హైదరాబాద్: తెలంగాణ రాష్ర్ట హైకోర్టు తొలి ప్రధాన న్యాయమూర్తిగా జస్టిస్ టిబిఎన్ రాధాకృష్ణన్ ప్రమాణ స్వీకారం చేశారు. రాధాకృష్ణన్ చేత గవర్నర్ నరసింహన్ ప్రమాణ స్వీకారం చేయించారు. మంగ‌ళ‌వారం రాజ్‌భవన్‌లో జరిగిన ఈ ప్రమాణ స్వీకార కార్యక్రమానికి ముఖ్యమంత్రి కల్వకుంట్ల చంద్రశేఖర్ రావు, పలువురు రాజకీయ ప్రముఖులు, న్యాయవాదులు, హైకోర్టు సిబ్బంది హాజరయ్యారు. ప్రమాణస్వీకారం అనంతరం రాధాకృష్ణన్‌కు సిఎం కెసిఆర్ శుభాకాంక్షలు తెలిపారు.
అనంతరం తెలంగాణ రాష్ట్ర హైకోర్టులో 12 మంది న్యాయమూర్తులు ప్రమాణస్వీకారం చేశారు. న్యాయమూర్తుల చేత ప్రధాన న్యాయమూర్తి జస్టిస్ టిబిఎన్ రాధాకృష్ణన్ ప్రమాణస్వీకారం చేయించారు.
ప్రమాణస్వీకారం చేసిన హైకోర్టు న్యాయమూర్తులు
జస్టిస్ రాఘవేంద్ర సింగ్ చౌహాన్
జస్టిస్ రామ సుబ్రమణ్యన్
జస్టిస్ పులిగోరు వెంకట సంజయ్ కుమార్
జస్టిస్ సత్యరత్న శ్రీరామచంద్ర రావు
జస్టిస్ అడవల్లి రాజశేఖర్ రెడ్డి
జస్టిస్ పొనుగంటి నవీన్ రావు
జస్టిస్ చల్లా కోదండరాం చౌదరి
జస్టిస్ బొలుసు శివశంకర్ రావు
జస్టిస్ డాక్టర్ షమీన్ అక్తర్
జస్టిస్ పొట్లపల్లి కేశవరావు
జస్టిస్ అభినంద్ కుమార్ షావలి
జస్టిస్ తొడుపునూరి అమర్ నాథ్ గౌడ్
