ట్రాక్టర్‌ బోల్తా : ముగ్గురు మహిళలు మృతి

భద్రాద్రికొత్తగూడెం జిల్లా చర్ల మండలంలో దుర్ఘటన
ప్రజాపక్షం/ చర్ల : భద్రాద్రికొత్తగూడెం జిల్లా చర్ల మండలం తాలిపేరు ప్రాజెక్టు సమీపంలో ట్రాక్టర్‌ బోల్తా పడింది. ఈ ఘటనలో ముగ్గురు ఆదివాసీ మహిళలు మృతిచెందగా.. మరో ముగ్గురికి గాయాలయ్యాయి. ఛత్తీస్‌గఢ్‌లోని బీజాపూర్‌ జిల్లా జిడిపల్లి గ్రామస్తులు చర్లలో బుధవారం నిత్యావసరాలు కొనుగోలు చేసి ట్రాక్టర్‌పై వెళ్తుండగా తాలిపేరు ప్రాజెక్టు దాటిన తర్వాత సిఆర్‌పిఎఫ్‌ క్యాంపు సమీపంలో ట్రాక్టర్‌ బోల్తా పడింది. ఈ ప్రమాదంలో మహిళలు పి.లక్ష్మమ్మ, పి.లక్ష్మి, ఎ. కవితలు అక్కడికక్క డే మృతిచెందారు. ప్రమాదం సిఆర్‌పిఎఫ్‌ క్యాంపు సమీపంలో జరగడంతో క్షతగాత్రులను సిఆర్‌పిఎఫ్‌ పోలీసులు చర్ల ప్రభుత్వ ఆసుపత్రికి తరలించి వైద్యసేవలను అందించారు. మృతదేహాల వద్ద బంధువులు రోదనలు పలువురిని కంటతడి పెట్టించాయి.