పంజాబ్‌లో రైతుల నిరసనలు మరింత ఉధృతం
అమృత్‌సర్‌: కేంద్రం తీసుకొచ్చిన వ్యవసాయ రంగ బిల్లులపై పంజాబ్‌, హర్యానాలో రైతుల తీవ్ర ఆగ్రహావేశాలు వ్యక్తం చేస్తున్నారు. పంజాబ్‌లో రైతుల ఆందోళనలు మరిం త ఉద్ధృతమవుతోంది. గురువారం నుంచి మూడు రోజుల పాటు రైల్‌రోకోకు పిలుపునిచ్చారు. రైల్‌ రోకోకు కిసాన్‌ మజ్దూర్‌ సంఘర్ష్‌ కమిటీ పిలుపునివ్వగా.. పలు రైతు సంఘాలు దీనికి మద్దతు తెలిపాయి. గురువారం ఉదయం నుంచే రైతులు రైలు పట్టాలపైకి చేరుకుని నిరసన ప్రదర్శనలు చేపట్టారు. ఈ నేపథ్యంలో ఫిరోజ్‌పూర్‌ రైల్వే డివిజన్‌ పరిధిలో ప్రత్యేక రైలు సర్వీసులను అధికారులు నిలిపివేశారు. సెప్టెంబరు 24- వరకు ఈ డివిజన్‌లో 14 ప్రత్యేక రైళ్లను నిలిపివేసినట్టు రైల్వే అధికారులు తెలిపారు. ప్రయాణికుల భద్రత, రైల్వే ఆస్తులకు ఎటువంటి నష్టం వాటిళ్లకుండా ముందు జాగ్రత్త చర్యల్లో సర్వీసులను నిలిపి వేసినట్టు పేర్కొన్నారు. అమృత్‌సర్‌- సెంట్రల్‌, హరిద్వార్‌- జన శతాబ్ది, న్యూఢిల్లీ- అమృత్‌సర్‌- జలపాయిగురి కర్మభూమి ఎక్స్‌ప్రెస్‌, నాందేడ్‌ సఛ్‌ఖండ్‌ ఎక్స్‌ప్రెస్‌, అమృత్‌సర్‌- షాహీద్‌ ఎక్స్‌ప్రెస్‌ సర్వీసులు రద్దుచేసినట్టు తెలిపారు. కాగా, నిత్యవసర సరకుల(సవరణ) బిల్లు, రైతు ఉత్పత్తుల వాణిజ్య, వ్యాపార (ప్రోత్సాహక, సులభతర) బిల్లు, రైతుల (సాధికారత, రక్షణ) ధర హామీ, సేవల ఒప్పంద బిల్లు-2020 (ది ఫార్మర్స్‌ (ఎంపవర్మెంట్‌ అండ్‌ ప్రొటెక్షన్‌) అగ్రిమెంట్‌ ఆన్‌ ప్రైస్‌ అస్యూరెన్స్‌ అ్‌ండ ఫార్మ్‌ సర్వీసెస్‌ బిల్‌2020) బిల్లులకు వ్యతిరేకంగా రైతులు ఆందోళనలు చేస్తున్నారు. పంజాబ్‌, హర్యానాలో ఈ ఆందోళనలు ఎక్కువగా ఉన్నాయి. ఈ ఆర్డినెన్సులకు వ్యతిరేకంగా ఆగస్టులోనే పంజాబ్‌ అసెంబ్లీ తీర్మానం చేసింది.
అన్నదాత ఆందోళన
RELATED ARTICLES
