మైక్‌ సమస్య వస్తే కరెంట్‌ కోతలా?
విద్యుత్‌ సరఫరా లేకుంటే రికార్డు స్థాయిలో వినియోగం ఎలా పెరిగింది?
నీళ్ల గురించి, కాళేశ్వరం గురించి కెసిఆర్‌ వాస్తవాలు చెప్పలేదు
ఉప ముఖ్యమంత్రి మల్లు భట్టివిక్రమార్క
ప్రజాపక్షం / హైదరాబాద్‌ సూర్యాపేటలో ఏర్పాటు చేసిన మీడియా సమావేశంలో కెసిఆర్‌ మాట్లాడిన మాటలలో కొం చం కూడా వాస్తవాలు లేవని, బిఆర్‌ఎస్‌ ఏర్పాటు చేసిన మీడియా సమావేశంలో మైక్‌ సమస్య వస్తే కరెంటు కోతలని కెసిఆర్‌ అబద్ధాలు మాట్లాడారని, పదేళ్లు సిఎంగా ఉన్న వ్యక్తి ఇంతలా దిగజారి మాట్లాడుతారా తెలంగాణ రాష్ట్ర ఉపముఖ్యమంత్రి మల్లు భట్టివిక్రమార్క అన్నారు. ఢిల్లీ కాన్‌స్టిట్యూషన్‌ క్లబ్‌లో సోమవారం ఏర్పాటు చేసిన మీడియా సమావేశంలో ఆయన మాట్లాడారు. నీళ్ల గురించి, కాళేశ్వరం గురించి కెసిఆర్‌ వాస్తవాలు చెప్పలేదని, వాస్తవాలను దాచి ప్రజలను తప్పుదోవ పట్టించే ప్రయత్నం చేశారని, కట్టు కథలు చెప్పి ప్రజలను మభ్య పెట్టాలని ప్రయత్నించారని విమర్శించారు. బిఆర్‌ఎస్‌ నేతలు కెసిఆర్‌ను వదిలి కాంగ్రెస్‌లో చేరుతుంటే ఆయన తట్టుకోలేకపోతున్నారన్నారు. రాష్ట్రం లో విద్యుత్‌ సరఫరా లేకుంటే రికార్డు స్థాయిలో విద్యుత్‌ వినియోగం ఎలా పెరిగిందని, గతంలో ఎన్నడు లేనంతగా ఎందుకు నమోదయిందైవని ఆయన ప్రశ్నించారు. ‘యాదాద్రి పవర్‌ ప్రాజెక్ట్‌ ఎప్పుడు ప్రారంభించారు. ఎవరి వల్ల ఆలస్యమైంది. యాదాద్రి ప్రాజెక్ట్‌ నిర్మించిన స్థలమే సరైంది కాదు. బొగ్గు లభించే ప్రాంతానికి 350 కిలోమీటర్ల దూరంలో యాదాద్రి పవర్‌ ప్లాంట్‌ గత ప్రభుత్వ నిర్మాణం చేపట్టింది. యాదాద్రి థర్మల్‌ ప్లాంటుకు బొగ్గు సరఫరా కోసం భారీగా ఖర్చు అవుతుంది. యాదాద్రి పవర్‌ ప్లాంట్‌ పర్యావరణ అనుమతులు పొందటంలో ఆల స్యం వల్ల నిర్మాణ వ్యయం భారీగా పెరిగింది. తెలంగాణకు 4వేల మెగావాట్ల విద్యుత్‌ ఇవ్వాలని ఎపి పునర్‌ వ్యవస్థీకరణ చట్టంలోనే ఉంది. విభజన చట్టం ప్రకారమే రాష్ట్రానికి ఎన్‌టిపిసి మంజూదైంది. సూపర్‌ క్రిటికల్‌ టెక్నాలజీతో భద్రాద్రి థర్మల్‌ పవర్‌ ప్లాంట్‌ నిర్మించాల్సి ఉండగా కమిషన్ల కోసం సబ్‌ క్రిటికల్‌ టెక్నాలజీతో ప్లాంట్‌ నిర్మాణం చేపట్టింది కెసిఆరే’ అని భట్టివిక్రమార్క అన్నారు. వచ్చే ఏప్రిల్‌, మే నెలల్లోనూ సరిపడా విద్యుత్‌ ఇచ్చేలా ప్రణాళికలు రూపొందించామని, దేశమంతా గ్రిడ్‌ అనుసంధానం 2013 లోనే యుపిఎ ప్రభుత్వం చేసిందని ఆయన చెప్పారు.
ఎన్ని హామీలు నెరవేర్చారో చెప్పాలి
పదేండ్ల పాలనలో కెసిఆర్‌ ఎన్ని హామీలు నెరవేర్చారో చెప్పాలని భట్టివిక్రమార్క డిమాండ్‌ చేశారు. అందరికీ రెండు పడకల గదులు ఇల్లు నిర్మించి ఇచ్చారా? ప్రతి మండలంలో బాలబాలికలకు ఇంగ్లీష్‌ మీడియం స్కూల్‌, ప్రతి నియోజకవర్గంలో కేజీ టు పీజీ విద్యాలయాలు నిర్మించారా? దళితులకు మూడెకరాల భూమి పంపిణీ చేశారా? రైతులకు రుణమాఫీ ఐదేళ్లలో పూర్తి చేశారా? వర్షాకాలంలో అధికారంలో ఉన్నది ఎవరు? వాన నీటిని రిజర్వాయర్లు నింపే పరిస్థితి లేకుండా చేసింది ఎవరు? అని ఆయన ప్రశ్నించారు. ప్రపంచంలోనే అత్యద్భుతం అని చెప్పిన కాళేశ్వరం కృంగిపోయిందని, అన్ని లెక్కలతో చర్చలకు రావడానికి తాను సిద్ధమని, మీరు సిద్ధమా? అని బిఆర్‌ఎస్‌ నేతలకు భట్టి విక్రమార్క సవాల్‌ విసిరారు. గత బిఆర్‌ఎస్‌ పాలకులు అస్తవ్యస్తంగా చేసిన పాలనను కాంగ్రెస్‌ ప్రభుత్వం గాడిన పెడుతుటే తట్టుకోలేక అక్కసుతో కెసిఆర్‌ కాంగ్రెస్‌పై అబద్ధపు, మోసపూరిత ప్రచారం చేస్తున్నారని ఆయన ఆగ్రహం వ్యక్తం చేశారు.
కెసిఆర్‌ మాటలన్నీ అబద్ధాలే…
RELATED ARTICLES
