Telugu States Weather Alert: బంగాళాఖాతంలో అక్టోబర్ 23న మరో అల్పపీడనం.. తెలుగు రాష్ట్రాలకు భారీ వర్ష హెచ్చరికలు జారీ చేసిన ఐఎండీ
Tomorrow Weather Update: Five cyclonic systems simultaneously across the country; extremely heavy rains until July 27.
Telugu States Weather Alert: బంగాళాఖాతంలో ఏర్పడుతున్న ఉపరితల ఆవర్తనాల ప్రభావంతో తెలుగు రాష్ట్రాల వాతావరణంలో మరోసారి కీలక మార్పులు చోటుచేసుకుంటున్నాయి. థాయ్‌లాండ్ గల్ఫ్ , దాని పరిసర ప్రాంతాలలో ఏర్పడిన ఆవర్తనానికి అనుబంధంగా ఈ వాతావరణ వ్యవస్థ రూపుదిద్దుకుంటూ, తీవ్రరూపం దాలుస్తోంది.
ఇది క్రమంగా ఉత్తర అండమాన్ సముద్రం వైపు విస్తరించి, అనంతరం పశ్చిమ-వాయవ్య దిశగా పయనించే అవకాశాలు ఉన్నాయని భారత వాతావరణ శాఖ (ఐఎండీ) స్పష్టం చేసింది. ఈ ఆవర్తన ప్రభావంతో అక్టోబర్ 23 (శుక్రవారం) నాటికి బంగాళాఖాతంలో ఒక నూతన అల్పపీడనం కేంద్రీకృతమయ్యే సూచనలు మెండుగా ఉన్నట్లు అధికారులు వెల్లడించారు. ఈ అల్పపీడన గమనం , అది సంతరించుకునే తీవ్రత ఆధారంగానే ఆంధ్రప్రదేశ్, తెలంగాణ రాష్ట్రాల్లో వర్షాల తీవ్రత ఆధారపడి ఉంటుందని అమరావతి, హైదరాబాద్ వాతావరణ కేంద్రాలు ప్రకటించాయి.
ఏర్పడనున్న అల్పపీడన ప్రభావం ఆంధ్రప్రదేశ్ రాష్ట్రంపై గణనీయంగా ఉండనుందని వాతావరణ నిపుణులు అంచనా వేస్తున్నారు. అక్టోబర్ 22, 23వ తేదీలలో కోస్తాంధ్రతో పాటు రాయలసీమ జిల్లాలలో ఉరుములు, మెరుపులతో కూడిన వానలు పడతాయని ఐఎండీ Amaravati హెచ్చరించింది. ముఖ్యంగా దక్షిణ కోస్తాలోని ప్రకాశం, నెల్లూరు జిల్లాలతో పాటు రాయలసీమలోని తిరుపతి జిల్లాలో అక్కడక్కడ తీవ్రమైన పిడుగులు పడే ప్రమాదం ఉందని అధికారులు స్పష్టం చేశారు. ఈ క్రమంలో బంగాళాఖాతంలో వాతావరణం అలజడిగా మారి సముద్రం అల్లకల్లోలంగా మారే అవకాశం ఉన్నందున, మత్స్యకారులు తదుపరి అధికారిక హెచ్చరికలు వెలువడే వరకు వేటకు వెళ్లకూడదని స్పష్టమైన ఆదేశాలు జారీ చేశారు.
మరోవైపు తెలంగాణ రాష్ట్రంలోనూ రాబోయే రోజుల్లో పలుచోట్ల తేలికపాటి నుంచి మోస్తరు వర్షాలు కురిసే అవకాశం ఉందని ఐఎండీ హైదరాబాద్ కేంద్రం వెల్లడించింది. అల్పపీడనం బలపడే కొద్దీ ఉరుములు, మెరుపులతో పాటు గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశముందని అంచనా వేసింది. వర్షాలు, ఈదురుగాలులు వీచే సమయంలో ప్రజలు బహిరంగ ప్రదేశాల్లో, విద్యుత్ స్తంభాలు లేదా ఎత్తైన చెట్ల కింద నిలబడకుండా తగిన జాగ్రత్తలు తీసుకోవాలని సూచించింది. ముఖ్యంగా ప్రస్తుతం పంట కోతల సమయంలో ఉన్నందున, రైతులు తమ కోసిన ధాన్యం , ఇతర వ్యవసాయ ఉత్పత్తులను తడవకుండా భద్రపరుచుకోవడానికి తగిన రక్షణ చర్యలు చేపట్టాలని విజ్ఞప్తి చేసింది. ప్రజలు ఎప్పటికప్పుడు ఐఎండీ వెలువరించే స్థానిక వాతావరణ బులెటిన్లను గమనిస్తూ అప్రమత్తంగా ఉండాలని అధికారులు కోరుతున్నారు.
సంబంధిత వార్తలు
