భవిష్యత్తులో ఒలింపిక్స్‌ క్రీడలకు తెలంగాణ
‘కేంద్ర బిందువు’ ప్రతి క్రీడకు ప్రాధాన్యం యంగ్‌ ఇండియా
బ్రాండ్‌గా రాష్ట్రం స్పోర్ట్‌ యూనివర్సిటీ అన్ని క్రీడా విభాగాలు,
సంస్థలు : ముఖ్యమంత్రి రేవంత్‌ రెడ్డి
ప్రజాపక్షం/హైదరాబాద్‌
దేశ క్రీడా రంగానికి తెలంగాణ రాష్ట్రం కేంద్ర బిందువు ఉండాలని, ఇందుకు అవసరమైన అన్ని చర్యలూ తీసుకోవాలని ముఖ్యమంత్రి ఎ.రేవంత్‌ రెడ్డి అధికారులను ఆదేశించారు. అన్ని రకాల క్రీడలనూ, క్రీడా శిక్షణ సంస్థలను ఒకే గొడుగు కిందకు తీసుకురావడమే స్పో ర్ట్‌ యూనివర్సిటీ లక్ష్యమన్నారు. మన దేశంతో పాటు తెలంగాణ రాష్ట్రంలోని భౌగోళిక పరిస్థితులు, మన శారీ ర నిర్మాణ తీరుకు అనువైన క్రీడలను గుర్తించి, ఆ క్రీడలపై ఉత్సాహం ఉన్న వారిని ఆయా క్రీడల్లో ప్రోత్సహించాలని అధికారులను ఆదేశించారు. హైదరాబాద్‌లోని సచివాలయంలో సిఎం రేవంత్‌ రెడ్డి సోమవారం ఉన్నతాధికారులతో భేటీ అయ్యారు. ఈ సందర్భంగా స్పోర్ట్‌ యూనివర్సిటీపై చర్చించారు. ఫోర్త్‌ సిటీలో ఏర్పాటు చే యనున్న యంగ్‌ ఇండియా స్పోర్ట్‌ యూనివర్సిటీ ఏవిధంగా ఉండాలనే అంశంపై సిఎం పలు సూచనలు చేశా రు. స్పోర్ట్‌ యూనివర్సిటీలో ప్రతి క్రీడకు ప్రాధాన్యత ఉండాలన్నారు. దశాబ్దాల క్రితమే ఆఫ్రో-ఏషియన్‌ గేమ్స్‌కు హైదరాబాద్‌ను భవిష్యత్తులో ఒలింపిక్స్‌కు వేదికగా మార్చాలని సూచించారు. హైదరాబాద్‌లో ఒలింపిక్స్‌ నిర్వహించడంతో పాటు ప్రతి క్రీడలో మన క్రీడాకారులు పతకాలు దక్కేలా వారి ని తీర్చిదిద్దాలని,ఇఅందులో మన స్పోర్ట్‌ యూనివర్సిటీ క్రీడాకారులు కచ్చితంగా ఉండాల్సిదేనని ముఖ్యమంత్రి స్పష్టం చేశారు. దీనికి కోసం క్రీడకారులకు నిపుణులైన శిక్షకులతో శిక్షణ ఇప్పించాలన్నారు.
ఒకే గొడుకు కింద అన్ని క్రీడా సంస్థలు
రాష్ట్రంలోని అన్ని యూనివర్సిటీల్లోని క్రీడా విభాగాలు, ప్రభుత్వ ఆధ్వర్యంలోని క్రీడా పాఠశాలలు, అకాడమీలు, క్రీడా శిక్షణ సంస్థలు అన్నింటిని స్పోర్ట్‌ యూనివర్సిటీ పరిధిలోకి తీసుకురావాలని ముఖ్యమంత్రి రేవంత్‌ రెడ్డి అధికారులకు సూచించారు.
