ఢిల్లీ డేర్‌డెవిల్స్‌ పేరు మారింది..!

న్యూఢిల్లీ: ఐపిఎల్‌ సీజన్‌-2019లో ఢిల్లీ డేర్‌డెవిల్స్‌ పేరును మార్చి ఢిల్లీ క్యాపిటల్స్‌గా చేశామని జట్టు యాజమాన్యం మంగళవారం ప్రకటించింది. ఐపిఎల్‌ తొలి సీజన్‌ – 2008 నుంచి వరుసగా ఆడుతూ వచ్చిన ఢిల్లీ ఇప్పటి వరకు ఒక టైటిల్‌ కూడా గెలవలేదు. కనీసం ఫైనల్‌ వరకు కూడా వెళ్లలేదు. 2018 సీజన్‌లో మొత్తం 14 మ్యాచ్‌లు ఆడిన ఢిల్లీ జట్టు కేవలం నాలుగు విజయాలనే అందుకొని.. ఏకంగా 9 ఓటములతో పాయింట్ల పట్టికలో చివరి స్థానంలో నిలిచింది. ఈ సీజన్‌ మధ్యలో కెప్టెన్‌గా వ్యవహరిస్తున్న గౌతమ్‌ గంభీర్‌ అనూహ్యంగా తప్పుకోవడంతో అతని స్థానంలో శ్రేయస్‌ అయ్యర్‌కు సారథ్య బాధ్యతులను అప్పజెప్పారు. 2019 సీజన్‌లో బలమైన జట్టుతో ఢిల్లీ బరిలోకి దిగనుంది. సన్‌రైజర్స్‌ స్టార్‌ ఓపెనర్‌ శిఖర్‌ ధవన్‌ను తమ జట్టులో బదిలి చేసుకుంది. ఢీల్లీ జట్టు ప్రధాన కోచ్‌గా రికీ పాంటింగ్‌ కొనసాగుతున్నాడని ఫ్రాంచైజీ తెలిపింది. సహాయక కోచ్‌లుగా మహ్మద్‌ కైప్‌, ప్రవీణ్‌ ఆమ్రేలను సహాయ కోచ్‌లుగా నియమితులయ్యారు.