భోపాల్‌: కేంద్ర విదేశాంగ శాఖ మంత్రి, భార‌తీయ జ‌న‌తా పార్టీ సీనియర్ నాయ‌కురాలు సుష్మాస్వరాజ్‌ సంచలన నిర్ణయం తీసుకున్నారు. ఇక ఎన్నికల్లో పోటీ చేయబోనని వెల్లడించారు. మంగ‌ళ‌వారం మధ్యప్రదేశ్‌లో విలేకరులతో మాట్లాడుతూ రానున్న 2019 లోక్‌సభ ఎన్నికల్లో బరిలోకి దిగడంలేదని స్పష్టంచేశారు. ‘ఈ విషయంపై పార్టీ నిర్ణయం తీసుకుంటుంది. కానీ నేను వచ్చే ఎన్నికల్లో పోటీ చేయకుండా ఉండేందుకు నా మనసును సిద్ధం చేసుకున్నాను’ అని 66 ఏళ్ల సుష్మ తెలిపారు. అయితే ఆరోగ్య పరమైన కారణాల వల్ల తాను ఇక ఎన్నికలకు దూరంగా ఉండాలని నిర్ణయం తీసుకున్నట్లు సమాచారం.సుష్మాస్వరాజ్‌ మధ్యప్రదేశ్‌లోని విదిశ ఎంపీ. ఆమె ఏడు సార్లు ఎంపీగా ఎన్నికయ్యారు. గతంలో ఢిల్లీ ముఖ్యమంత్రిగా బాధ్యతలు నిర్వర్తించారు. కేంద్ర ఆరోగ్య సంక్షేమ శాఖ, టెలికమ్యూనికేషన్స్‌, సమాచార ప్రసార మంత్రిత్వ శాఖల మంత్రిగా పనిచేశారు. అయితే సుష్మ ఎన్నికలకు దూరంగా ఉంటే రాజ్యసభ ద్వారా అయినా ఆమెను పార్లమెంటుకు తీసుకురావాలని పార్టీ వర్గాలు భావిస్తున్నట్లు సమాచారం.
ఇక ఎన్నికల్లో పోటీ చేయ‌ను
RELATED ARTICLES
