌ను సైనికులు చుట్టుముట్టారు. తుపాకులు చూపించి వెంటనే తమను నది దాటించాలని గద్దించారు.

బ్రిటిష్ సైనికులు నది దాటితే గ్రామంలోని విప్లవకారులకు ప్రమాదమని గ్రహించిన ఆ చిన్నారి.. తుపాకీ గొట్టాలను చూసి కొంచెమైనా భయపడలేదు. నేను ప్రజామండల్ నాయకుల ఆదేశాలనే పాటిస్తాను.. మిమ్మల్ని నది దాటించేది లేదని తెగేసి చెప్పాడు. కోపంతో రగిలిపోయిన బ్రిటిష్ అధికారి తన తుపాకీ వెనుక భాగంతో బాజీ రౌత్ తలపై బలంగా మోదాడు. తల పగిలి రక్తం కారుతున్నా, ఆ బాలుడు కిందపడిపోతూ కూడా తన దగ్గరున్న శంఖాన్ని ఊది ఊరి ప్రజలను అప్రమత్తం చేశాడు. లొంగని ఆ చిన్నారి నిరోధాన్ని చూసి తట్టుకోలేకపోయిన క్రూర సైనికులు, పాయింట్ బ్లాంక్ పరిధిలో ఆ 12 ఏళ్ల పసివాడిపై నిర్దాక్షిణ్యంగా కాల్పులు జరిపి అక్కడికక్కడే మట్టుబెట్టారు.

దేశం కోసం 12 ఏళ్ల పసివాడు ప్రాణ త్యాగం చేశాడన్న వార్త వినగానే ఒడిశా సముద్రంలా ఉప్పొంగింది. బాజీ రౌత్ అంత్యక్రియలకు వేలాది మంది జనాలు కంటినీటితో తరలివచ్చారు. కనివిని ఎరుగని ఈ ధైర్యసాహసాలకు గుర్తుగా భారత ప్రభుత్వం బాజీ రౌత్‌ను దేశంలోనే అత్యంత పిన్న వయస్కుడైన అమరవీరుడిగా గుర్తించింది. దేశ స్వేచ్ఛ కోసం ప్రాణాలర్పించిన ఈ చిన్నారి త్యాగం ఎప్పటికీ అమరం.

• Harish Rao Farm House: అజీజ్‌నగర్‌ భూములపై కాంగ్రెస్ ఫీల్డ్ విజిట్.. కేటీఆర్, హరీశ్‌రావుపై చామల ప్రశ్నల వర్షం
• Harish Rao Farmhouse: అసైన్డ్‌ భూముల్లో ఫాం హౌస్‌ నిర్మించారు..అద్దంకి ఫైర్..హరీష్ రావు ఫాం హౌస్ భూముల్లో కాంగ్రెస్ నేతల ఫీల్డ్ విజిట్..
• Telangana Land Resurvey: భూముల రీ-సర్వేపై మంత్రి పొంగులేటి కీలక వ్యాఖ్యలు.. భూముల సమగ్ర సర్వేకు ప్రజలు సహకరించాలని విజ్ఞప్తి
• TIMS Hospital Theft: సనత్ నగర్ TIMS ఆసుపత్రిలో భారీ చోరీ.. 288 వైద్య పరికరాలు మాయం, సీసీటీవీ ఆధారంగా దర్యాప్తు
• Singareni Workers Land Issue: సింగరేణి కార్మికులకు గుడ్‌న్యూస్.. భూముల సమస్యపై ప్రభుత్వం కీలక నిర్ణయం, 45 రోజుల్లో పరిష్కారం