భవిష్యత్‌ అవసరాల దృష్ట్యా నగరాల అభివృద్ధికి ప్రణాళికలు : మంత్రి కెటిఆర్‌
హైదరాబాద్‌ : వరంగల్‌ పట్టాణాభివృద్ధికి, భవిష్యత్తు అవసరాలకు అనుగణంగా కాకతీయ అర్బన్‌ డెవలప్‌మెంట్‌ అథారిటీ (కుడా) మాస్టర్‌ ప్లాన్‌ రూపొందిస్తున్నామని రాష్ట్ర మున్సిపల్‌ శాఖ మంత్రి కె.తారకరామారావు అన్నారు. భవిష్యత్తు తరాల అవసరాలను దృష్టిలో పెట్టుకుని నగరాల అభివృద్ధి ప్రణాళికలు ఉండాలన్నారు. వరంగల్‌ మాస్టర్‌ ప్లాన్‌ ముసాయిదాపైన మంత్రి కెటిఆర్‌ కుడా పరిధిలోని మంత్రులు, ప్రజాప్రతినిధులు, అధికారులతో శనివారం హైదరాబాద్‌లో సమీక్షా సమావేశం నిర్వహించారు. ఈ సమావేశంలో మంత్రి కెటిఆర్‌ స్వయంగా మాస్టర్‌ ప్లాన్‌ గురించి ప్రజాప్రతినిధులకు వివరించారు. ఈ మేరకు తెలంగాణలో రెండో పెద్ద నగరం వరంగల్‌ సమగ్రాభివృద్ధికి రూపొందించిన మాస్టర్‌ ప్లాన్‌ తుది దశకు చేరుకున్నదని తెలిపారు. ‘మాస్టర్‌ ప్లాన్‌ అనేది నగరాల అభివృద్ధికి కీలకమైనదని, భవిష్యత్తు తరాలకు ఉపయోపడేలా, నగరాలు సమగ్ర అభివృద్ధి సాధించేలా ఉండాలన్నారు. వరంగల్‌ మాస్టర్‌ ప్లాన్‌ ముసాయిదాపై అన్ని వర్గాల అభిప్రాయాలను పరిగణనలోకి తీసుకున్నామని, ఇప్పటికే కుడా పరిధిలోకి వచ్చే వివిధ వర్గాలు, భాగస్వాములతో విస్తృతంగా చర్చించిన తర్వతా మాస్టర్‌ ప్లాన్‌ ముసాయిదాను తయారు చేశామని మంత్రి తెలిపారు.వరంగల్‌ ప్రస్తుత ముసాయిదా మాస్టర్‌ ప్లాన్‌ 2041 సంవత్సరం వరకు కావల్సిన అవసరాలను దృష్టిలో ఉంచుకుని రూపొందించామన్నారు. మాస్టర్‌ ప్లాన్‌ ఆమోదం అనంతరం జిఐఎస్‌తో అనుసంధానం చేస్తామన్నారు. మాస్టర్‌ ప్లాన్‌ ముసాయిదాలోని అంశాలను పరిశీలించేందుకు ప్రత్యేకంగా వ్యవస్థను ఎర్పాటు చేసి, ప్రతి అసెంబ్లీ నియోజకవర్గానికి ఒక నోడల్‌ అధికారి ఏర్పాటు చేసి స్థానిక ప్రజాప్రతినిధులతో సమన్వయం చేసుకోవాలన్నారు. మాస్టర్‌ ప్లాన్‌ ముసాయిదాలో రేడియల్‌ రోడ్లను అవుటర్‌ రింగ్‌ రోడ్డుకు కలుపుతూ అద్భుతమైన రోడ్డు వ్యవస్థను ఏర్పా టు చేసేందుకు వీలుందన్నారు. భవిష్యత్తు అవసరాలకు అనుగుణంగా గ్రోత్‌ కారిడార్లు, ఇండస్ట్రియల్‌ జోన్ల ఎర్పాటు వంటి అంశాలను వివరించారు. భవిషత్తు అవసరాలకు అనుగుణంగా కాకతీయ పట్టణాభివృద్ధి సంస్థ పనితీరును మార్చుకోవాలని, వరంగల్‌ నగరాన్ని అభివృద్ధికి అవసరమైన నిధులను సమీకరించుకునేలా ప్రణాళికలు ఉండాలన్నారు.ఇందుకోసం హెచ్‌ఎండిఎ తరహాలో ల్యాండ్‌ పూలింగ్‌, భూహక్కుల బది లీ విధానం వంటి కార్యక్రమాలను చేపట్టాలన్నా రు. క్షేత్రస్థాయి పరిస్థితులకు అనుగుణంగా పక్కా సమాచారంతో మాస్టర్‌ ప్లాన్‌ ముసాయిదాలో అంశాలను చేర్చాలని, ఎంఎల్‌ఎలు వారి నియోజకవర్గాల పరిధిలోని అంశాలపై ‘కుడా’కు ప్రతిపాదనలు ఇవ్వాలన్నారు. పంచాయతీరాజ్‌, గ్రామీణాభివృద్ధి మంత్రి ఎర్రబెల్లి దయాకర్‌ రావు మాట్లాడుతూ ఎంఎల్‌ఎలు, అధికారులు సమన్వయంతో వేగంగా ఈ ప్రక్రియను పూర్తి చేయాలన్నారు. అక్టోబరు 5న మంత్రి కెటిఆర్‌ వరంగల్‌ నగర పర్యటన అంశాలపై ఆయనతో ఈ సందర్భంగా మంత్రి దయాకర్‌ రావు చర్చించారు. ప్రారంభోత్సవం, శంకుస్థాపన చేసే ప్రాజెక్టులను వివరించా రు. వైద్య, ఆరోగ్య మంత్రి ఈటల రాజేందర్‌, ప్రభుత్వ చీఫ్‌విప్‌ దాస్యం వినయభాస్కర్‌, రాజ్యసభ సభ్యులు బండ ప్రకాశ్‌, ఎంఎల్‌సిలు కడియం శ్రీహరి, పోచంప ల్లి శ్రీనివాసరెడ్డి, ఎంఎల్‌ఎలు తాటికొండ రాజయ్య, ఆరూరి రమేశ్‌, చల్లా ధర్మారెడ్డి, ముత్తిరెడ్డి యాదగిరిరె డ్డి, నన్నపునేని నరేందర్‌, ‘కుడా’ చైర్మన్‌ మర్రి యాదవరెడ్డి, వైస్‌ చైర్మన్‌ ఎన్‌.రవికిరణ్‌, రైతు రుణవిమోచన కమిషన్‌ చైర్మన్‌ నాగుర్ల వెంకటేశ్వర్లు, గ్రేటర్‌ హైదరాబాద్‌ మేయర్‌ బొంతు రామ్మోహన్‌, మున్సిపల్‌ శాఖ ముఖ్యకార్యదర్శి అర్వింద్‌ కుమార్‌, వరంగల్‌ అర్బన్‌ జిల్లా కలెక్టర్‌ ప్రశాంత్‌ పాటిల్‌ తదితరులుపాల్గొన్నారు.
వరంగల్‌ పట్టాణాభివృద్ధికి మాస్టర్‌ ప్లాన్‌
RELATED ARTICLES
