దొంగ రుణాలు మాఫీ

ముంబయి : కోట్లాది రూపాయలు రుణాలుగా తీసుకొని ఎగ్గొట్టి, బ్యాంకులకు టోకరా వేసి, మోసం చేసిన విజయ్‌మాల్యా, మెహుల్‌ చోక్సీ వంటి ఎగవేతదారులు, దగాకోరులకు భారతీయ రిజర్వ్‌ బ్యాంకు (ఆర్‌బిఐ) ఊరటనిచ్చింది. కార్పొరేట్‌ సంస్థలకు, బడా పారిశ్రామికవేత్తలకు, రుణాలు, పన్ను ఎగవేతదారులకు సహజంగానే చేయూతనిచ్చే మోడీ సర్కారు తాజాగా ఆర్‌బిఐ ద్వారా రుణ ఎగవేతదారులపై ప్రేమవర్షం కురిపించింది. కరోనా వైరస్‌ సంక్షోభంతో దేశ ఆర్థికవ్యవస్థ తీవ్రమైన మాంద్యంలోకి కొట్టుకుపోతున్న సమయంలో ఆర్‌బిఐ ఈ వార్తతో ప్రజలకు షాకిచ్చింది. ఆర్‌టిఐ ద్వారా ఈ విషయం వెలుగులోకి వచ్చింది. ఉద్దేశపూర్వక ఎగవేతదారులుగా ప్రకటించిన వ్యాపార వేత్తలకు సంబంధించి రూ. 60వేల కోట్లకుపైగా రుణాలను మాఫీ చేసినట్టు వెల్లడించింది. సెప్టెంబర్‌ 30, 2019 నాటికి బ్యాంకులు 68,000 కోట్ల రూపాయల వరకు రుణాలను నిలిపి వేసినట్లు సమాచార హక్కు (ఆర్‌టిఐ) కింద అడిగిన ప్రశ్నకు సమాధానంగా చెప్పింది. ఇకపై వీరు ఈ ప్రజాసొమ్మును బ్యాం కులకు చెల్లించాల్సిన పనిలేదు. ఈ మేరకు ఆర్‌టి ఐ కార్యకర్త సాకేత్‌ గోఖలే తన ట్విటర్‌ ఖాతాలో దీనికి సంబంధించిన వివరాలను షేర్‌ చేశారు. అయితే, విదేశీ రుణగ్రహీతలపై సమాచారాన్ని వెల్లడించడానికి ఆర్‌బిఐ నిరాకరించింది. ఎందుకంటే దీనిపై సుప్రీంకోర్టు తీర్పు ఉన్న విషయాన్ని గుర్తుచేసింది. టాప్‌ 50 ఉద్దేశపూర్వక ఎగవేతదారులపై కాంగ్రెస్‌ నేత రాహుల్‌ గాంధీ లోక్‌సభలో అడిగిన ప్రశ్నకు ఆర్థిక మంత్రి నిర్మలా సీతారామన్‌ సమాధానం నిరాకరించడంతో తాను ఇదే విషయంపై ఆర్‌టిఐని ఆశ్రయించినట్టు గోఖలే ట్వీట్‌ చేశారు. ఫిబ్రవరి 16 నాటికి టాప్‌-50 ఉద్దేశపూర్వక ఎగవేతదారులు, వారి ప్రస్తుత రుణ స్థితికి సంబంధించిన వివరాలను కోరగా, ఏప్రిల్‌ 24న తనకు ఈ సమాధానం వచ్చినట్టు గోఖలే చెప్పారు. టాప్‌ 50 ఉద్దేశపూర్వక ఎగవేతదారులు చెల్లించాల్సిన మొత్తం రూ .68,607 కోట్లను, ఆర్బీఐ మాఫీ చేసిందని గోఖలే ట్వీట్‌ చేశారు. వీరిలో పంజాబ్‌ నేషనల్‌ బ్యాంకు కుంభకోణంలో ప్రధాన నిందితుడు మెహుల్‌ చోక్సీ, లిక్కర్‌ కింగ్‌ విజయ్‌ మాల్యా తదితరులు ఉన్నారు. ప్రధానంగా ఈ సంస్థల్లో ఆరు డైమ్‌ండ అ్‌ండ జ్యుయల్లరీ సంస్థలు ఉండటం గమనార్హం. ’విల్‌ఫుల్‌ డిఫాల్టర్స్‌’ జాబితాలో రుణాలను ఎగవేసి విదేశాలకు పారిపోయిన డైమ్‌ండ వ్యాపారి మెహుల్‌ చోక్సీకి చెందిన గీతాంజలి జెమ్స్‌ లిమిటె్‌డ రూ. 5492 కోట్లతో అగ్రస్థానంలో ఉంది. సందీప్‌, సంజయ్‌ ఝున్‌ ఝన్‌ వాలాకు చెందిన ఎఫ్‌ఎంసిజి సంస్థ ఆర్‌ఇఐ ఆగ్రో లిమిటె్‌డ (రూ. 4314 కోట్లు) జతిన్‌ మెహతాకు చెందిన విన్సమ్‌ డైమండ్స్‌ అ్‌ండ జ్యువెలరీ లిమిటె్‌డ ( రూ.4వేల కోట్లు) రెండు మూడు స్థానాల్లో ఉన్నాయి. రూ.2,850 కోట్లతో కాన్పూర్‌ ఆధారిత కంపెనీ రోటోమాక్‌ గ్లోబల్‌ ప్రైవేట్‌ లిమిటె్‌డ ఉంది. వీరితో పాటు బాబా రామ్‌దేవ్‌ బాలకృష్ణ గ్రూప్‌ కంపెనీ రుచి సోయా ఇండస్ట్రీస్‌ లిమిటె్‌డ ఇండోర్‌ (రూ .2,212 కోట్లు) డిఫాల్టర్ల జాబితాలో ఉంది. ఇక రూ. 1,943 కోట్ల విజయ్‌ మాల్యా కింగ్‌ ఫిషర్‌ ఎయిర్‌లైన్స్‌ కూడా ఈ జాబితాలో వుంది.