ప్రభాస్, పృథ్వీరాజ్ సుకుమారన్ నటించిన ‘సలార్’ చిత్రం విడుదలైన రోజే బాక్సాఫీస్ వద్ద భారీ వసూళ్లను రాబట్టింది. ఈ సినిమా వసూళ్లు రోజురోజుకూ పెరిగిపోతున్నాయి. సలార్ సినిమా వారం రోజుల్లోనే 500 కోట్ల రూపాయలకు పైగా వసూళ్లు సాధించింది. నిర్మాణ సంస్థ హోంబలే ఫిల్మ్స్‌కి ఈ సినిమా భారీ విజయాన్ని అందించింది. ఇక ఈ సినిమా కు ప్రశాంత్ నీల్ దర్శకత్వం వహించిన విషయం తెలిసిందే. కేజీఎఫ్ సినిమాలకు మించి యాక్షన్ ఎంటర్టైనర్ గా తెరక్కింది ఈ సినిమా. సలార్ సినిమా కూడా రెండు భాగాలుగా ప్రేక్షకుల ముందుకు రానుంది.
సలార్ సినిమా తొలి రోజే 150 కోట్లకు పైగా వసూల్ చేసి రికార్డ్ క్రియేట్ చేసింది. పాన్ ఇండియా మూవీగా రిలీజ్ ఆయిన ఈ సినిమా ప్రపంచవ్యాప్తంగా భారీ విజయాన్ని అందుకుంది.. ఈ సినిమా ఇప్పటి వరకు ప్రపంచవ్యాప్తంగా రూ.542 కోట్లు వసూలు చేసింది. సలార్ సినిమాకు అన్ని ఏరియాల నుంచి మంచి రెస్పాన్స్ వస్తుంది.
‘సలార్’ సినిమా ఏడు రోజుల వసూళ్లు. డిసెంబర్ 22: రూ. 176.52 కోట్లు, డిసెంబర్ 23: రూ. 101.39 కోట్లు, డిసెంబర్ 24: రూ.95.24 కోట్లు, డిసెంబర్ 25: రూ. 76.91 కోట్లు, డిసెంబర్ 26: రూ. 40.17 కోట్లు, డిసెంబర్ 27: రూ. 31.62 కోట్లు, డిసెంబర్ 28: రూ. 20.78 కోట్లు. ‘సలార్’ సినిమా ఈ వారం బాగా వసూళ్లు రాబట్టనుంది. ఈ సినిమా వెయ్యి కోట్ల రూపాయల క్లబ్‌లో చేరుతుందని అంచనా వేస్తున్నారు ట్రేడ్ పండితులు. ‘బాహుబలి 2’ తర్వాత ప్రభాస్ సలార్ సినిమాతో విజయం అందుకున్నాడు. ఇక ఇప్పుడు సలార్ 2 పై భారీ అంచనాలు నెలకొన్నాయి.
