న్యూఢిల్లీ: విభజన హామీలు నెరవేర్చి, ఆంధ్రప్రదేశ్‌కు న్యాయం చేయాలంటూ లోక్‌సభలో ఆందోళనకు దిగిన 12 మంది టిడిపి ఎంపీల‌ను స్పీకర్‌ సుమిత్రా మహాజన్‌ సస్పెండ్‌ చేశారు. సభా కార్యకలాపాలకు అడ్డుపడుతున్నార‌ని వారిపై వేటు వేశారు. ఎంపీలు మురళీమోహన్‌, బుట్టారేణుక, గల్లా జయదేవ్‌, రామ్మోహన్‌ నాయుడు, తోట నరసింహం, అవంతి శ్రీనివాస్‌, మాగంటి బాబు, జెసి దివాకర్‌రెడ్డి, శ్రీరాం మాల్యాద్రి, అశోక్‌ గజపతిరాజు, నిమ్మల కిష్టప్ప, కొనకళ్ల నారాయణలను నాలుగు రోజుల పాటు సస్పెండ్‌ చేస్తున్నట్లు స్పీకర్‌ ప్రకటించారు. కాగా, రాష్ట్రానికి జరిగిన అన్యాయంపై ఆందోళన చేస్తున్న తమను సభ నుంచి సస్పెండ్‌ చేయడం దారుణమని టిడిపి ఎంపీలు మండిపడ్డారు. సస్పెన్షన్ వేటు పడినా స్పీకర్‌ పోడియం వద్దే నిరసన తెలిపారు. సభను వాయిదా వేసినా బయటకు వెళ్లకుండా లోపలే బైఠాయించారు.
లోక్‌సభ నుంచి టిడిపి ఎంపీల సస్పెన్షన్
RELATED ARTICLES
