KTR Assembly Video Viral: హరీష్ కింద పడటంతో పోలీసులపై విరుచుకుపడ్డ కేటీఆర్ వీడియో వైరల్.. తోపులాటలో నేతలకు గాయాలు

KTR Assembly Video Viral: అసెంబ్లీ సమావేశాల సందర్భంగా తమ నాయకులు హరీష్ రావు, జగదీష్ రెడ్డిలను పోలీసులు కిందకు నెట్టివేయడం, మహిళా ప్రజాప్రతినిధుల పట్ల అనాగరికంగా ప్రవర్తించారనే వార్తలతో తీవ్ర ఆగ్రహానికి గురైన బీఆర్ఎస్ కార్యనిర్వాహక అధ్యక్షుడు కేటీఆర్, ఇతర ఎమ్మెల్యేలు పోలీసుల తీరుపై విరుచుకుపడిన దృశ్యాలను వీడియోలో చూడవచ్చు.

కాంగ్రెస్ ప్రభుత్వ 1000 రోజుల పాలనా వైఫల్యాలను ఎండగట్టేందుకు నల్ల టీషర్టులు, నల్ల దుస్తులు ధరించి శాంతియుతంగా అసెంబ్లీకి వస్తున్న తమ సభ్యులను పోలీసులు చట్టవిరుద్ధంగా అడ్డుకున్నారని బీఆర్ఎస్ నేతలు ఆరోపించారు. ఈ క్రమంలో చోటుచేసుకున్న తోపులాటలో ప్రతిపక్ష నాయకుల పట్ల పోలీసులు ప్రవర్తించిన తీరుపై పార్టీ తీవ్ర స్థాయిలో మండిపడింది.

పోలీసుల తోపులాటలో నేతలకు గాయాలయ్యాయని ఆరోపణలు
శాసనసభ ప్రాంగణం వద్ద పోలీసులు కావాలనే ఉద్రిక్తత వాతావరణం సృష్టించారని బీఆర్ఎస్ నాయకులు విమర్శించారు. ఈ తోపులాటలో మాజీ మంత్రి జగదీశ్‌రెడ్డిని కింద పడేయడంతో ఆయన కాలికి గాయమై అస్వస్థతకు గురయ్యారని, అలాగే కేటీఆర్‌కు చేతికి, నుదిటికి గాయాలయ్యాయని పార్టీ ప్రతినిధులు పేర్కొన్నారు. అంతేకాకుండా, కిందపడిన హరీశ్‌రావు చేతిని పోలీసులు అమానుషంగా తొక్కారని వారు ఆరోపించారు. నల్ల టీషర్టుతో లోపలికి అనుమతించకపోవడంతో హరీశ్‌రావు తన టీషర్ట్‌ విప్పి బనియన్‌తో నిరసన తెలిపారని, అనంతరం ఆయన్ను, వేముల ప్రశాంత్ రెడ్డి, కల్వకుంట్ల సంజయ్ సహా పలువురు ఎమ్మెల్యేలు, ఎమ్మెల్సీలను బలవంతంగా అరెస్ట్‌ చేసి తెలంగాణ భవన్‌కు తరలించారని నేతలు ధ్వజమెత్తారు.

మహిళా ప్రజాప్రతినిధుల పట్ల దుర్మార్గమైన ప్రవర్తన
మహిళా ఎమ్మెల్యేల పట్ల పోలీసులు అత్యంత నిరంకుశంగా ప్రవర్తించారని బీఆర్ఎస్ నేతలు ఆవేదన వ్యక్తం చేశారు. అసెంబ్లీకి వెళ్తున్న మహిళా ఎమ్మెల్యే సునీతా లక్ష్మారెడ్డి చీరను పోలీసులు లాగారని, దాంతో ఆమె తీవ్ర మనస్తాపానికి గురై కన్నీళ్లు పెట్టుకున్నారని తెలిపారు. మరోవైపు మాజీ మంత్రి సబితా ఇంద్రారెడ్డిని అరెస్టు చేసే సమయంలో ఆమె జుట్టు పట్టుకుని లాక్కెళ్లి వాహనం ఎక్కించారని ప్రజాప్రతినిధులు ఆరోపించారు.

రాష్ట్రవ్యాప్త ఆందోళనలకు BRS పిలుపు
అసెంబ్లీ పరిసరాల్లో ప్రజాప్రతినిధులపై జరిగిన ఈ ఘటనలకు నిరసనగా రాష్ట్రవ్యాప్తంగా ఆందోళనలు చేపట్టాలని బీఆర్ఎస్ శ్రేణులకు పిలుపునిచ్చింది. కాంగ్రెస్ ప్రభుత్వ ఆదేశాలతోనే పోలీసులు ఈ రకంగా వ్యవహరించారని ఆరోపిస్తూ, శాసనసభ వద్ద జరిగిన ఈ దౌర్జన్య కాండను ప్రజల్లోకి విస్తృతంగా తీసుకెళ్లాలని పార్టీ నిర్ణయించింది.

• ICICI Bank Customers Alert: డిసెంబర్ 1 నుంచి ఐసీఐసీఐ బ్యాంక్ ఛార్జీల బాదుడు.. సేవింగ్స్ ఖాతాదారులకు పెరిగిన నగదు లావాదేవీల భారం..
• France Travel Advisory: ఫ్రాన్స్‌లో మిన్నంటిన ఆందోళనలు.. భారతీయులు అప్రమత్తంగా ఉండాలని ఎంబసీ సూచన
• Hyderabad Real Estate: హైదరాబాద్ రియల్ ఎస్టేట్‌కు షాక్.. 15 శాతం పడిపోయిన కొత్త ఇళ్ల రిజిస్ట్రేషన్లు..
• Andhra Pradesh: మాజీ మంత్రి యనమల రామకృష్ణుడికి అస్వస్థత.. ఆసుపత్రికి తరలింపు, ఆరోగ్యంపై చంద్రబాబు ఆరా
• AP local Body Elections: చంద్రబాబు ప్రోత్సాహంతోనే హింస… సుప్రీంకోర్టు ఆదేశాలు, స్థానిక ఎన్నికల హింసపై జగన్ కీలక భేటీ..