సూట్‌కేసులో శవమై కనిపించిన ప్రీతిరెడ్డి
రోడ్డు ప్రమాదంలో డెంటిస్ట్‌ మాజీ ప్రియుడు సజీవదహనం
ప్రజాపక్షం/హైదరాబాద్‌ : ఆస్ట్రేలియాలో తెలంగాణకు చెందిన డాక్టర్‌ ప్రీతిరెడ్డి (32) దారుణహత్యకు గురయ్యారు. రెండు రోజుల క్రితం అదృశ్యమైన ప్రీతిరెడ్డి తన కారులోనే సూట్‌కేసులో శవమై కనిపించారు. ఘటన కు 340 కిలోమీటర్ల దూరంలో ఆమె మాజీ ప్రియుడు దంత వైద్యుడు హర్షవర్దన్‌ రోడ్డు ప్రమాదంలో సజీవదహనమయ్యాడు. ప్రీతిరెడ్డిని హర్షవర్దన్‌ హత్య చేశాడని పోలీసులు అనుమానిస్తున్నారు. సిడ్నీకి 70 కిలోమీటర్ల దూరంలో ఉన్న గ్లెన్‌బ్రూక్‌ డెంటల్‌ ఆసుపత్రిలో ప్రీతిరెడ్డి సర్జన్‌గా పనిచేస్తున్నారు. ఆదివారం ఓ హోటల్‌లో బసచేసిన ఆమె కనిపించకుండాపోయారు. దీనిపై కేసు నమోదు కావడంతో పోలీసులు రంగంలోకి దిగారు. ఆమె కోసం గాలింపు చేపట్టగా.. మంగళవారం రాత్రి ఓ కారులోని సూట్‌కేసులో శవమై కనిపించారు. ఆమె శరీరంలో అనేక కత్తిపోట్లు ఉన్నట్లు పోలీసులు గుర్తించారు. ఈ ఘటనపై కేసు నమోదు చేసుకుని దర్యాప్తు చేపట్టినట్లు సౌత్‌వేల్స్‌ పోలీసులు తెలిపారు. ఉమ్మడి మహబూబ్‌నగర్‌ జిల్లా నవాబ్‌పేట మండలం గురుకుంటకు చెందిన నర్సింహ్మారెడ్డి కూతురు ప్రీతిరెడ్డి కుటుం బం చాలా ఏళ్ల కిందటే సిడ్నీలో స్థిరపడింది. ఆమె తండ్రి ప్రొఫెసర్‌గా పనిచేస్తున్నారు. ఓ కాన్ఫరెన్స్‌ నిమిత్తం ఆదివారం ఇంటి నుంచి బయటకు వచ్చిన ప్రీతిరెడ్డి తిరిగి ఇంటికి చేరుకోలేదు. దీంతో ఆమె సోదరి నిత్యారెడ్డి సిడ్నీ పోలీసులకు ఫిర్యాదు చేశారు. దీంతో ఆమె కోసం గాలించిన పోలీసులు మంగళవారం రాత్రి ఆమె కారులోనే సూట్‌కేసులో శవమై ఉండటాన్ని గుర్తించారు. ప్రీతిరెడ్డి తన మాజీ ప్రియుడు హర్షవర్ధన్‌తో కలిసి సిడ్నీ మార్కెట్‌ స్ట్రీట్‌లోని ఓ హోటల్‌ రూమ్‌ తీసుకున్నట్లు గుర్తించారు. అర్ధరాత్రి 2 గంటల సమయంలో ఆమె సమీపంలోని మెక్‌ డోనాల్డ్‌ షాప్‌కు వెళ్లినట్లు సిసి కెమెరా ఫుటేజీలో రికార్డయింది. ఆ తర్వాత ఆమె తన బెంజ్‌ కారులో వెళ్లిపోయినట్లు తెలిసింది. ఆ తర్వాత ఏం జరిగిందన్న దానిపై ప్రాథమికంగా నిర్ధారించారు. అయితే ప్రీతిరెడ్డి కారును కనుగొన్న సమీపంలోనే అతడు కూడా మరణించి ఉండడంతో అసలేమైందన్న దానిపై ఉత్కంఠ నెలకొంది. ప్రీతిరెడ్డిని హర్షవర్దన్‌ చంపి
