ఎన్‌-95 మాస్కులు, పిపిఇ కిట్స్‌, టెస్టింగ్‌ కిట్స్‌ త్వరగా అందజేయాలని విజ్ఞప్తి
కరోనాపై కేంద్ర మంత్రి హర్షవర్ధన్‌తో వీడియోకాన్ఫరెన్స్‌లో కోరిన ఈటల రాజేందర్‌
రాష్ట్రంలో 8500 మందిలో 471 పాజిటివ్‌ కేసులు
ప్రజాపక్షం/హైదరాబాద్‌ : తెలంగాణలో ఇప్పటికీ 8500 మందికి వైద్య పరీక్షలు నిర్వహిస్తే అందులో 471 మందికి మాత్ర మే కరోనా పాజిటివ్‌ అని తేలిందని వైద్య, ఆరోగ్యశాఖ మంత్రి ఈటల రాజేందర్‌ తెలిపారు. రాష్ట్రం, దేశంలో తయారవుతున్న మందులు, వైద్య పరికరాలపై టాక్స్‌ ఎత్తివేయాలని కేంద్రాన్ని కోరారు. అదేవిధంగా విదేశాల నుంచి దిగుమతి చేసుకొనే వైద్య పరికరాలను కస్టమ్స్‌, టాక్స్‌ రద్దు చేయాలని కూడా ఆయన కోరారు. కేంద్ర ఆరోగ్య, కుటుంబ సంక్షేమ శాఖ మంత్రి డా.హర్షవర్దన్‌ రాష్ట్రాల వైద్య, ఆరోగ్యశాఖ మంత్రులతో శుక్రవారం నిర్వహించిన వీడియో కాన్ఫరెన్స్‌లో తెలంగాణ తాత్కాలిక సచివాలయం బిఆర్‌కె భవన్‌ భవన్‌ నుంచి మంత్రి ఈటల రాజేందర్‌ పాల్గొన్నారు. కరోనా వైరస్‌ వ్యాప్తి, నివారణకు తీసుకుంటున్న చర్యలపై మంత్రి ఈటల కేంద్రాన్ని వివరిచారు. వెంటిలేటర్‌లు, ఇతర వైద్య పరికరాలు ఇసిఐఎల్‌, డిఆర్‌డిఒ లాంటి సంస్థల్లో తయారుచేసి ప్రభుత్వాలకు అందజేయాలని కోరారు. ఎన్‌-95 మా స్కులు, పిపిఈ కిట్స్‌, టెస్టింగ్‌ కిట్స్‌ సాధ్యమైనంత త్వరగా అందజేయాలని కేంద్ర మంత్రికి విజ్ఞప్తి చేశారు. వైద్య పరికరాలు, కరోనా నియంత్రణ కోసం వినియోగిస్తున్న వాటిని బ్లాక్‌ మార్కెట్‌ చేయకుండా నియంత్రించాలని, కేంద్ర ప్రభుత్వమే సేకరించి రా ష్ట్రాలకు అందించాలని మంత్రి ఈటల కోరారు. ఇప్పటివరకు తెలంగాణలో కమ్యూనిటీ ట్రాన్స్మిషన్‌ జరగలేదు అని, ఇక్కడ వచ్చిన పాజిటివ్‌ కేసుల్లో 85శాతం మర్కజ్‌ నుండి వచ్చినవేనని మంత్రి దృష్టికి ఆయన తీసుకెళ్లారు. ఇవి తగ్గితే కేసుల సంఖ్య గణనీయంగా తగ్గుతుందని తెలిపారు. తెలంగాణలో ఇప్పటికీ 85 00 మందికి పరీక్షలు చేస్తే 471 మందికి పాజిటివ్‌ అని తేలిందని చెప్పారు. 45 మంది కోలుకొని డిశ్చార్జ్‌ అవగా, 12 మంది చనిపోయినట్లు తెలిపారు. లాక్‌ డౌన్‌ పొడిగించే అంశంపై అన్ని రాష్ట్రాల అభిప్రాయాలు తీసుకోవాలని కూడా మంత్రి సూచించారు.
