భారీ వర్షాలతో తీవ్ర నష్టం

*ప్రతీ గింజను కొనుగోలు చేస్తాం * చివరి బాధితుని వరకూ సహాయం అందిస్తాం

*వర్ష, వరద నష్టాన్ని అంచనా వేసి.. సమగ్ర నివేదికను రూపొందించండి

*భారీ వర్షాలు, వరదలపై మంత్రి పొంగులేటి శ్రీనివాస్‌రెడ్డి ఉన్నత స్థాయి సమీక్ష సమావేశం

ప్రజాపక్షం/హైదరాబాద్‌
ఇటీవల కురిసిన భారీ వర్షాలు,వరదల ప్రభావం ఆయా శాఖలకు సంబంధించి ఎంత వరకు నష్టం జరిగింది.?, అవసరమైన నిధులు, తదితర అంశాలను కేంద్ర ప్రభుత్వానికి అందజేసే సమగ్ర నివేదికలో పొందపర్చాలని రెవెన్యూ, సమాచార పౌర సంబంధాల శాఖ మంత్రి పొంగులేటి శ్రీనివాస్‌ రెడ్డి అధికారులను ఆదేశించారు. అన్ని అం శాలను క్షుణ్ణంగా పరిశీలించి, నివేదికను రూపొందించాలన్నారు. వరద ప్రాంతాలలో నష్టపరిహారా న్ని అంచనా వేయాలన్నారు.రాష్ట్ర వ్యాప్తంగా ఇటీ వల కురిసిన భారీ వర్షాలు, వరదల ప్రభావంపై మంత్రి పొంగులేటి శ్రీనివాస్‌ రెడ్డి హైదరాబాద్‌లోని సచివాలయంలో సోమవారం ఉన్నత స్థా యి సమీక్ష సమావేశం నిర్వహించారు. ఈ సమీక్షలో ముఖ్యమంత్రి సలహాదారులు వేం.నరేందర్‌ రెడ్డి, ప్రభుత్వ ప్రధాన కార్యదర్శి శాంతి కుమారి, విపత్తుల నిర్వహణ శాఖ ప్రత్యేక ముఖ్య కార్యద ర్శి అరవింద్‌ కుమార్‌తో పాటు మున్సిపల్‌, వ్యవసాయ, పంచాయితీరాజ్‌, విద్యుత్‌, విద్యా, రోడ్లు, హౌసింగ్‌, ఇరిగేషన్‌ అధికారులు పాల్గొన్నారు. వరద ప్రభావిత ప్రాంతాలలో యుద్ధ ప్రతిపాదికన బాధితులకు సహాయమందించాలని మంత్రి పొంగులేటి శ్రీనివాస్‌రెడ్డి అధికారులను ఆదేశించారు. బాధితులకు ఈ ప్రభుత్వం పూర్తిగా అండ గా ఉంటుందని, ఎవ్వరూ ఆందోళన చెందాల్సిన అవసరం లేదని, చివరి బాధితుని వరకు సహా యం అందిస్తామని ప్రకటించారు. తడిసిన ధాన్యా న్ని పౌర సరఫరాల శాఖ ద్వారా ప్రతి గింజను కనీస మద్ధతు ధరకు కొనుగోలు చేయాలని కలెక్టర్లను ఆదేశించారు. భారీ వర్షాలు, వరదలతో చా లా ఇండ్లల్లోకి నీరు చేరి ఇంటి యజమాని భూ పత్రాలు, ఆస్తి పత్రాలు, కుటుంబ సభ్యుల ఆధార్‌ కార్డులు, రేషన్‌ కార్డులతో పాటు విలువైన పత్రా లు తడిచిపోయాయని, మరి కొన్ని కొట్టుకుపోయాయని తెలిపారు. విలువైన పత్రాలు కొట్టుకుపోయినా బాధితులందరూ స్థానికంగా ఉన్న పో లీసు స్టేషన్లలో ఏర్పాటు చేసిన ప్రత్యేక కౌంటర్లలో దరఖాస్తు చేసుకుంటే,వాటిని పరిశీలించి డూప్లికేట్‌ పత్రాలను అందిస్తారని మంత్రి తెలిపారు. ఈ విషయంలో బాధితులు ఎలాంటి ఆందోళన చెందాల్సిన అవసరం లేదని భరోసా అంగన్వాడీ, ప్రభుత్వ ఆసుపత్రులు, పాఠటశాల ప్రాథమిక హెల్త్‌ సెంటర్లు పూర్తిగా, పాక్షికం దె బ్బతిన్న వివరాలను 24 గంటల్లో సచివాలయంలోని ఆయా విభాగాలకు పంపించాలని కలెక్టర్ల ను ఆదేశించారు.వర్షాలు, వరదలకు రాష్ట్రం తీవ్రంగా నష్టపోయిందని 33 జిల్లాలను వర్షాప్రభావిత జిల్లాలుగా ప్రకటించామన్నారు. భారీ వ ర్షాలతో రాష్ట్రవ్యాప్తంగా ఇప్పటివరకు 33 మంది మృతి చెందారని,ఇందులో ప్రధానంగా ఖమ్మంలో 6 మంది, కొత్తగూడెంలో 5 మంది, ములుగులో 4 మంది, కామారెడ్డిలో ముగ్గురు, వనపర్తిలో ముగ్గు రు చనిపోయారని అధికారులు మంత్రి వివరించా రు. మృతి చెందిన కుటుంబాలకు రూ.5 లక్షల చొ ప్పున ఆర్థిక సహాయంతో పాటు ఇందిరమ్మ ఇల్లు మంజూరు పత్రాన్ని కూడా అందచేయాలని అధికారులను మంత్రి పొంగులేటి ఆదేశించారు. ఇటీవల కురిసిన వర్షాలు, వరదలతో రాష్ట్ర వ్యాప్తంగా వేలాది ఇండ్లు పూర్తిగా పాక్షికంగా కూలిపోయాయని, వీటిని వెంటనే గుర్తించి, బాధితులకు రూ. 