జైపూర్‌: రాజస్థాన్ రాష్ట్ర 12వ ముఖ్యమంత్రిగా కాంగ్రెస్‌ సీనియర్‌ నేత అశోక్ గెహ్లాట్‌ సోమవారం ప్రమాణస్వీకారం చేశారు. జైపూర్‌లోని చారిత్రక ఆల్బర్ట్‌ హాల్‌లో జరిగిన ఈ కార్యక్రమంలో గవర్నర్‌ కల్యాణ్‌ సింగ్.. గెహ్లాట్‌ చేత ప్రమాణం చేయించారు. రాష్ట్ర పిసిసి అధ్యక్షుడు సచిన్‌ పైలట్‌ ఉపముఖ్యమంత్రిగా ప్రమాణస్వీకారం చేశారు. ఈ కార్య‌క్ర‌మానికి కాంగ్రెస్‌ అధ్యక్షుడు రాహుల్‌గాంధీ, మాజీ ప్రధాని మన్మోహన్‌ సింగ్, ఆంధ్రప్రదేశ్‌ ముఖ్యమంత్రి చంద్రబాబు నాయుడు, లోక్‌సభలో ప్రతిపక్ష నేత మల్లికార్జున్‌ ఖర్గే, పుదుచ్చేరి, కర్ణాటక ముఖ్యమంత్రులు నారాయణస్వామి, కుమారస్వామి, మాజీ ప్రధాని దేవేగౌడ, హర్యానా మాజీ సిఎం భూపిందర్‌ సింగ్ హుడా, రాజస్థాన్ మాజీ ముఖ్యమంత్రి వసుంధరా రాజె, కర్ణాటక మాజీ ముఖ్యమంత్రి సిద్ధరామయ్య, జమ్ముకశ్మీర్‌ మాజీ ముఖ్యమంత్రి ఫరూఖ్‌ అబ్దుల్లా, ఆర్‌జెడి నేత తేజస్వీ యాదవ్‌, ప‌లువురు కాంగ్రెస్‌ సీనియర్‌ నేతలు హాజరయ్యారు. అయితే అనివార్య కారణాల వల్ల మాయావతి, అఖిలేశ్‌ యాదవ్‌, పశ్చిమ బెంగాల్‌ ముఖ్యమంత్రి మమతాబెనర్జీ రాలేకపోయారు.
రాజస్థాన్ సిఎంగా అశోక్ గెహ్లాట్‌ ప్రమాణస్వీకారం
RELATED ARTICLES
