HomeNewsBreaking News17 నుంచి అసెంబ్లీ

17 నుంచి అసెంబ్లీ

నాలుగు రోజులపాటు సమావేశాలు
ప్రొటెం స్పీకర్‌గా ముంతాజ్‌ అహ్మద్‌ ఖాన్‌

ప్రజాపక్షం / హైదరాబాద్‌  : అసెంబ్లీ ఎన్నికల ఫలితాల అనంతరం తెలంగాణ శాసనసభ తొలిసారిగా ఈ నెల 17వ తేదీన సమావేశం కానుంది. మొత్తం నాలుగు రోజుల పాటు సమావేశాలు జరగనున్నాయి. సమావేశాలు ఈ నెల 17 నుంచి 20వ తేదీ వరకు జరుగుతాయి. తెలంగాణ ద్వితీయ శాసనసభకు ఎన్నికైన శాసనసభ్యుల్లో సీనియర్‌ అయిన ముంతాజ్‌ అహ్మద్‌ ఖాన్‌ ప్రొటెం స్పీకర్‌గా వ్యవహరిస్తారు. 16న సా॥ 5 గంటలకు రాజ్‌భవన్‌లో గవర్నర్‌ ఇ.ఎస్‌.ఎల్‌. నరసింహాన్‌ ప్రొటెం స్పీకర్‌గా ముం తాజ్‌ అహ్మద్‌ ఖాన్‌తో ప్రమాణస్వీకారం చేయిస్తారు. 17వ తేదీన శాసనసభ సమావేశాలు ఉదయం 11-30 గంటలకు ప్రొటెం స్పీకర్‌ అధ్యక్షతన ప్రారంభమవుతాయి. సభలో నూతనంగా ఎన్నికైన శాసనసభ సభ్యులతో ఆయన ప్రమాణ స్వీకారం చేయిస్తారు. ఈ కార్యక్రమం సుమారు రెండుగంటలు కొనసాగుతుంది. అదే రోజున స్పీకర్‌ ఎన్నిక షెడ్యూల్‌ ప్రకటన, నామినేషన్‌ దాఖలు ప్రక్రియ జరుగుతుంది. 18న స్పీకర్‌ ఎన్నిక ఉంటుంది. అనంతరం నూతనంగా ఎన్నికైన స్పీకర్‌ అధ్యక్షతన సభా కార్యక్రమాలు సాగుతాయి. ఆ తరువాత స్పీకర్‌ బిఎసి సమావేశాన్ని నిర్వహిస్తారు. ఈ నెల 19న ఉభయ సభలను ఉద్దేశించి గవర్నర్‌ నరసింహన్‌ ప్రసంగిస్తారు. ఈ నెల 20న గవర్నర్‌ ప్రసంగానికి ధన్యవాదాలు తెలిపే తీర్మానంపై చర్చ, ఆమోదం జరుగుతుంది. ముఖ్యమంత్రి కె.చంద్రశేఖర్‌రావు అసెంబ్లీ కార్యదర్శి, ఉన్నతాధికారులతో సమావేశమై శాసనసభ సమావేశాల నిర్వహణపై నిర్ణయం తీసుకున్నట్లు ముఖ్యమంత్రి కార్యాలయం తెలియజేసింది. ప్రజలు గొప్ప మెజారిటీతో తమను గెలిపించారని, ఆ స్ఫూర్తితో ఏకాదశి తిథినాడు శాసనసభ కార్యకలాపాలు ఆరంభించాలని నిర్ణయించినట్లు సిఎం కెసిఆర్‌ తెలిపారు. కాగా ఈ నెల 17న మధ్యాహ్నం జూబ్లీహాల్‌ ప్రాంగణంలోని శాసనమండలి లాన్స్‌లో నూతనంగా ఎన్నికైన శాసనసభ్యులకు విందు ఏర్పాటు చేశారు.

DO YOU LIKE THIS ARTICLE?
Prajapaksham
Prajapaksham
Praja Paksham Telugu News (తెలుగు వార్తలు) offers the Latest Telugu News, Breaking News in Telugu (ముఖ్యాంశాలు) from Andhra Pradesh and Telangana. National News, International News Headlines in Telugu Daily. prajapaksham.in is flagship online website of PrajaPaksham Newspaper
RELATED ARTICLES
- Advertisment -
Google search engine

Most Popular

Recent Comments