HomeNewsBreaking Newsమళ్లీ రవికే పగ్గాలు

మళ్లీ రవికే పగ్గాలు

l కోచ్‌గా ఎన్నుకున్న సలహా కమిటీ నెగ్గించుకున్న విరాట్‌ కోహ్లీ

ముంబయి: అంతా అనుకున్నదే జరిగింది. భారత క్రికెట్‌ జట్టు ప్రధాన కోచ్‌ ఎంపిక విషయంలో కెప్టెన్‌ విరాట్‌ కోహ్లి మాటే చెల్లుబాటు అయ్యింది. టీమిండియా ప్రధాన కోచ్‌గా రవిశాస్త్రి తిరిగి నియామకం అయ్యారు. కపిల్‌దేవ్‌ నేతృత్వంలోని క్రికెట్‌ సలహా కమిటీ ఆయనకే మొగ్గు చూపింది. కమిటీ సభ్యులు అన్షుమన్‌ గైక్వాడ్‌, శాంతా రంగస్వామి భారతీయ కోచ్‌కే ఓటు వేశారు. ఈ మేరకు రవిశాస్త్రి నియామకాన్ని ధ్రువీకరిస్తూ కపిల్‌దేవ్‌ ప్రకటన విడుదల చేశారు. భారత్‌లో 2021 వరకు జరిగే టి20 ప్రపంచకప్‌ వరకు శాస్త్రి ఈ పదవిలో కొనసాగుతారు. ఆయన జాతీయ జట్టుతో కలవడం ఇది నాలుగో సారి. తొలుత క్రికెట్‌ మేనేజర్‌ (బంగ్లాదేశ్‌ పర్యటన- 2007)గా, రెండోసారి టీమిండియా డైరెక్టర్‌ (2014 మూడోసారి (2017- కోచ్‌గా పనిచేసిన సంగతి తెలిసిందే. కాగా టీమిండియా కోచ్‌ ఎంపికకు శుక్రవారం ఇంటర్వ్యూలు జరిగాయి. బిసిసిఐ ప్రధాన కార్యాలయంలో మాజీ కెప్టెన్‌ కపిల్‌ దేవ్‌తో పాటు కమిటీలోని ఇతర సభ్యులు అన్షుమన్‌ గైక్వాడ శాంత రంగస్వామి అభ్యర్థులను ఇంటర్వ్యూ చేశారు. ఈ క్రమంలో కోచ్‌ పదవి రేసులో ఉన్న ఫిల్‌ సిమ్మన్స్‌ వ్యక్తిగత కారణాల వల్ల హాజరు కాలేదు. ఇక మిగిలిన ఐదుగురిలో రవిశాస్త్రి వైపే బిసిసిఐ మరోసారి మొగ్గుచూపింది. కోచ్‌గా అతడినే కొనసాగిస్తూ నిర్ణయం తీసుకుంది. ఇక కెప్టెన్‌ కోహ్లి మద్దతుతో పాటు చెప్పుకోదగ్గ రికార్డు రవిశాస్త్రికి ఉండటం… అతడి శిక్షణలోనే భారత జట్టు తొలిసారిగా ఆస్ట్రేలియా గడ్డపై టెస్టు సిరీస్‌ గెలుచుకోవడం, పైగా ఆటగాళ్లందరితో ఈ భారత మాజీ క్రికెటర్‌కు మంచి సంబంధాలు ఉండటంతో రవిశాస్త్రి ఎంపిక లాంఛనమే అయ్యింది. కాగా రవిశాస్త్రితో పాటు టామ్‌ మూడీ, మైక్‌ హెసన్‌, లాల్‌చంద్‌ రాజ్‌పుత్‌, రాబిన్‌ సింగ్‌, ఫిల్‌ సిమన్స్‌ ఈ పదవికి దరఖాస్తు చేసుకున్న విషయం తెలిసిందే. మరోవైపు బ్యాటింగ్‌, బౌలింగ్‌, ఫీల్డింగ్‌ కోచ్‌, అడ్మినిస్ట్రేటివ్‌ మేనేజర్‌వంటి సహాయక సిబ్బందిని ఎంపిక చేసేందుకు సెలక్షన్‌ కమిటీ చైర్మన్‌ ఎంఎస్‌కె ప్రసాద్‌ నేతృత్వంలో ఇంటర్వ్యూలు జరుగనున్నాయి.

DO YOU LIKE THIS ARTICLE?
Prajapaksham
Prajapaksham
Praja Paksham Telugu News (తెలుగు వార్తలు) offers the Latest Telugu News, Breaking News in Telugu (ముఖ్యాంశాలు) from Andhra Pradesh and Telangana. National News, International News Headlines in Telugu Daily. prajapaksham.in is flagship online website of PrajaPaksham Newspaper
RELATED ARTICLES
- Advertisment -
Google search engine

Most Popular

Recent Comments