హైదరాబాద్‌: మాజీ ప్రధాని పీవీ నరసింహారావు 14వ వర్ధంతిని పురస్కరించుకుని ప‌లువురు నేతలు నివాళులర్పించారు. ఆర్థిక సంస్కరణలకు పీవీ ఆద్యుడని ఈ సంద‌ర్భంగా నేతలు కొనియాడారు. దేశానికి ఆయన చేసిన సేవలను స్మరించుకున్నారు. హైదరాబాద్‌లోని నెక్లెస్‌ రోడ్డులో ఉన్న పీవీ జ్ఞానభూమికి వెళ్లి ఆయన సమాధిపై పుష్పగుచ్ఛాలు ఉంచి నివాళులర్పించారు. పీవీని స్ఫూర్తిగా తీసుకుని దేశ ప్రగతికి పాటుపడాలని పిలుపునిచ్చారు. టిపిసిసి అధ్యక్షుడు ఉత్తమ్‌కుమార్‌ రెడ్డి, కేంద్ర మాజీ మంత్రి దత్తాత్రేయ, టిఆర్‌ఎస్‌ నేతలు నాయిని న‌ర్సింహారెడ్డి, తలసాని శ్రీనివాస్‌ యాదవ్‌, కాంగ్రెస్‌ నేత పొన్నాల ల‌క్ష్మ‌య్య తదితరులు పాల్గొన్నారు.
