ఎఐటియుసి డిమాండ్‌ కోఠిలోని కమిషన్‌ కార్యాలయం ఎదుట కార్మికుల మహాధర్నా
ప్రజాపక్షం / హైదరాబాద్‌ నేషనల్‌ హెల్త్‌ మిషన్‌ అండ్‌ హెచ్‌ఎం స్కీం (ఎన్‌ హెచ్‌ ఎం) కాంట్రాక్ట్‌, ఔట్సోర్సింగ్ ఉద్యోగులందర్నీ క్రమబద్ధీకరించాలని ఎఐటియుసి రాష్ర్ట అధ్యక్షులు ఎండి యూసుఫ్‌, ఉప ప్రధాన కార్యదర్శి ఎం నరసింహ, యూనియన్‌ ప్రధాన కార్యదర్శి రామా రాజేష్‌ ఖన్నా డిమాండ్‌ చేశారు. ఎన్‌ హెచ్‌ఎం స్కీంలో దాదాపు 15 వేల మంది కాంట్రాక్ట్‌ , ఔట్‌ సోర్సింగ్‌ పద్దతిలో వివిధ విభాగాలలో అనేక మంది గత 20 ఏళ్ళుగా పని చేస్తున్నారని తెలిపారు. ఎన్‌ హెచ్‌ ఎం కాంట్రాక్ట్‌ అండ్‌ ఔట్సోర్సింగ్ ఎంప్లాయిస్‌ యూనియన్‌ (ఎఐటియుసి)ఆధ్వర్యంలో కోఠిలోని కమిషనర్‌ కార్యాలయం ఎదుట గురువారం వందలాది మంది కార్మికులతో మహాధర్న నిర్వహించారు. ఈ సందర్భంగా నాయకులు యూసుఫ్‌, నరసింహా, రమా రాజేష్‌ ఖన్నాలు మాట్లాడుతూ అర్బన్‌ హెల్త్‌ సెంటర్‌లో అనేక క్యాడర్ల సిబ్బందికి సమాన పనికి సమాన వేతనం చట్టం ప్రకారం జీతాలు చెల్లించాలని వారు డిమాండ్‌ చేశారు. పి.హెచ్‌.ఎం. స్టాఫ్‌ నర్సులు, ల్యాబ్‌ టెక్నీషియన్‌, ఫార్మసిస్టులు, అకౌంటెంట్స్‌, సపోర్టింగ్‌ స్టాఫ్‌, ముగ్గురు మెడికల్‌ అసిస్టెంట్‌ / ఎం.ఎన్‌.ఓ. వాచ్‌మెన్‌, స్వీపర్‌, బస్తీ దవఖానా స్టాఫ్నర్స్‌, సపోర్టింగ్‌ స్టాఫ్‌, బ్లడ్‌ బ్యాంకు డి.ఈ.ఓ, ల్యాబ్‌ అటెండర్‌, ఎస్‌.ఎన్‌.సి.యూ.డి.ఈ.ఓ, సెక్యూరిటీ గార్డ్స్‌, టీ-హబ్‌ మేనేజర్‌, డి.ఈ.ఓ. సపోర్టింగ్‌ స్టాఫ్‌, బ్లాక్‌ లెవెల్‌ అకౌంటెంట్స్‌, ఔట్సోర్సింగ్ ఏఎన్‌ఎంలు, ఔట్సోర్సింగ్ స్టాఫ్‌ నర్సులు, ఎన్‌.అర్‌.సి. న్యూట్రిషన్‌ కౌన్సిలర్‌, సెక్యూరిటీ గార్డ్‌, సపోర్టింగ్‌ స్టాఫ్‌, పిహెచ్సి డి.ఈ.ఓ, కాంటిజెంట్‌ వర్కర్స్‌, డిఐఇసి సైకాలజిస్ట్‌, డెంటిల్‌ టెక్నీషియన్‌, ఎర్లీ ఇంటర్వెన్షనిస్ట్‌, సోషల్‌ వర్కర్‌, అప్తోమేట్రిస్ట్‌, ఫిజియోథెరపిస్టులు, ఎంసిహెచ్‌ ఓ.టీ.అసిస్టెంట్‌ / ఓ.టీ.టెక్నీషియన్‌, సెక్యూరిటీ గార్డ్‌, సపోర్టింగ్‌ స్టాఫ్‌, ఆయుష్‌ ఎస్‌.ఎన్‌.ఓ / ఎఫ్‌ఎన్‌ఓ, ఎస్టిఎల్‌ఎస్‌, టిబి లెప్రసీ వింగ్‌ ఆల్‌ సూపర్వైజర్స్‌, ఆర్బిఎస్కె ఫార్మాసిస్టులు, ఎఎన్‌ఎంలు పని చేస్తున్నారని చెప్పారు. అధికారులు విడుదల చేసిన 510 జీవో ద్వారా వీరికి తీవ్ర నష్టం జరిగిందని, చట్ట ప్రకారం ప్రభుత్వ ఉద్యోగుల బేసిక్‌ వేతనం ఈ సిబ్బందికి అమలు చేయాల్సి ఉన్నప్పటికీ అధికారులు పట్టించుకోకుండా నిమ్మకు నీరెత్తినట్లు వ్యవహరిస్తున్నారని వారు విమర్శించారు.
ఎన్‌ హెచ్‌ ఎం స్కీములో పనిచేస్తున్న డాక్టర్లను ఏ మాదిరిగా రెగ్యులరైజ్‌ చేశారో, అదే మాదిరిగా మిగతా క్యాడర్‌ సిబ్బంది అందరిని కూడా క్రమబద్ధీకరించాలని, లేకపోతే భవిష్యత్తులో సమ్మెతో సహా ఆందోళన కార్యక్రమాలను నిర్వహిస్తామని హెచ్చరించారు. ఈ కార్యక్రమంలో బాలసుబ్రమణ్యం,
బాపు యాదవ్‌, సుమన్‌, నరసింహ, రేవతి, నీలం, మీనాక్షి రజిత జయలక్ష్మి భవాని బాలకృష్ణమ్మ పావని సునీత అనిత సాగర్‌ జైపాల్‌ శైలు వరలక్ష్మి ప్రసన్నకుమారి భారతి సునంద రాము రవీందర్‌ రామానాథం చిరంజీవి స్వప్న జ్యోతి కృష్ణవేణి సంధ్యారాణి నిర్మల జయలక్ష్మి సావిత్రి తదితరులు పాల్గొన్నారు
ఎన్‌హెచ్‌ఎం కాంట్రాక్ట్‌, ఔట్‌సోర్సింగ్‌ఉద్యోగులను క్రమబద్ధీకరించాలి
RELATED ARTICLES