5 లక్షల రూపాయలతో ఉచితంగా ఇందిరమ్మ ఇళ్ళు నిర్మించి ఇవ్వాలని కలెక్టర్లను మంత్రి ఆదేశించారు. దీనికి సంబంధించి ప్రక్రియను వెంటనే ప్రారంభించాలన్నారు. .
బాధిత కుటంబానికి ఆన్‌లైన్‌ ద్వారా రూ.16,500:
వర్షాలలో దెబ్బతిన్న ప్రతి ఇంటికీ రూ.16,500 చొప్పున సహాయం అందిస్తున్నామని మంత్రి పొంగులేటి శ్రీనివాస్‌ రెడ్డి తెలిపారు. ఎటువంటి అవినీతి, అక్రమాలకు ఆస్కారం లేకుండా వరద సహాయం పూర్తిగా ఆన్‌లైన్‌ ద్వారానే బాధితుల బ్యాంక్‌ఖాతాలో జమ చేస్తున్నామని వెల్లడించారు. వరద ప్రాంతాలను పర్యటించిన సిఎం రేవంత్‌రెడ్డి రూ.10 వేల ఆర్థిక సహాయం అందిస్తామని ప్రకటించారని,కానీ జరిగిన నష్టాన్ని చూసిన తర్వాత మానవతా ధృక్పథంతో ఆర్థిక సహాయన్నిసిఎం రూ.16,500 లకు పెంచినట్టు వివరించారు. ఈ సహాయాన్ని సోమవారం నుంచే బాధితులకు అందే లా చర్యలు తీసుకోవాలని అధికారులను ఆదేశించారు.
ఎకరానికి రూ.10 వేల ఆర్థిక సహాయం:
రాష్ట్ర వ్యాప్తంగా వ్యవసాయ శాఖ ప్రాథమిక అంచనాల ప్రకారం లక్షలాది ఎకరాల పంట నష్టం వాటిల్లినట్లు అధికారులు మంత్రికి వివరించారు. దీంతో వరద ముప్పునకు గురైన ప్రతి ఎకరానికి రూ. 10వేల ఆర్థిక సహాయం అందిస్తున్నట్లు తెలిపారు. రాష్ట్ర వ్యాప్తంగా దాదాపు 358 గ్రామాలు వరద ముప్పునకు గురి కాగా, దాదాపు 2 లక్షల మంది ప్రభావితమయ్యారని, వరద ప్రభావిత ప్రాంతాల ప్రజల కోసం 158 పునరావాస కేంద్రాలను ఏర్పాటు చేసినట్లు వివరించారు. ముందస్తు చర్యలతో 2,454 మందిని రక్షించామని వివరించారు. 13,494 మందిని సురక్షిత ప్రాంతాలకు తరలించామని తెలిపారు. భారీ వర్షాలు, వరదలతో ఆర్‌అండ్‌బి, పంచాయితీరాజ్‌ విభాగాలకు సంబంధించి వేలాది కిలోమీటర్ల రహదారులు దెబ్బతిన్నాయని, గ్రామీణ మారుమూల ప్రాంతాలలో ఇప్పటికే తాత్కాలిక మరమత్తులు చేపట్టి కొన్ని రోడ్లను పునరుద్ధరించామని శాశ్వత ప్రతిపాదికన మరమత్తులు చేపట్టడానికి అవసరమైన కార్యాచరణ ప్రణాళికలను రెండు మూడు రోజుల్లో తయారు చేయాలని జిల్లా కలెక్టర్లను మంత్రి ఆదేశించారు. అలాగే మేజర్‌, మీడియం ఇరిగేషన్‌ ప్రాజెక్టులకు సంబంధించిన మరమత్తులను కూడా శాశ్వత ప్రతిపాదికన చేపట్టాలని సూచించారు. తాత్కాలిక మరమత్తులతో ఆశించిన ప్రయోజనం ఉండకపోవచ్చని మంత్రి పొంగులేటి శ్రీనివాస్‌ రెడ్డి అభిప్రాయపడ్డారు.
ఆ నష్టాన్ని ‘మైన్స్‌’ నుంచే వసూలు చేయాలి:
మైన్స్‌ కు సంబంధించి వ్యర్థాలను ప్రభుత్వ భూముల్లో పోయడం ద్వారానే సూర్యపేట, పాలేరుకు భారీగా నష్టం జరిగిందని మంత్రి పొంగులేటి అన్నారు. ఆ వ్యర్థాలతో వరద నీరు పోయేందుకు వీలు లేకుండా పోయిందని, తద్వారా జరిగిన నష్టాన్ని ఆ ఏజెన్సీల నుంచే వసూలు చేయాలని మైనింగ్‌ అధికారులను ఆయన ఆదేశించారు. రెండు ఏజెన్సీలు 18 లక్షల క్యూబిక్‌ మీటర్ల వ్యర్థాలను పోశారని అధికారులు మంత్రికి వివరించారు.