న్యూఢిల్లీ: ఉద్యోగాలను కోరే వారి స్థానంలో ఉద్యోగాలను సృష్టించేవారిని తయారు చేయడమే నూతన విద్యా విధానం లక్ష్యమని ప్రధానమంత్రి నరేంద్ర మోడీ అన్నారు. స్మార్ట్‌ ఇండియా హ్యాకథాన్‌ 2020 గ్రాండ్‌ ఫినాలేలో శనివారం మోడీ ప్రసంగించారు. వేగంగా మారుతున్న ప్రపంచంలో దేశం తన ప్రభావవంతమైన పాత్రను పోషించడానికి 21వ శతాబ్దం మరింత వేగంగా మారాలని అభిప్రాయపడ్డారు. ఈ ఆలోచనతో దేశంలో ఆవిష్కరణ, పరిశోధన, రూపకల్పన, అభివృద్ధి, వ్యవస్థాపకత కోసం అవసరమైన పర్యావరణ వ్యవస్థ వేగంగా తయారవుతోందని వ్యాఖ్యానించారు. స్థానిక జానపద కళలు, విభాగాల కు, శాస్త్రీయ కళ, జ్ఞానానికి సహజమైన స్థలాన్ని ఇవ్వడం గురిం చి చర్చ జరుగుతుండగా, మరోవైపు టాప్‌ గ్లోబల్‌ ఇన్స్టిట్యూషన్స్‌ కూడా భారతదేశంలో క్యాంపస్‌ తెరవడానికి ఆహ్వానించిన విషయాన్ని గుర్తుచేశారు. దేశ యువత శక్తిని తాను ఎల్లప్పుడూ విశ్వసిస్తానని చెప్పారు. ఈ నమ్మకాన్ని మన యువత మళ్లీ మళ్లీ నిలబెట్టుకుంటోందని తెలిపారు. ఇటీవల కరోనాను రక్షించడానికి ఫేస్‌ షీలడ్స్‌ కోసం డిమాండ్‌ పెరిగిందని, 3డీ ప్రింటింగ్‌ టెక్నాలజీతో దేశ యువత ఈ డిమాండ్‌ను తీర్చడానికి ముం దుకు వచ్చిందని గుర్తు చేశారు దేశంలోని పేదలకు మెరుగైన జీవితాన్ని ఇవ్వడానికి ఈజీ ఆఫ్‌ లివింగ్‌ అనే లక్ష్యాన్నిసాధించడంలో యువత పాత్ర చాలా ముఖ్యమైనదన్నారు. స్మార్ట్‌ ఇండియా హాకథాన్‌ ద్వారా గత సంవత్సరాల్లో దేశానికి అద్భుతమైన ఆవిష్కరణలు వచ్చాయి. ఈ హాకథాన్‌ తరువాత కూడా దేశ అవసరాలను అర్థం చేసుకుని, దేశాన్ని స్వావలంబనగా మార్చడానికి కొత్త పరిష్కారాలపై కృషి చేస్తూనే ఉంటారని యువతపై నమ్మకం ఉందని మోడీ అన్నారు. గత శతాబ్దాలలో భారతదేశం ఒక్కటే ఎక్కువ మంది ఉత్తమ శాస్త్రవేత్తలు, సాంకేతిక నిపుణులు, సాంకేతిక వ్యవస్థాపకులను ప్రపంచానికి పరిచయం చేసిందని తెలిపారు. అన్నారు. ప్రపంచ దేశాలకు భారతీయులు సేవలందిస్తున్నందుకు దేశ ప్రజానీకమంతా గర్వపడాలని వ్యాఖ్యానించారు.
ఉపాధి సృష్టికర్తల సృష్టి
RELATED ARTICLES