స్పోర్ట్‌ యూనివర్సిటీలో మన దేశ క్రీడాకారులు ఒలింపిక్స్‌లో రాణించే షూటింగ్‌, రెజ్లింగ్‌, బాక్సింగ్‌, అర్చరీ, జావెలిన్‌ త్రో, హాకీకి ప్రథమ ప్రాధాన్యత ఇవ్వాలని, వారికి మంచి శిక్షణ అందించి, పతకాలు సాధించేలా క్రీడల్లో శిక్షణ ఇప్పించాలని సూచించారు. యూనివర్సిటీలో ఆయా క్రీడల్లో శిక్షణకు అవసరమైన వసతులు, ఆహారంతో పాటు అంతర్జాతీయ స్థాయి ప్రమాణాలతో తీర్చిదిద్దాలని ముఖ్యమంత్రి రేవంత్‌ ఆదేశించారు.
ప్రతి లోక్‌సభ నియోజకవర్గం పరిధిలో క్రీడా పాఠశాల..
చిన్న వయసులోనే విద్యార్థుల్లోని క్రీడా నైపుణ్యాలతో పాటు వారికి ఏ క్రీడలపై మక్కువ ఉన్నదో గుర్తించాలని సిఎం రేవంత్‌ రెడ్డి ఉపాధ్యాయులకు సూచించారు. అటువంటి విద్యార్థులందరికీ ఆయా క్రీడల్లో శిక్షణ ఇచ్చేలా ప్రతి లోక్‌సభ నియోజకవర్గం పరిధిలో ఒక స్పోర్ట్‌ స్కూల్‌ ఏర్పాటు చేయాలన్నారు. ఆ పాఠశాలల్లో విద్యా బోధనతో ఉంటుందని అయితే క్రీడలకు ఎక్కువ ప్రాధాన్యత ఉంటుందని, విద్యార్థులకు అక్కడ వారికి నచ్చిన క్రీడల్లో శిక్షణ ఇచ్చి, ప్రతిభ ఆధారంగా వారికి స్పోర్ట్‌ యూనివర్సిటీలో వసతి కల్పించి మరింత పదును తేలేలా శిక్షణ ఇప్పించాలని సిఎం సూచించార్‌.
సమగ్ర అధ్యయనం….
హైదరాబాద్‌లోని స్పోర్ట్‌ యూనివర్సిటీ దేశా క్రీడా రంగానికి కేంద్ర బిందువుగా ఉండాలని,ఇందుకు అవసరమైన అన్ని చర్యలూ తీసుకోవాలని ముఖ్యమంత్రి రేవంత్‌రెడ్డి అధికారులను ఆదేశించారు. ఇటీవల ఒలింపిక్స్‌లో పతకాలు సాధించిన దేశాలు, క్రీడాకారుల వివరాలను సేకరించడంతో పాటు ఆయా క్రీడాకారులు పతకాల సాధనకు శ్రమించిన తీరు, ఆయా దేశాలు వారిని ప్రోత్సహించిన తీరును ,శిక్షణ, ప్రోత్సాహం తదితర అంశాలపైన అధ్యయనం చేసి సమగ్ర నివేదికను రూపొందించాలని ముఖ్యమంత్రి అధికారులకు సూచించారు.
ఇప్పటికే స్కిల్‌ యూనివర్సిటీకి యంగ్‌ ఇండియా పేరు పెట్టామని, స్పోర్ట్‌ యూనివర్సిటీ యంగ్‌ ఇండియా పేరు ఖరారు చేశామన్నారు. రాష్ట్ర వ్యాప్తంగా ఏర్పాటు చేస్తున్న ఇంటిగ్రేటెడ్‌ స్కూల్స్‌కు యంగ్‌ ఇండియా పేరు పెడతామని ముఖ్యమంత్రి వెల్లడించారు. తెలంగాణ యంగ్‌ ఇండియాకు బ్రాండ్‌గా మారాలని సిఎం ఆకాంక్షించారు. క్రీడా నైపుణ్యాల్లో తెలంగాణ ఒక శక్తిమంతమైన రాష్ట్రంగా గుర్తింపు పొందడానికి అవసరమైన అన్ని ఏర్పాట్లు చేయాలని ముఖ్యమంత్రి రేవంత్‌ రెడ్డి అధికారులను ఆదేశించారు.
