బెంగళూరుకు సిఎం కెసిఆర్‌

ప్రజాపక్షం / హైదరాబాద్‌ ముఖ్యమంత్రి కెసిఆర్‌ గురువారం ఉదయం బెంగుళూరుకు వెళ్లనున్నారు. భారత మాజీ ప్రధాని దేవెగౌడతో ఆయన నివాసంలో మధ్యాహ్నం భేటీ కానున్నారు. దేశ ప్రస్తుత రాజకీయాలు, ఇతర సమకాలీన అంశాలపై ఇరువురి మధ్య చర్చ జరగనున్నట్లు టిఆర్‌ఎస్‌ వర్గాల సమాచారం. ఈ లంచ్‌ సమావేశంలో కర్ణాటక మాజీ ముఖ్యమంత్రి, దేవెగౌడ తనయుడు కుమారస్వామి కూడా పాల్గొంటారు. బెంగళూరు పర్యటన సందర్భంగా సిఎం కెసిఆర్‌కు ఘన స్వాగతం పలుకుతూ పద్మనాభనగర్‌లోని దేవెగౌడ ఇంటి పరిసరాల్లో అభిమానులు ముఖ్యమంత్రి కెసిఆర్‌ కటౌట్లను ఏర్పాటు చేశారు.