HomeNewsBreaking Newsఐపిఎల్‌ రద్దుకు ‘కర్నాటక’ పట్టు

ఐపిఎల్‌ రద్దుకు ‘కర్నాటక’ పట్టు

కరోనా ఎఫెక్టే కారణం
బెంగళూరు: దేశంలో వేగంగా విస్తరిస్తున్న కరోనా వైరస్‌(కోవిడ్‌19) సెగ ఐపిఎల్‌ 2020 సీజన్‌కు తగిలింది. ఓవైపు రోజురోజుకు పెరుగుతున్న కరోనా కేసుల నేపథ్యంలో ఈ క్యాష్‌రిచ్‌ లీగ్‌ నిర్వహణపై నీలినీడలు కమ్ముకోగా.. మరోవైపు బిసిసిఐ మాత్రం షెడ్యూల్‌ ప్రకారమే ఐపిఎల్‌-13వ సీజన్‌ జరుగుతుందని రోజుకో ప్రకటన విడుదల చేస్తుంది. స్వయంగా బిసిసిఐ బాస్‌ సౌరవ్‌ గంగూలీనే ఈ విషయంపై క్లారిటీ ఇస్తూ క్యాచ్‌ రిచ్‌ లీగ్‌పై వస్తున్న ఊహాగానాలను ఖండిస్తున్నా.. ఈ మెగాలీగ్‌ నిర్వహించేందుకు మాత్రం రాష్ట్ర ప్రభుత్వాలు జంకుతున్నాయి. మొన్న మహారాష్ట్ర ప్రభుత్వం ఐపీఎల్‌ను వాయిదా వేయాలనగా.. నేడు కర్ణాటక ప్రభుత్వం తాము ఎట్టి పరిస్థితుల్లో ఈ క్యాష్‌ రిచ్‌ లీగ్‌ను నిర్వహించమని ప్రకటించింది. అంతేకాకుండా ఐపీఎల్‌ 2020 సీజన్‌ను రద్దు చేయాలని కేంద్ర ప్రభుత్వానికి లేఖ కూడా రాసినట్లు తెలుస్తోంది. ఇక సోమవారం కర్ణాటకలో తొలి కరోనా కేసు నమోదైన విషయం తెలిసిందే. అమెరికా నుంచి దుబాయ్‌ మీదుగా బెంగళూరుకు వచ్చిన ఓ టెకీకి(40) కరోనా పాజిటివ్‌ వచ్చింది. అతన్ని వెంటనే రాజీవ్‌ గాంధీ ఇనిస్టిట్యూట్‌ ఆఫ్‌ చెస్ట్‌ డిసీజెస్‌లో అడ్మిట్‌ చేసి చికిత్స అందిస్తున్నారు. అయితే రోగి పరిస్థితి నిలకడగా ఉందంటున్న అధికారులు.. ముందస్తుగా అతని భార్య, పిల్లలను కూడా ఐసోలేషన్‌ వార్డుకు తరలించారు. అతని సహోద్యోగులు, ఫ్లైట్‌ లో అతని ముందు వెనకా ప్రయాణించి వారు, అతనితో సంబంధాలు కలిగి ఉన్నమరి కొందరికి కరోనా పరీక్షలు నిర్వహిస్తున్నారు. వైరస్‌ వ్యాప్తి దృష్ట్యా ఇవాళ్టి నుంచి బెంగళూరులోని అన్ని స్కూళ్లను మూసివేశారు. కరోనా కేసు నమోదవ్వడంతో ఐపిఎల్‌ను నిర్వహించమని ప్రభుత్వ వర్గాలు తెలిపినట్లు స్థానిక దిగ్విజయ్‌ 24/7 చానెల్‌ పేర్కొంది. అంతేకాకుండా వీలైతే ఐపీఎల్‌ 2020 సీజన్‌ను రద్దు చేయాలని లేకుంటే.. వాయిదా వేయాలని కేంద్ర ప్రభుత్వానికి లేఖ రాసినట్లు కూడా తెలిపింది. ఏదిఏమైనా తాము ఎట్టి పరిస్థితుల్లో ఐపీఎల్‌ నిర్వహించమని కర్ణాటక ప్రభుత్వం స్పష్టం చేసింది. దీంతో చిన్నస్వామి స్టేడియం వేదికగా జరిగే బెంగళూరు రాయల్‌ చాలెంజర్స్‌ మ్యాచ్‌లపై గందరగోళం నెలకొంది. రెండు రోజుల క్రితం మహారాష్ట్ర ఆరోగ్య శాఖ మంత్రి రాజేశ్‌తోపె కూడా ప్రస్తుత పరిస్థితుల్లో ఐపీఎల్‌ వాయిదా వేయడమే ఉత్తమమన్నాడు. ‘ప్రజలు ఎక్కువ సంఖ్యలో గమిగూడితే.. వైరస్‌ ప్రభావం దారుణంగా ఉంటుంది. ఇలాంటి టోర్నీలు తర్వాత కూడా నిర్వహించుకోవచ్చు’ అని మంత్రి మీడియా సమావేశంలో అన్నారు. ఐపీఎల్‌ను వాయిదా వేయాలనే విషయంపై అధికార వర్గాల్లోనూ చర్చలు జరుగుతున్నాయని, త్వరలోనే నిర్ణయం తీసుకొని వెల్లడిస్తారని కర్నాటక మంత్రి చెప్పారు.

DO YOU LIKE THIS ARTICLE?
Prajapaksham
Prajapaksham
Praja Paksham Telugu News (తెలుగు వార్తలు) offers the Latest Telugu News, Breaking News in Telugu (ముఖ్యాంశాలు) from Andhra Pradesh and Telangana. National News, International News Headlines in Telugu Daily. prajapaksham.in is flagship online website of PrajaPaksham Newspaper
RELATED ARTICLES
- Advertisment -
Google search engine

Most Popular

Recent Comments