హైదరాబాద్‌: తెలంగాణ రాష్ట్ర సమితి (టిఆర్ఎస్) అధినేత కెసిఆర్ పార్టీ వర్కింగ్‌ ప్రెసిడెంట్‌గా సిరిసిల్ల శాస‌న‌స‌భ్యుడు కెటిఆర్‌ను నియమించారు. జాతీయ రాజకీయాలపై దృష్టి పెట్టాలని కెసిఆర్ నిర్ణయించుకున్నట్లుగా తెలిసింది. ప్రభుత్వపరంగా నీటి పారుదల ప్రాజెక్టుల నిర్మాణంతో పాటు ఎన్నికల్లో ప్రజలకిచ్చిన వాగ్దానాలను తుచ తప్పకుండా అమలు చేయాల్సిన బాధ్యతలు తనపై ఉన్న దృష్ట్యా సమర్ధుడికి పార్టీ బాధ్యతలు అప్పగించాలని భావించిన టిఆర్ఎస్ అధినేత ఈ నిర్ణయం తీసుకున్నారు. జాతీయ రాజకీయాల్లో క్రియాశీలక పాత్ర పోషించడం, రాష్ట్రంలో అభివృద్ధి కార్యక్రమాలను ముందుకు తీసుకుపోవాల్సి ఉండటంతో కెసిఆర్‌పై పనిభారం పెరుగుతోందని భావించి టిఆర్ఎస్ కీలక బాధ్యతలు అప్పగించినట్లుగా స్పష్టమవుతోంది. అలాగే పార్టీ సభ్యత్వ నమోదు కార్యక్రమాలు నిర్వహించడం, జిల్లాల్లో పార్టీ కార్యాలయాలు నిర్మించడం, సంస్థాగతంగా తిరుగులేని శక్తిగా టిఆర్ఎస్ పార్టీని తీర్చిదిద్దే బాధ్యతలను కెటిఆర్‌కు అప్పగించారు. కెటిఆర్‌ను వర్కింగ్‌ ప్రెసిడెంట్‌గా నియమించడంతో ఆయనకు టిఆర్ఎస్ నాయకులు అభినందనలు తెలిపారు.
టిఆర్ఎస్ వర్కింగ్‌ ప్రెసిడెంట్‌గా కెటిఆర్‌
RELATED ARTICLES
