5న రాష్ట్ర మంత్రివర్గ సమావేశం

సచివాలయ నిర్మాణం, నియంత్రిత వ్యవసాయం, కరోనాపై చర్చ
ప్రజాపక్షం / హైదరాబాద్‌ రాష్ట్ర మంత్రివర్గ సమావేశం ఈ నెల 5వ తేదీన మధ్యాహ్నం 2 గంటలకు ప్రగతిభవన్‌లో జరగనుంది. సమావేశానికి ముఖ్యమంత్రి కె.చంద్రశేఖర్‌రావు అధ్యక్షత వహిస్తారు. సచివాలయం నూతన భవన సముదాయం నిర్మాణం, నియంత్రిత సాగు పద్ధతిలో వ్యవసాయం, కరోనా వ్యాప్తి, కొవిడ్‌ నేపథ్యంలో విద్యారంగంలో తీసుకోవాల్సిన చర్యలు తదితర అంశాలపై ఈ సమావేశంలో చర్చించి నిర్ణయాలు తీసుకునే అవకాశం ఉందని ముఖ్యమంత్రి కార్యాలయం ఒక ప్రకటనలో తెలియజేసింది. కాగా ఆంధ్రప్రదేశ్‌, తెలంగాణ రాష్ట్రాల మధ్య చోటు చేసుకుంటున్న కృష్ణా జలాల వివాదాలు తదితర అంశాలను కూడా సమావేశంలో చర్చించే అవకాశముందని సమాచారం.