Telangana PRC Update: తెలంగాణ ఉద్యోగులకు గుడ్‌న్యూస్.. PRCపై రాష్ట్ర ప్రభుత్వం కీలక అడుగు..

Telangana PRC Update: తెలంగాణ రాష్ట్ర ప్రభుత్వ ఉద్యోగుల సుదీర్ఘ నిరీక్షణకు తెరదించుతూ వేతన సవరణ ప్రక్రియను వేగవంతం చేసేందుకు ప్రభుత్వం కీలక నిర్ణయం తీసుకుంది. 2వ వేతన సవరణ కమిషన్ (పీఆర్సీ) నివేదికను వీలైనంత త్వరగా పూర్తి చేసి ప్రభుత్వానికి అందజేయాలని రాష్ట్ర ప్రభుత్వ ప్రధాన కార్యదర్శి (సీఎస్) ఆదేశించారు. ఈ మేరకు రెండో పీఆర్సీ ఛైర్మన్ ఎన్. శివశంకర్‌కు సీఎస్ అధికారికంగా లేఖ రాశారు.

గతంలో నియమించిన రెండో వేతన సవరణ కమిషన్ గడువు ముగుస్తుండటం, మరోవైపు పీఆర్సీ అమలుపై ఉద్యోగ సంఘాల నుంచి ఒత్తిడి తీవ్రతరం కావడంతో ప్రభుత్వం ఈ దిశగా అడుగులు వేసింది. బకాయి ఉన్న కరువు భత్యం (డీఏ)లను తక్షణమే విడుదల చేయాలని, పీఆర్సీ నివేదికను తెప్పించుకుని సరైన ఫిట్‌మెంట్ ప్రకటించాలని ఉద్యోగులు డిమాండ్ చేస్తున్నారు. ప్రభుత్వంపై ఒత్తిడి పెంచుతూ ఉద్యోగులు ఆందోళన బాట పట్టడంతో సర్కార్ అప్రమత్తమైంది.

కమిషన్ నుంచి నివేదిక అందిన వెంటనే ఫిట్‌మెంట్ పరిమాణం మరియు కొత్త వేతన సవరణకు సంబంధించిన నిబంధనలపై ప్రభుత్వం తుది నిర్ణయం తీసుకోనుంది. సీఎస్ లేఖతో పీఆర్సీ ప్రక్రియ మళ్లీ పట్టాలెక్కడంతో, త్వరలోనే తమ వేతనాలు పెరుగుతాయనే ఆశలు ఉద్యోగుల్లో చిగురిస్తున్నాయి.

• KTR: తెలంగాణ కాంగ్రెస్ సర్కారుపై కేటీఆర్ ఫైర్.. రాహుల్ గాంధీని టార్గెట్ చేస్తూ తీవ్ర విమర్శలు
• Rice Price: సన్నబియ్యం సరఫరాలో అక్రమాల ఆరోపణలు.. ఐదుగురు రైస్ మిల్లర్లను అదుపులోకి తీసుకున్న సీఐడీ
• AP Local Body Elections: ఏపీ పరిషత్ ఎన్నికల్లో 50,815 మంది అభ్యర్థులు.. ఎంపీటీసీ, జడ్పీటీసీ బరిలో పార్టీల వారీగా వివరాలివే..
• Cyclone Arnab Alert: ఏపీకి ‘అర్ణబ్’ తుపాను ముప్పు.. సీఎం చంద్రబాబు సమీక్ష, పలు జిల్లాలకు రెడ్ అలర్ట్..
• Cyclone Arnab: ఏపీ తీరంవైపు ‘అర్ణబ్’ తుపాను.. అక్టోబర్ 28న తీరం దాటే అవకాశం!