బిసిసిఐ కొత్త అధ్యక్షుడిగా సౌరవ్‌ గంగూలీ బాధ్యతల స్వీకరణ
బిసిసిఐ కార్యదర్శిగా జై షా కోశాధికారిగా అరుణ్‌ సింగ్‌ ధూమల్‌…
ముంబయి: భారత క్రికెట్‌ మండలి (బిసిసిఐ) నూతన అధ్యక్షుడిగా సౌరవ్‌ బాధ్యతలు చేపట్టారు. ముంబయిలోని బిసిసిఐ ప్రధాన కార్యాలయంలో బుధవారం సర్వసభ్య సమావేశంలో ఏకగ్రీవంగా ఎన్నికయ్యారు. బిసిసిఐ అధ్యక్ష పదవికి గంగూలీ మినహా ఎవరూ నామినేషన్‌ చేయని తెలిసిందే. 33 నెలల పాటు బిసిసిఐని నడపించిన సుప్రీంకోర్టు నియమిత పాలకుల కమిటీ బాధ్యతల నుంచి తప్పుకోవడంతో అధ్యక్షుడిగా దాదా నియమితులయ్యారు. దాదాతో పాటు కేంద్ర హోం మంత్రి అమిత్‌షా కుమారుడు జై షా కార్యదర్శిగా, అనురాగ్‌ అరుణ్‌ కోశాధికారిగా బాధ్యతలు చేపట్టారు. ఒక మాజీ క్రికెటర్‌ బిసిసిఐ అధ్యక్షుడిగా బాధ్యతలు చేపట్టడం 65 ఏళ్లలో ఇదే తొలిసారి. చివరిగా 1954లో విజయనగరం మహారాజు విజయానంద గజపతిరాజు బిసిసిఐ ఎన్నికయ్యారు. అతడు భారత మాజీ కెప్టెన్‌ కూడా. 2014లో సునీల్‌ శివలాల్‌ బాధ్యతలు నిర్వర్తించారు. కానీ, వారు కొన్ని నెలలు మాత్రమే తాత్కాలికంగా విధుల్లో ఉన్నారు. పూర్తిస్థాయిలో బిసిసిఐ పగ్గాలు చేపట్టిన గంగూలీ మరో నెలలే పదవిలో ఉంటారు. అయిదేళ్లకు పైగా క్రికెట్‌ దాదా ఉండటంతో కమిటీ తప్పనిసరి విరామం ప్రకారం వచ్చే ఏడాది జులైలో నుంచి తప్పుకోవాల్సి ఉంటుంది. మూడేళ్ల తర్వాత తిరిగి బిసిసిఐ అధ్యక్ష పదవికి పోటీ చేయవచ్చు.
